Joshua 5
5
1Akabambu boti ba Aamoli babatama kwii ju upandi go lijingi lyoba ku Yoludani na Akabambu boti bababia atama kui kumbwani ju nhanga nkolongu uku Meditelenia, ebajogwana kubanga Bambu Sapanga jugajomalisi masi ga losi lwa Yoludani mbaka Aizalaeli pabalobuka. Bajogopa na basoka makili gu kukomana na Aizilaeli.
Aizalaeli asekuliwa jandu ku Giligali
2Masoba gala, Bambu Sapanga apwagila Joshua, “Hongula malibu gaganonwipi ngamaa gabia mipamba ili gwaasekula jandu Aizalaeli bababi ngaseasekuliwi.” 3Enu, Joshua jwahongula malibu gala gabia mipamba na kwaaseku jandu Aizalaeli ku Gibea Haalaloti. 4Ndaba ja kwaaseku jandu Aizalaeli ndi jenze, Aizalaeli boti akanalomi babahuma ku Misili bababi na yaka yukutosa kujenda kukukomana ngondu, boti bakuwa nsapwali kulukoba pababia ahuma kunndema uku Misili. 5Babahuma ku Misili boti babiya asekuliwi jandu, lakini boti babasaliwa nsapwali kulukoba baada jukuhuma ku Misili, babiya bakona ngaseasekwi jandu. 6Aizalaeli bajenda nsapwali kwa yaka alubaini kulukoba hata akanalomi boti bababii na yaka yukuwesa kujenda kukomana ngondu bakuwa ndaba ngasebunzowanaki Bambu Sapanga. Bambu Sapanga jwabiya jwaalapi bandu haba kubanga ngabaguboni nndema wa sapi gogulengane kulema nu kupugi mipugu jingi goguwe jombi jwaalapila akatati babu kubanga jwiitenda kutupeke twepani. 7Ndienu kwabiya bana ba bandu haba babube Bambu Sapanga jwaatunza badala jabu, haba ndi Joshua jwaasekwi jandu, bababia ngaseasekuliwi jandu ndaba babia mu sapwali kulukoba.
8Akanalomi boti pababiya asekuliwi jandu batama mu makambi mbaka pabalama. 9Ndienu Bambu Sapanga apwagila Joshua, “Lelenu numboki iyoni yu utumwa yemwapata pamwabi ku Misili.” Enu pandu pala bapakema Giligali mbaka lelenu. Giligali maana jaki kuboka.
10Aizalaeli pababi ku Giligali babeka kambi hoku na batenda tipati ja Pasaka pakamii ji lisoba la komi nu nsesi ja mwei gu utumbuli mu ubamba guku Yeliku. 11Kilabu jaki baada ja Pasaka bakula mabumunda ganga kujege amila ni ilebi yeakalingi kulengana ni ilebi yu nndema gola. 12Enu, tumbuka lisoba lela pabakula ilebi yunndema gola Aizalaeli ngase bapata kabee posu jebijikema mana. Tumbuka saka sela Aizalaeli bakula ilebi yu nndema gwa Kanaani.
Joshua na mundu jojubii nu upanga
13Lisoba limu Joshua pajabi pambipi na musi guku Yeliku, jajitukia pe mundu jumu jujemiki palongi jaki koni jubii nu upanga mu kuboku jaki. Joshua anhegalia nu kundaluki, “Boo, weapa gunzito au jumu wa abaja bito?” 14Jombi azibua, “Ngaela, nepani nga nunzino wala nga nummbaja wino! Lakini nepani ndi nunkolongu jwa baakomana ngondu baka Sapanga.” Joshua jwajinama pai nukupega magoti kulangi isima, ndienu andalukia, “Bambu wangu, nepani ntumisi gwaku, gupala ndenda kike?” 15Nkolongu hoju jwa baakomana ngondu baka Sapanga ampwagila, “Hula sambali yaku ndaba pagujemiki je hapa pandu pasapi.” Joshua jwatenda hela.
Currently Selected:
Joshua 5: MaBV
Highlight
Copy
Compare
Share
Want to have your highlights saved across all your devices? Sign up or sign in
The New Testament in Matengo Language ©The Word for the World International and Matengo Language Translation, 2020. All rights reserved.
Joshua 5
5
1Akabambu boti ba Aamoli babatama kwii ju upandi go lijingi lyoba ku Yoludani na Akabambu boti bababia atama kui kumbwani ju nhanga nkolongu uku Meditelenia, ebajogwana kubanga Bambu Sapanga jugajomalisi masi ga losi lwa Yoludani mbaka Aizalaeli pabalobuka. Bajogopa na basoka makili gu kukomana na Aizilaeli.
Aizalaeli asekuliwa jandu ku Giligali
2Masoba gala, Bambu Sapanga apwagila Joshua, “Hongula malibu gaganonwipi ngamaa gabia mipamba ili gwaasekula jandu Aizalaeli bababi ngaseasekuliwi.” 3Enu, Joshua jwahongula malibu gala gabia mipamba na kwaaseku jandu Aizalaeli ku Gibea Haalaloti. 4Ndaba ja kwaaseku jandu Aizalaeli ndi jenze, Aizalaeli boti akanalomi babahuma ku Misili bababi na yaka yukutosa kujenda kukukomana ngondu, boti bakuwa nsapwali kulukoba pababia ahuma kunndema uku Misili. 5Babahuma ku Misili boti babiya asekuliwi jandu, lakini boti babasaliwa nsapwali kulukoba baada jukuhuma ku Misili, babiya bakona ngaseasekwi jandu. 6Aizalaeli bajenda nsapwali kwa yaka alubaini kulukoba hata akanalomi boti bababii na yaka yukuwesa kujenda kukomana ngondu bakuwa ndaba ngasebunzowanaki Bambu Sapanga. Bambu Sapanga jwabiya jwaalapi bandu haba kubanga ngabaguboni nndema wa sapi gogulengane kulema nu kupugi mipugu jingi goguwe jombi jwaalapila akatati babu kubanga jwiitenda kutupeke twepani. 7Ndienu kwabiya bana ba bandu haba babube Bambu Sapanga jwaatunza badala jabu, haba ndi Joshua jwaasekwi jandu, bababia ngaseasekuliwi jandu ndaba babia mu sapwali kulukoba.
8Akanalomi boti pababiya asekuliwi jandu batama mu makambi mbaka pabalama. 9Ndienu Bambu Sapanga apwagila Joshua, “Lelenu numboki iyoni yu utumwa yemwapata pamwabi ku Misili.” Enu pandu pala bapakema Giligali mbaka lelenu. Giligali maana jaki kuboka.
10Aizalaeli pababi ku Giligali babeka kambi hoku na batenda tipati ja Pasaka pakamii ji lisoba la komi nu nsesi ja mwei gu utumbuli mu ubamba guku Yeliku. 11Kilabu jaki baada ja Pasaka bakula mabumunda ganga kujege amila ni ilebi yeakalingi kulengana ni ilebi yu nndema gola. 12Enu, tumbuka lisoba lela pabakula ilebi yunndema gola Aizalaeli ngase bapata kabee posu jebijikema mana. Tumbuka saka sela Aizalaeli bakula ilebi yu nndema gwa Kanaani.
Joshua na mundu jojubii nu upanga
13Lisoba limu Joshua pajabi pambipi na musi guku Yeliku, jajitukia pe mundu jumu jujemiki palongi jaki koni jubii nu upanga mu kuboku jaki. Joshua anhegalia nu kundaluki, “Boo, weapa gunzito au jumu wa abaja bito?” 14Jombi azibua, “Ngaela, nepani nga nunzino wala nga nummbaja wino! Lakini nepani ndi nunkolongu jwa baakomana ngondu baka Sapanga.” Joshua jwajinama pai nukupega magoti kulangi isima, ndienu andalukia, “Bambu wangu, nepani ntumisi gwaku, gupala ndenda kike?” 15Nkolongu hoju jwa baakomana ngondu baka Sapanga ampwagila, “Hula sambali yaku ndaba pagujemiki je hapa pandu pasapi.” Joshua jwatenda hela.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The New Testament in Matengo Language ©The Word for the World International and Matengo Language Translation, 2020. All rights reserved.