Kukomboka 13
13
1“Anajupitii mundu nndota au jojutapusili ndotu pikilanda jinu, kunndagi nu kuhenge nginyuli au ndonduke, 2ana nginyuli heyi au ndonduke hei yeipitila, ndienu jupwaga, ‘Mwiitaputa isapanga yengi nu kuitumaki, isapanga yeyuye ngasemwiimanyike,’ 3mwanzowanake malobi gaki nndota hoju au jojutapusili indotu, ndaba Bambu Sapanga, Sapanga winu, jaatumi bombi kundenga mwanganya, ili jumanya mumpala jombi Bambu Sapanga, Sapanga winu, kwa mwoju wii woti na kwa loho ji joti. 4Mwampwata nu kuntende isima Bambu Sapanga, Sapanga winu, nu kupwata malagalaki gaki na kujijetake sauti jaki, mwantumakia nukujongana naku. 5Lakini nndota au jojutapusili ndotu hoju mwankoma, kwa ndaba jibia jumboliki kunkana Bambu Sapanga, jojumpiiki ku nndema uku Misili nu kunkombo muutumwa, ili mujileka indela jejuje Bambu Sapanga, Sapanga winu jundagalakia mujipwata. Hela ndi emwikotuka kuhenga ubaja pikilanda jinu.
6“Anajubii nndongu wangu ukinyongo simu, au mwanawaku mwanalomi au mmbomba, au nhwanu waku jogumpala ngani, au nkosi waku jogujongini naku ngani, jwagukolo kwa sili kupwaga, ‘Tuboka tukailumbalia isapanga yengi’, isapanga yeyuye wehapa au akahoku binu ngasebiimanye, 7au isapanga yengi ya bandu baatama pambipi na mwanganya, au isapanga ya bandu baatama kutali kuhumi upandi gumu gu nndema mbaka upandi gongi, 8wiijetake kugukolo, wala wanzowane au kumbone ikia, wala waandekake wala wanhia, 9ila pe wankoma. Wehapa wibiya ukutumbuli kunkoma, na bandu bangi boti biipwata. 10Mwandapula malibu mbaka kuwa! Ndaba julengikiki kugukoloa gubia kutali na Bambu Sapanga, Sapanga waku, jojugupia kuutumwa ku nndema uku Misili. 11Ndienu, bandu boti Aizalaeli bijowana nukujogopa, na ngabilengi kabee hata kidogu kuhenga ubaja ngati hogu.
12“Pamwiitama mu misi jejuje Bambu Sapanga, Sapanga winu, jutenda kumpekee, pengi mwiitenda kujowana, 13kuba bandu bangi angukuna pikilanda jinu, baakolwi bandu buku musi kupwaga, ‘Tubokania tukailumbalia isapanga yengi,’ isapanga yeyuye ngasenhwaiki kuimanya, 14ndienu mwiilalukia nukutaputa sukulingali sapi, ana sakaka lijambu heli lukusukisa lihengikiki pi kilanda jinu, 15ndi kupalika kwaakoma kwa ngondu bandu ba musi hogu nu kukoma ng'ombi yabu yoti kwa ngondu. 16Mwaikusanya hindu yoti ya bandu baatama mu musi hogu nukuileta pikilanda julubanza lwa musi palongi ja bandu boha nukujosa mwotu, ngati litambiku lukutinia kwaka Bambu Sapanga, Sapanga winu, musi hogu wibia na mang'oba gingi masoba ganga na mwisu, na wombi ngabagusengi kabete. 17Mwaakijuku sindu sokapi sekipikiwi ili kutiniwa, ili Bambu Sapanga jijileka inyela jaki ingali, jundangi kundekake mahakau nu kumbone ikia, nu kunhenga mmbia mwa bingi ngani ngati ejalagila akahoku binu, 18ngati pe mwajijowania sauti jaka Bambu Sapanga, Sapanga winu, ana nkamwi mihilu jaki joti jejumpeke lelenu, nukuhenga gagapalika palongi jaki Bambu Sapanga, Sapanga winu.
Currently Selected:
Kukomboka 13: MaBV
Highlight
Copy
Compare
Share
Want to have your highlights saved across all your devices? Sign up or sign in
The New Testament in Matengo Language ©The Word for the World International and Matengo Language Translation, 2020. All rights reserved.
