مَتّی 9

شَفاء زِلمه الْأمگَرَّم

1چا عیسیٰ رَکَب الْبَلَم وَ راح ذاک صُوب الْبَحَر، إلَیٰ مَدینَة کَفَرناحوم.

2بَعد ما رِجَع، یابُوا یِمَّه زِلمه أمگَرَّم إلْلي چان طایِح بي الْأفراش. عیسیٰ مِن شاف إیمانهُم، گال لِلْأمگَرَّم: «قَوّي گَلبَک، یا ابني، إنغُفرَن ذُنوبَک!» 3بي هِل لَحظه، بَعَض مِن مُعَلِّمین التُّورات گالُوا مَعَ نَفِسهُم: «هَذا الْزِلمه گاعِد یُکفُر.» 4عیسیٰ عِلَم بي أفکارهُم وَ گال: «لِیش إتْدَخلون بي گُلوبکُم هِیچ أفکار شَرِّیره؟ 5گولِت یا هي أسهَل لِهَذا الْزِلمه: ”إنغُفرَن ذُنوبَک،“ لُو هَي إلْلي ”گوم وَ أمشي“؟ 6هَسّه خاطِر تِعُرفون إلْلي ابن الْإنسان، عِنده أقتدار عَل أرض إلْلي یِغفُر الذُّنوب» «گوم، شیل إفراشَک وَ روح لِلْبِیت.» گِل لِلْأمگَرَّم. 7چا ذاک الْزِلمه گام وَ راح لِلْبَیت. 8النَّاس مِن شافُوا هَي السَّالفه، خافُوا وَ مَجِّدُوا إلَه إلْلي مُنْطي هِیچ قُوَّه لِلْإنسان.

دَعوَه مِن مَتّیٰ

9وَکت إلْلي عیسیٰ راح مِنَّاک، شاف فِرِد مُجَمِّع الْضَریبه بي أسم مَتّیٰ إلْلي چان گاعِد بي مَحَل أخذ الْضَریبه. گِلَّه: «تَعال وَراي!» هُوَّ گام وَ راح وَراه.

10فِرِد یُوم عیسیٰ چان گاعِد مَعَ تِلامیذه عَلَیٰ السُّفره بي بَیت مَتّیٰ وَ چِثیرین مِن مُجَمِّعین الْضَریبه وَ باجي الْمُذنِبین إیَّوا وَ گِعدُوا وَیَّاه عَلَیٰ السُّفره. 11عُلَماء فِرقَة الْفَریسیین مِن شافُوا هِیچي، گالُوا لِتِلامیذ عیسیٰ: «لِیش مُعَلِّمکُم یَأکِل وَیَّا مُجَمِّعین الْضَریبه وَ الْمُذنِبین؟» 12عیسیٰ مِن سِمَع هَي گال: «الْصاحین مو عایزین طَبیب، بَل الْمَرضیٰ. 13روحُوا وَ أفتِهمُوا مَعني کَلام هوشَع الْنَبي إلْلي ”أرید الرَّحمَه مو الضَّحیه.“ بَعدِین راح تِفتَهمون إلْلي أنا مو یَاي خاطِر أدعي الصَّالِحین بَل یَاي أدعي الْمُذنِبین.»

سُؤال عَن الصِّیام

14فِرِد یُوم إیَّوا تِلامیذ یَحییٰ یِم عیسیٰ وَ گالُوا: «لِیش إحنَا وَ الْفَریسیین إنْصوم، أمَّن تِلامیذَک ما یْصومون؟» 15عیسیٰ جاوُب: «هَل مُمکن ضُیوف الْعِرِس لِوکت إلْلي الْعِرّیس مَعَهُم یِحِزنون؟ أمَّن ایّي وَکِت إلْلي یِنْکَض مِنهُم الْعِرّیس، بي ذاک الْوَکِت راح یِصومون. 16وَلا أحَد یِرگع أگماش الْیِدید عَلَیٰ هِدِم عَتیج. لِأن الْرُگعه تِنْشِلِع مِن مَکانها وَ الْشَگ یِصیر أخَس. 17وَ وَلا أحَد یِچِب شَراب الْیِدید بي رُکوات عِتِّج، لِأن الرُّکوات یِنشَگَن وَ یِنْچَب الشَّراب وَ الرُّکوات یِتِلفَن. لا، شَراب الْیِدید یِچِبّونه بي رُکوات یِدَّد خاطِر یِنْحَفظَن أثْنَینهِن.»

عیسیٰ یشفي الْمَراء الْمَریضه و یِگَوَّم بِنت الْمِیته

18بي ذیچ الْلَحظه إلْلي عیسیٰ چان یِحچي ألهُم، إیّه رَئیس مَحَل عِبادة الْیَهُود وَ رِکَع جِدَّامه وَ گال: «بِنتي هَسّه ماتَت. بِس تَعال حُط إیدَک عَلِیها وَ راح تِحیّه.» 19عیسیٰ گام وَ مَعَ تِلامیذه راح وَیَّاه. 20بي حال إلْلي چانُوا یِرحون، مَراء إلْلي أثنَعَش سِنه چانِت تِتْعَذَّب مِن نَزیف الدِّم، فِجأةً مِن وَراء تِدَنَّت لِعیسیٰ وَ لِمسَت کِتُر عَبایته. 21هیَّه چانَت گایله مَعَ نَفِسها: «حَتَّیٰ لُو بِس ألمِس عَبایته راح أشفیٰ.» 22عیسیٰ إلْتَفَت، شافها وَ گال: «یا بِنتي، قَوّي گَلبِچ، إیمانِچ شِفاچ.» وَ بي ذیچ الْلَحظه الْمَراء إتْشافَت. 23وَکت إلْلي عیسیٰ دَخَل بَیت ذاک الرَّئیس وَ شاف النَّاس إلْلي چانُوا یِنْعُون وَ نَاس إلْلي یِنوحون، 24گال: «أطُلْعوا. الْبِنت مو مِیته بَل هیَّه نایمه.» أمَّن هُمّا ضُحکَوا عَلِیه. 25وَکت إلْلي طَلِّعَوا الْجَمعیََّه مِن الْبَیت، عیسیٰ دَخَل الْغُرفه وَ کَض إید الْإبنِیه وَ هیَّه گامَت. 26خَبَر هَي السَّالفه إنْتِشَر بي کِل ذیچ الْمَنطَقه.

شَفاء أثنَین عِمیان وَ خَرَس

27وَکت إلْلي عیسیٰ چان یِترَک ذاک الْمَکان، تِبعُوه أثنَین عِمیان، چانُوا یِصیحون: «یا ابن داوود أرحَمنا!» 28مِن دَخَل بَیت إلْلي چان یِبقیٰ بیه، الْعِمیان دِشَّوا وَراه. عیسیٰ سِأَل مِنهُم: «هَل تُؤمِنون إلْلي أگدَر أشفي أعیونکُم؟» گالُوا: «نَعَم، یا سِیِّدنا!» 29وَ عیسیٰ لِمَس أعیونهُم وَ گال: «حَسَب إیمانکُم یِصیر ألکُم.» 30وَ إنفِتحَت أعیونهُم. عیسیٰ أمَرهُم بي الْتَأکید: «دیروا بالکُم، إلْلي لا أحَد یِعلَم مِن هَذا الْمُوضوع.» 31أمَّن هُمّا راحُوا وَ نِشرَوا الْخَبَر بي کِل ذیچ الْمَنطَقه.

32بي ذیچ الْلَحظه مِن چانُوا یِرحون، النَّاس یابُوا لَه زِلمه مِتلَبِّس روح شَیطانیّه إلْلي چانِت إمْخَرُسته. 33بَعَد ما عیسیٰ خَرَج روح الْشَیطانیّه، لِسَان ذاک الْزِلمه الْخَرَس إنفِتَح. النَّاس بي الْحیرَّه چانُوا ایگولون: «هِیچی شي أبَد ما صایِر بِین بَني إسرائیل!» 34أمَّن عُلَماء فِرقَة الْفَریسیین گالُوا: «هُوَّ یِطَلِّع أرواح الْشَیطانیّه بي مُساعِدَة رَئیس أرواح الْشَیطانیّه.»

الشُّواغیل قِلیلین

35عیسیٰ چان یِفتَر بي کِل مُدُن وَ قُریٰ ذیچ الْمَنطَقه وَ چان یِعَلِّم بي مَحَل عِبادات الْیَهُود. وَ وَین ما چان ایروح چان یِعلِّن بِشارَة الْمَلکوت وَ چان یِشفي کِل وَجَع وَ مَرَض. 36وَ مِن شاف الْجُموع حَن گَلبه، لِأن چانُوا مِتْوَترین وَ مِحتارّین، مِثِل طُلیان بِلا راعي. 37بَعدِین گال لِلْتِلامیذه: «الْمَحصول چِثیر، أمَّن شُواغیل قِلیله. 38چا، أطَلبُوا مِن صاحب الْمَحصول لِحَصاد مَحصوله یِوَدّي شُواغیل.»

Currently Selected:

مَتّی 9: ACM

Highlight

Copy