Barom 10

Abayahudi barhamanyiriraga obushinganyanya bwa Nnâmahanga

1Bene wîrhu, eci omurhima gwâni gucîfinja n’ecinsengerera emwa Nyamuzinda: nti nabo bacunguke. 2Nêci mpamîrizize oku bashîbirira Nnâmahanga, ci obushiru bwâbo burhali oku bushingânîne okubà. 3Bulyâla barhamanyiriraga obushinganyanya bwa Nnâmahanga, ci balonza obwâbo bushinganyanya, na ntyo balahira okushimba obushinganyanya bwa Nnâmahanga. 4Bulya obushwinjiro bw’Irhegeko, ye Kristu, ye nayêza ngasi mwemêzi.

5Oku bushinganyanya burhenga omu marhegeko Mûsa ayandisire, mpu#Lev 18, 5.: Omuntu wâbushimbe, bunamulamye. 6Ci obushinganyanya burhenga omu buyêmêre kwo budesire ntyâla, mpu: Orhaderhaga omu murhima gwâge, mpu: Ndi wankasôkera omu irunga? Kwo kuderha mpu agend’imanulamwo Kristu; 7nîsi, erhi: Ndi wankayandagalira omu kuzimu? Kwo kuderha mpu aj’iyinamula Kristu omu bafù. 8Bici budesirage obwo? Mpu: Oluderho luli hôfi nâwe, lukuli, omu kanwa n’omu murhima; n’olwo luderho bwo bugo bw’obuyêmêre rhuyigîriza. 9Bulya, akabà omu kanwa kâwe onahamîrize oku Yezu ye Nyakasane, n’akabà oyêmîre omu murhima gwâwe oku Nyamuzinda amufûsize omu bafù, wâcunguka. 10Nêci, obuyêmêre bw’omu murhima bwo buhisa omuntu oku obushinganyanya, n’obuhamîrize bw’akanwa bwo buhisa omuntu oku bucunguzi. 11K’Amandiko garhadesiri, mpu: Ngasi yêshi omuyêmîre arhakabona nshonyi? 12Bulya ntà kabôlo ekarhî k’Abayahudi n’Abagereki: ali Nyakasane muguma, mwâmi wa boshi, ye shobôza abamushenga boshi; 13bulyangasi yêshi wânashenge izîno#Yow 3, 5. lya Nyakasane anacire.

14Ci kwône kurhi bankamushenga barhanamuyêmîri? Na kurhi bankayêmêra oyu barhasâg’iyumva? Na kurhi bankayumva akabà ntâye wâbabwîriza? 15Na kurhi bankaja bahanûla barhanarhumirwi? Kuyandisirwe, mpu#Iz 52, 7.: Oku amagulu g’abajà-bugo b’emyanzi y’akalembe gayinjiha! 16Ci kwône arhali boshi bayankirîre Emyanzi y’Akalembe. Izaya akudesire, erhi#Iz 53, 1.: Yâgirwa, ndi wayêmîre obugo bwîrhu? 17Ntyo obuyêmêre omu kuhanûla burhenga, n’okuhanûla kujirwa n’akanwa ka Kristu.

18Ci nâni ndôsize: «Ka barhayumvagya?» Nêci mâshi! Ciru n’izù lyâbo lyayumvîkîne#Lul 19(18), 5 omu igulu lyoshi, n’enderho zâbo zahisire ngasi habà muntu. 19Nshubir’idôsa: K’Israheli arhayumvagya bwinjà? Mûsa ye murhanzi w’okushuza, erhi#Lush 32, 21.: Nammuyumvîsa obumvu oku ishanja lirhàli ishanja, nâmmuzûsâmwo obukunizi oku ishanja lirhajira bukengêre. 20Ciru Izaya arhayôbohaga okuderha, erhi#Iz 65, 1.: Abarhakâg’innonza bo bambwîne, abarhakâg’indôsa bo naciyêresire. 21Ci bene-Israheli ababwîra, erhi#Iz 65, 2.: Omulegerege gwoshi, olu lubaga lurhumva lunali lugoma, nalulambûlîre amaboko.

Currently Selected:

Barom 10: MKB

Highlight

Copy