Hozeya 6
6
Kwihana kudafashije
1Abantu baravuga bati:
“Nimureke tugarukire Uhoraho,
erega ni we wadutanyaguje, ni na we uzatuvura!
Ni we wadukomerekeje, ni na we uzatwomora!
2Mu minsi ibiri cyangwa itatu azaduhembura,
azaduhagurutsa twibanire na we.
3Nimuze tumenye Uhoraho, dushishikarire kumumenya,
nk'uko umuseke utabura gukeba,
ni ko na we atazabura kutugoboka.
Nk'uko imvura itabura kugwa,
ni ko atazabura kutugeraho,
azatugeraho nk'imvura y'itumba isomya ubutaka.”
4Uhoraho aravuga ati:
“Mwa Befurayimu mwe, mbagenze nte?
Mwa Bayuda mwe, namwe mbagenze nte?
Umurava mugira uyoyoka nk'igihu cya mu gitondo,
ushira nk'ikime gishira hakiri kare.
5Ni cyo gituma mbahana mbinyujije ku bahanuzi,
amagambo mbatumaho ni yo abacira urwo gupfa.
Ibyemezo nabafatiye birasobanutse.
6icyo mbashakaho si ibitambo,
ahubwo ni uko mugira impuhwe.
Jyewe Imana yanyu, nshaka ko mūmenya,
bindutira ko muntambira ibitambo bikongorwa n'umuriro.”
Amarorerwa akorwa n'Abisiraheli
7Uhoraho aravuga ati:
“Bishe Isezerano ryanjye bari ahitwa Adamu#bari … Adamu: cg nka Adamu, cg nk'abantu buntu.,
aho ni ho bampemukiriye.
8I Gileyadi hari umujyi wiganjemo inkozi z'ibibi,
urangwa n'ubwicanyi.
9Abatambyi birema agatsiko,
bameze nk'abambuzi bubikiye umuntu mu gico,
bicira abagenzi mu nzira igana i Shekemu#Shekemu: yari ihuriro ry'abazaga gusenga Imana ikaba n'umujyi w'ubuhungiro.!
Erega ibyo bikojeje isoni!
10Mu Bisiraheli nahabonye ibiteye ishozi,
Abefurayimu bahayobokeye ibigirwamana,
ni bwo buraya.
Abisiraheli barandavuye.
11“Mwa Bayuda mwe, namwe mbateganyirije igihano.
“Iyo nshatse gusubiza ubwoko bwanjye ishya n'ihirwe#gusubiza … ihirwe: cg kugarura ubwoko bwanjye bwajyanywe ho iminyago.,
Currently Selected:
Hozeya 6: BIR
Highlight
Copy
Compare
Share
Want to have your highlights saved across all your devices? Sign up or sign in
Bibiliya Yera © Bible Society of Rwanda, 2001
