2 Jọn 1
1
Sịbịpị
1Mịị diri ma sẹnịḅọ ma ḅara saghịḅom.
A gịẹ pa n sẹlẹakị ọ́rụ́ḅọ ma na árị awọ fịrịmam, a karakárá ḅara pa ḅẹlẹmaapụ. Irị ngéréghaa, kụ́ma karakárányẹ ma nimiapụ mamgba ị ḅẹ́lẹ́mam, 2karakárá ma wámịna bie ngam gosi anị pịghị wamịnị na fịnị mú gbámásó lábẹm.
3Tamuno Daḅọ ma na pịghị Jizọs Krais Daḅọ ma Tụwọ, tọ́rụ́kụrụkụ́rụ́, na lolomakúkúbie na diin na pa wa pịrị; mịnanyẹ ma wamịna nyẹ sọ karakárá ḅụ na pịghị ḅẹlẹma ḅụ.
Karakárá Ma Bie Ngaa
4Anị opu bieḅẹlẹ pa i pịrịm a dọghụpágháma ḅọ sa ḅẹ́ ị́yẹ́ awọ ma ḅụ jẹ́apụ karakárá ma ḅụ asọ nwángịarị, Daḅọ ma tọ́ọ wa pịrị ḅara. 5Anịgo, mị́sa ibi ọ́rụ́ḅọ, a ị tẹ́ghẹ̄m wamịnị kị́nị́mamgba jụghọ jụghọ ḅẹlẹma. Mịma ḅẹgha ḅẹ́ a jẹ́ ịwọ ólóghó gịẹ pa ọ fịrịmaarị, kụ́ma parị sa éné éné wa nimi ólóghó ma. 6Mịma anịị ḅẹlẹma, ḅẹ́ wa Tamuno ólóghó ma warị. Ọ pịghị sughu saghị sa éné éné namaa ḅara ma ḅẹ́, ori ólóghó anịị, wa ḅẹlẹma ḅụ ngaa.
7Tọgha oḅori pa kịnịsịapụ tuminikiri gbọrụ sọmam, mininighaapụ ḅẹ́ Jizọs Krais ojumẹnị sua tuminikiri ḅom. Ọkọfịnị tumḅọ anịị oḅori pa kịnịsịḅọ pịghị Krais iruonaḅọ. 8Tọ́rụ́ findi warị, sị ị tọ́rụ́siarị gbálanyẹ i ḅara fabịgha ḅara, kụ́ma nnị bii ḅara pa ị gbẹ bẹ ḅara. 9Krais dienyẹ ma wáriso ḅọ gonyẹ́ gonyẹ́ sị jẹ́ asọdua, nḅọ Tamuno nyanagha, kụ́ma dienyẹ ma ḅụ fịnịḅọ gonyẹ́ gonyẹ́ Daḅọ ma na Tụ́wọ ma na nyánam. 10Anịgo, ḅọ́rọ́ kị́nị́ ọ damaḅom sị mị dienyẹ ma akuogha, anị tumḅọ ma daa ị wárị suu ma, pịghị ọ ḅẹ́ ma ḅẹ́ diin ị nana fịnị. 11Ọ daá wárị suu ḅọ gonyẹ́ gonyẹ́ diekiri nyánam nḅọ siiamịẹnyẹ ḅụ.
Kunema Sịbịpị
12A tọgha nyẹ nyánam a dugho ọ pịrị bẹnyẹ kụ́ma a ábálálá na nyẹ gịẹ ḅuruma pa gịẹbịgha, anịmanakaragha a ọ fịnị angaá ḅobẹm, si ọ nana tọ́rụ́ na tọ́rụ́ na ḅụ ẹ́gẹ́rẹ́, si wámịna bieḅẹlẹ bii bẹ ḅara.
13Ọmịna ibi mị́naḅọ ọ́rụ́ḅọ, Tamuno sẹ́lẹ́akị ḅọ ma awọ fịrịmam ḅẹ́ a obíí.
Currently Selected:
2 Jọn 1: IBY
Highlight
Copy
Compare
Share
Want to have your highlights saved across all your devices? Sign up or sign in
©2024 Luke Initiative for Scripture Translation
2 Jọn 1
1
Sịbịpị
1Mịị diri ma sẹnịḅọ ma ḅara saghịḅom.
A gịẹ pa n sẹlẹakị ọ́rụ́ḅọ ma na árị awọ fịrịmam, a karakárá ḅara pa ḅẹlẹmaapụ. Irị ngéréghaa, kụ́ma karakárányẹ ma nimiapụ mamgba ị ḅẹ́lẹ́mam, 2karakárá ma wámịna bie ngam gosi anị pịghị wamịnị na fịnị mú gbámásó lábẹm.
3Tamuno Daḅọ ma na pịghị Jizọs Krais Daḅọ ma Tụwọ, tọ́rụ́kụrụkụ́rụ́, na lolomakúkúbie na diin na pa wa pịrị; mịnanyẹ ma wamịna nyẹ sọ karakárá ḅụ na pịghị ḅẹlẹma ḅụ.
Karakárá Ma Bie Ngaa
4Anị opu bieḅẹlẹ pa i pịrịm a dọghụpágháma ḅọ sa ḅẹ́ ị́yẹ́ awọ ma ḅụ jẹ́apụ karakárá ma ḅụ asọ nwángịarị, Daḅọ ma tọ́ọ wa pịrị ḅara. 5Anịgo, mị́sa ibi ọ́rụ́ḅọ, a ị tẹ́ghẹ̄m wamịnị kị́nị́mamgba jụghọ jụghọ ḅẹlẹma. Mịma ḅẹgha ḅẹ́ a jẹ́ ịwọ ólóghó gịẹ pa ọ fịrịmaarị, kụ́ma parị sa éné éné wa nimi ólóghó ma. 6Mịma anịị ḅẹlẹma, ḅẹ́ wa Tamuno ólóghó ma warị. Ọ pịghị sughu saghị sa éné éné namaa ḅara ma ḅẹ́, ori ólóghó anịị, wa ḅẹlẹma ḅụ ngaa.
7Tọgha oḅori pa kịnịsịapụ tuminikiri gbọrụ sọmam, mininighaapụ ḅẹ́ Jizọs Krais ojumẹnị sua tuminikiri ḅom. Ọkọfịnị tumḅọ anịị oḅori pa kịnịsịḅọ pịghị Krais iruonaḅọ. 8Tọ́rụ́ findi warị, sị ị tọ́rụ́siarị gbálanyẹ i ḅara fabịgha ḅara, kụ́ma nnị bii ḅara pa ị gbẹ bẹ ḅara. 9Krais dienyẹ ma wáriso ḅọ gonyẹ́ gonyẹ́ sị jẹ́ asọdua, nḅọ Tamuno nyanagha, kụ́ma dienyẹ ma ḅụ fịnịḅọ gonyẹ́ gonyẹ́ Daḅọ ma na Tụ́wọ ma na nyánam. 10Anịgo, ḅọ́rọ́ kị́nị́ ọ damaḅom sị mị dienyẹ ma akuogha, anị tumḅọ ma daa ị wárị suu ma, pịghị ọ ḅẹ́ ma ḅẹ́ diin ị nana fịnị. 11Ọ daá wárị suu ḅọ gonyẹ́ gonyẹ́ diekiri nyánam nḅọ siiamịẹnyẹ ḅụ.
Kunema Sịbịpị
12A tọgha nyẹ nyánam a dugho ọ pịrị bẹnyẹ kụ́ma a ábálálá na nyẹ gịẹ ḅuruma pa gịẹbịgha, anịmanakaragha a ọ fịnị angaá ḅobẹm, si ọ nana tọ́rụ́ na tọ́rụ́ na ḅụ ẹ́gẹ́rẹ́, si wámịna bieḅẹlẹ bii bẹ ḅara.
13Ọmịna ibi mị́naḅọ ọ́rụ́ḅọ, Tamuno sẹ́lẹ́akị ḅọ ma awọ fịrịmam ḅẹ́ a obíí.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©2024 Luke Initiative for Scripture Translation