مَتّی 7
7
لا تْحُکمون الْآخَرین
1«لا تْحُکمون خاطِر لا یِنحکُم عَلِیکُم. 2لِأن مِثِل ما تِحُکمون عَلَیٰ الآخَرین، راح یِنحُکُم عَلِیکُم أنتُم هَم وَ بي ذاک مِچیال إلْلي إتْچیلون، راح ایچیلون ألکُم. 3لِیش تِبنه إلْلي بي عِین أخُوک إتشوفها، أمَّن غافِل مِن خِشبه الْچِبیره إلْلي بي عِینَک؟ 4إشلون تِگدَر إتگول لِأخوک، ”خِلّي أطَلِّع التِّبنه مِن عِینَک،“ وَکت إلْلي خِشبه چِبیره بي عِینَک؟ 5یا أهل الرّیَاء، أوَّل طَلِّع خِشبه إلْلي بي عِینَک، ذاک الْوَکِت أحسَن راح إتْشوف خاطِر تِطلَع التِّبنه مِن عِین أخوک.
6«لا تِنْطون شي إلْلي مُقَدَّس لِلچِّلاب خاف یِرِجعَن وَ یِمَردِعَنکُم وَ لا تْذِبّون دُرکُم یِم الْخَنازیر، بِس لا یِدوسن عَلِیهِن.
أطُلبوا، دَورُوا، طُرقُوا
7«أُطُلبوا، وَ راح یِنْعُطي ألکُم؛ دَورُوا، وَ راح تِلگون؛ أُطُرقُوا، وَ الْباب راح یِنفِتِح بي وُیوهکُم. 8لِأن کِلمَن یِطلُب، یِحَصُّل وَ کِلمَن یِدَوِّر، یِلگه وَ کِلمَن یِطرُق، الْباب یِنفِتِح بي وَیهه. 9وَ یاهو مِنکُم لُو ابنه یِرید خُبزه مِنَّه، یِنْطيه صَخره؟ 10وَ لُو یِطلُب سِمچه، یِنْطيه حَیّه؟ 11هَسّه لُو أنتُم مَعَ کِل شَرارَتکُم، تِدرون إلْلي کون تُنْطون لِأولادکُم هَدایَاء زِینه، إشگَد أکثَر أبوکُم السَّماوي راح یِنْطي هَدایَاء زِینه لِذاکول إلْلي یِطُلبون مِنَّه. 12چا إتْعامِلُوا مَعَ النَّاس مِثِل ما تِردون یِعاملونکُم. هَي مَخلَص التُّورات وَ کُتُب الْأنبیَاء.
طَریق الْحَیَاة
13«أُدُخلوا مِن باب الضَّیِّج، لِأن چِبیر ذاک الْباب وَ وَسیع ذاک الْطَریق إلْلي یِنْتهي إلَیٰ الْهَلاک وَ إلْلي یِدَخلون مِنَّه وایدین. 14أمَّن ضَیِّج ذاک الْباب وَ صَعُب ذاک الْطَریق إلْلي یِنْتهي إلَیٰ الْحَیَاة وَ قَلیلین إلْلي یِلگونه.
الشَّجَره وَ فاکِهَتها
15«إحذَرُوا مِن أنبیَاء الْکَذَبه. هُمّا بي لِبِس طُلیان إیّون یِمکُم، أمَّن بي الْباطِن إذیابه إلْلي یِمَردِعَن. 16راح تِعُرفونهُم مِن فُواکِههُم. هَل یِحوون الْعَنَب مِن كومَة شُوک وَ التّین مِن الدَّغَل؟ 17بي هِل شِکِل،کِل شِجرَه طَیبه تِنْطي فاکِهه طَیبه، أمَّن شِجرَه الْمو طَیبه تِنْطي فاکِهه مو طَیبه. 18شِجرَه الْطَیبه ما تِگدَر تِنْطي فاکِهه مو طَیبه، وَ شِجرَه الْمو طَیبه ما تِگدَر تِنْطي فاکِهه طَیبه. 19کِل شَجَره إلْلي ما تِنْطي فاکِهه طَیبه، تِنگُطُع وَ تِنذَب بي النَّار. 20چا، راح تِعُرفون الأنبیَاء مِن فُواکِههُم.
21«مو کِلْمَن یِنادیني ”سِیِّدي، سِیِّدي“ یِدخَل بي مَلَکوت السَّماء، بِس ذاک یِدخَل إلْلي یِفعَل إرادَة أبي السَّماوي. 22بي ذاک الْیُوم چِثیرین ایگولون لي: ”سِیِّدي، سِیِّدي، مو بي أسمَک تَنَبَّأنا؟ مو إلْلي بي أسمَک طَلَعنا أرواح الْشَیطانیّه؟ مو إلْلي بي أسمَک عَمَلنا مُعجِزات چِثیره؟“ 23أمِّن بي کِل صَراحَه أگِلهُم، ”أصلاً ما عَرَفِتکُم. أبِعْدوا مِنّي، یا إلْلي أعمالکُم شَر!“
الْبَنّیٰ الْفَاهِم وَ الْبَنّیٰ الْغَبي
24«چا کِلمَن یِسمَع حَچیّي وَ یِعمِل بيهِن، إیکون مِثِل زِلمه فاهِم إلْلي بِنَیٰ بِیته عَلَیٰ الصَّخرَه. 25وَکت إلْلي مُطرَت وَ مِن إیّه الزّود وَ صار هَوا وَ ضَغطَن عَلَیٰ ذاک الْبَیت، ما إنهَدَم لِأن چان مَبني عَلَیٰ صَخَر. 26أمِّن کِلمَن یِسمَع حَچیّي وَ ما یِعمِل بيهِن، إیکون مِثِل زِلمه غَبي إلْلي بِنَیٰ بَیته عَلَیٰ الرَّمُل. 27وَکت إلْلي مُطرَت وَ ایّه الزُّود وَ صار هَوا وَ ضَغطَن عَلَیٰ ذاک الْبَیت، إنهَدَم وَ إتحَطَم کامِل!»
28وکت اللی عیسیٰ خَلَص مِن هَذا الحَچي، النَّاس إتحَیِّروا مِن تَعالیمه، 29لِأن چان یِعَلِّمهُم بی أقتدار، مو مِثِل مُعَلِّمین تُوراتهُم.
Currently Selected:
مَتّی 7: ACM
Highlight
Share
Copy
Want to have your highlights saved across all your devices? Sign up or sign in
©️2024 Korpu Company
