Levitikọs 18
18
Itiovbe Ne A Wua
1E Nọyaẹnmwa tama e Mosis wẹ, 2ne ọ tama ivbi Izrẹl wẹẹ, “Mẹ ọrọre Nọyaẹnmwa ne Osanobua rua. 3Ghẹ lele uyinmwẹ emwa Igipt, ehe ne uwa te gha ye ra ọghe emwa Kenan, ehe ne I viọ uwa rrie. 4Wa gha ya uhi mwẹ ru emwi ne uwa vbe gha ru vbene I kha re. Mẹ ọrọre Nọyaẹnmwa ne Osanobua uwa.” 5Wa gha ru emwi zẹ vbene I mwamwa uhi ẹre ye otọ ne uwa. Te uwa ra ya ẹe sinmwi uhunmwu uwa ye agbọn deghẹ wa ru vberriọ. Mẹ ọrọre Nọyaẹnmwa.
6E Nọyaẹnmwa keghi mu avbe ilele na ye otọ. Ghẹ gu ọmwa ne ọ re ọtuẹn ru emwi ọdọ vbe amwẹ. 7Ghẹ yagha erha vbene u gha na gu iye uẹ ru emwi vberriọ. Ghẹ yagha iye uẹ. 8Ghẹ yagha erha a vbene u gha na gu avbe amwẹ ọnrẹn nekpa ru emwi ọdọ vbe amwẹ. 9Ghẹ gu ivbiye uẹ nokhuo ra ovbi erhaa nokhuo ru emwi ọdọ vbe amwẹ, ọ re owa ọkpa ọre a na koko uwa ra ẹ i re ọre. 10Ghẹ gu eyẹ ruẹ ru emwi vberriọ. Ifaegbua ọ re ọnii gha khin ne uẹn. 11Ghẹ gu ọtuẹn nokhuo, ne okhuo ọvbehe biẹ ne erha ru emwi ọdọ vbe amwẹ, gha ya obọ ne u ya mu ovbiye uẹ nokhuo mu ẹẹn. 12-13Ghẹ gu ovbiye evbibiẹ ọ nokhuo ru emwi ọdọ vbe amwẹ, ọre obọ erha nọ ra obọ iye. 14Ghẹ gu amwẹ ivbiye erhaa ru emwi, ka ẹe yọ zẹvbe ovbiye erhaa. 15Ghẹ gu ovbi ọvbokhan ruẹn ru emwi vberriọ. 16Ghẹ gu amwẹ ovbiye uẹ ru emwi vberriọ. 17Ghẹ gu ọmọ iwu ra eyẹ okhuo ne uwẹ ka gu ru emwi ọdọ vbe amwẹ nẹ ru emwi vberriọ, iran sẹtin gha re etuẹn, ẹki uyinmwẹ ovbukhọ ọre ọnii khin. 18Ghẹ rhie ovbiye amwẹ ọn rọnmwẹ vbe amwẹ ọn nii a ye gha rre agbọn.
19Ghẹ gu okhuo ne ọ mu obọ mwẹ ru emwi, rhunmwuda, awua guẹe. 20Ghẹ gu amwẹ ẹrrẹe ru emwi, rhunmwuda ọ ni gha si awua yuẹ egbe. 21Ghẹ rhie ovbi uẹ rhọkpa ne iran ya gho ẹbọ Milkọm rhunmwuda ọnii gha yagha eni Osanobua ne ọ re Nọyaẹnmwa. 22Okpia ghẹ gu okpia ru emwi. Ọ sọnnọ Osanobua. 23Ọ re ọkpia nọ ra okhuo nọ, ọmwarhọkpa ghẹ gu aranmwẹ ru emwi. A i ghẹru vberriọ gha mu awua guẹ.
24Wa ghẹ yin avbe uyinmwẹ na ya mu awua gie egbe uwa. Odẹ vbenian, ọre avbe ni ga ẹbọ ni ka gha rre otọe na khẹ uwa ya mu awua gie egbe iran, te Nọyaẹnmwa ghi khulo iran kua na ne uwa miẹn ehe na larọ. 25Uyinmwẹ iran keghi mu awua ye otọe nii, rhunmwuda ọnii, ọre Nọyaẹnmwa na rria otọe nii ikhi, vbe ne ọ na ya ẹe gha zẹ emwa ni yin ẹnrẹn owẹ. 26-27Iran ke ru a i ghẹru na hia, iran na mu awua ye otọe nii, sokpan wa ghi rhie owẹ lele uhi kevbe ilele ọghe Nọyaẹnmwa, a ghẹ gie a miẹn ọmwarhọkpa vbe uwu uwa, ọre ovbi Izrẹl nọ ra orhunmwuyẹn ni rre ẹbu uwa, ne ọ gha ru avbe emwi na. 28Odẹ vberriọ ọre otọe nii i ra na zẹ uwa owẹ, zẹ vbe ne ọ zẹ iran owẹ avbe eni ga ẹbọ ni ka gha rre evba khẹ uwa. 29Wa rẹnrẹn wẹ ọmwaikọmwa ne ọ ru emwi ifaegbua na, a i ghi ka ẹe ba emwa Osanobua.
30E Nọyaẹnmwa ke kha wẹẹ, “Wa gha rhie owẹ lele ilele ne I rhie ne uwa, wa ghẹ yin uyinmwẹ avbe iran ni ka gha rre otọe nii khẹ uwa, wa ghẹ mu awua gie egbe uwa vbe ekpa ne uwa gha na ru avbe emwi na. Mẹ ọre Nọyaẹnmwa ne Osanobua rua.”
Currently Selected:
Levitikọs 18: EDO96
Highlight
Copy
Compare
Share
Want to have your highlights saved across all your devices? Sign up or sign in
@ The Bible Society of Nigeria, 1996
Levitikọs 18
18
Itiovbe Ne A Wua
1E Nọyaẹnmwa tama e Mosis wẹ, 2ne ọ tama ivbi Izrẹl wẹẹ, “Mẹ ọrọre Nọyaẹnmwa ne Osanobua rua. 3Ghẹ lele uyinmwẹ emwa Igipt, ehe ne uwa te gha ye ra ọghe emwa Kenan, ehe ne I viọ uwa rrie. 4Wa gha ya uhi mwẹ ru emwi ne uwa vbe gha ru vbene I kha re. Mẹ ọrọre Nọyaẹnmwa ne Osanobua uwa.” 5Wa gha ru emwi zẹ vbene I mwamwa uhi ẹre ye otọ ne uwa. Te uwa ra ya ẹe sinmwi uhunmwu uwa ye agbọn deghẹ wa ru vberriọ. Mẹ ọrọre Nọyaẹnmwa.
6E Nọyaẹnmwa keghi mu avbe ilele na ye otọ. Ghẹ gu ọmwa ne ọ re ọtuẹn ru emwi ọdọ vbe amwẹ. 7Ghẹ yagha erha vbene u gha na gu iye uẹ ru emwi vberriọ. Ghẹ yagha iye uẹ. 8Ghẹ yagha erha a vbene u gha na gu avbe amwẹ ọnrẹn nekpa ru emwi ọdọ vbe amwẹ. 9Ghẹ gu ivbiye uẹ nokhuo ra ovbi erhaa nokhuo ru emwi ọdọ vbe amwẹ, ọ re owa ọkpa ọre a na koko uwa ra ẹ i re ọre. 10Ghẹ gu eyẹ ruẹ ru emwi vberriọ. Ifaegbua ọ re ọnii gha khin ne uẹn. 11Ghẹ gu ọtuẹn nokhuo, ne okhuo ọvbehe biẹ ne erha ru emwi ọdọ vbe amwẹ, gha ya obọ ne u ya mu ovbiye uẹ nokhuo mu ẹẹn. 12-13Ghẹ gu ovbiye evbibiẹ ọ nokhuo ru emwi ọdọ vbe amwẹ, ọre obọ erha nọ ra obọ iye. 14Ghẹ gu amwẹ ivbiye erhaa ru emwi, ka ẹe yọ zẹvbe ovbiye erhaa. 15Ghẹ gu ovbi ọvbokhan ruẹn ru emwi vberriọ. 16Ghẹ gu amwẹ ovbiye uẹ ru emwi vberriọ. 17Ghẹ gu ọmọ iwu ra eyẹ okhuo ne uwẹ ka gu ru emwi ọdọ vbe amwẹ nẹ ru emwi vberriọ, iran sẹtin gha re etuẹn, ẹki uyinmwẹ ovbukhọ ọre ọnii khin. 18Ghẹ rhie ovbiye amwẹ ọn rọnmwẹ vbe amwẹ ọn nii a ye gha rre agbọn.
19Ghẹ gu okhuo ne ọ mu obọ mwẹ ru emwi, rhunmwuda, awua guẹe. 20Ghẹ gu amwẹ ẹrrẹe ru emwi, rhunmwuda ọ ni gha si awua yuẹ egbe. 21Ghẹ rhie ovbi uẹ rhọkpa ne iran ya gho ẹbọ Milkọm rhunmwuda ọnii gha yagha eni Osanobua ne ọ re Nọyaẹnmwa. 22Okpia ghẹ gu okpia ru emwi. Ọ sọnnọ Osanobua. 23Ọ re ọkpia nọ ra okhuo nọ, ọmwarhọkpa ghẹ gu aranmwẹ ru emwi. A i ghẹru vberriọ gha mu awua guẹ.
24Wa ghẹ yin avbe uyinmwẹ na ya mu awua gie egbe uwa. Odẹ vbenian, ọre avbe ni ga ẹbọ ni ka gha rre otọe na khẹ uwa ya mu awua gie egbe iran, te Nọyaẹnmwa ghi khulo iran kua na ne uwa miẹn ehe na larọ. 25Uyinmwẹ iran keghi mu awua ye otọe nii, rhunmwuda ọnii, ọre Nọyaẹnmwa na rria otọe nii ikhi, vbe ne ọ na ya ẹe gha zẹ emwa ni yin ẹnrẹn owẹ. 26-27Iran ke ru a i ghẹru na hia, iran na mu awua ye otọe nii, sokpan wa ghi rhie owẹ lele uhi kevbe ilele ọghe Nọyaẹnmwa, a ghẹ gie a miẹn ọmwarhọkpa vbe uwu uwa, ọre ovbi Izrẹl nọ ra orhunmwuyẹn ni rre ẹbu uwa, ne ọ gha ru avbe emwi na. 28Odẹ vberriọ ọre otọe nii i ra na zẹ uwa owẹ, zẹ vbe ne ọ zẹ iran owẹ avbe eni ga ẹbọ ni ka gha rre evba khẹ uwa. 29Wa rẹnrẹn wẹ ọmwaikọmwa ne ọ ru emwi ifaegbua na, a i ghi ka ẹe ba emwa Osanobua.
30E Nọyaẹnmwa ke kha wẹẹ, “Wa gha rhie owẹ lele ilele ne I rhie ne uwa, wa ghẹ yin uyinmwẹ avbe iran ni ka gha rre otọe nii khẹ uwa, wa ghẹ mu awua gie egbe uwa vbe ekpa ne uwa gha na ru avbe emwi na. Mẹ ọre Nọyaẹnmwa ne Osanobua rua.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@ The Bible Society of Nigeria, 1996