Joshua Ulongulelu
Ulongulelu
Kitabu saka Joshua kiendalee kulandi majambu gi likundi la Aizilaeli pandu pa salindaki kitabu su Kukomboka Malagalaki. Bandu buku Izilaeli atumbuli upandi golijingi lyoba wa losi luku Yoludani. Kitabu sa Joshua sutulandi namuna hebalombuka losi lwa Yoludani na kwaawesa bandu bunndema uku Kaanani kupete ulongosi waka Joshua nndisi waka Musa. Bahenga hela ndaba Sapanga jwatei kunndagalaki jombi. Sapanga jwahenga hela ndaba jwabia julagani lilaganu lejwaalagila kwaapeke nndema uku Kanaani kibeleku saka Ibulaimu. Linga mu kitabu su utumbuli 12:7.
Ngasejumanyikini mundu jojuandiki nu kupanga sapi kitabu saka Joshua. Mu ipindi yengi mundu julonge ngati najombi jwabii kati ja bandu baabi mu kitabu hesi. Linga Joshua 5:1-6. Kwa ndaba heji, abolewa bingi ba majambu ga Bibilia awasali kubanga Joshua mweni ndi jojuandiki pandu pakolongu pi kitabu senze. Kulangi kabe hotuhotu jubii kabe mundu jongi ndalindali na Joshua juandiki pandu pangi pasokopi pi kitabu senze, ngati pandu papalangi kuwa nu kusikwa kwaka Joshua. Linga lipungu la 24:29. Abolewa bingi ahobale kitabu saka Joshua saandikwi yaka mia nani yeipetiki baada ja majambu haga kupitii. Majambu gabagalogwi mu kitabu saka Joshua kuwesikana gapiiti mu saka sa 1250 kabula jukusaliwa Kilisitu, Jejuje kuwesikana yaka alubaini baada ja Falau Lamesesi kutumbuli kulongosa ku Misili. Kuhobaleka Lamesesi hoju ndi Bambu nkolongu jo jwalongua nndema uku Misili kipindi Aizilaeli pababia ahuma ku Misili. Linga kitabu su (Kuboka 1:11).
Gagabii nkati
Lipungu 1 mbaka lipungu la 5:12 jutulandi namuna Aizilaeli hebalombuka losi lwa Yoludani nu kujingi mu nndema uku Kaanani.
Ndienu lipungu la 5:13 mbaka 12 lutulandi majambu ga Aizilaeli ahenga mipangu ja kwaakamu na kwaalapu bandu bu nndema uku Kaanani.
Lipungu lengi 13-21 lilandi namuna nndema Kanaani hebugubana nndema kwa makabila goti komi na mabeli guku Izilaeli.
Na mwisu, lipungu la 22-24 namuna makabila gangi hegakelabukia upandi golipiiti lyoba wa losi Yoludani, malobi ga mwisu gaka Yoshua kwa bandu buku izilaeli na kuwa kwaki nu kusikwa kwaki, na namuna Aizilaeli hebakelubukiya lilaganu labu na Bambu Sapanga.
Currently Selected:
Joshua Ulongulelu: MaBV
Highlight
Copy
Compare
Share
Want to have your highlights saved across all your devices? Sign up or sign in
The New Testament in Matengo Language ©The Word for the World International and Matengo Language Translation, 2020. All rights reserved.