Levitikọs 17
17
Vbene Esagiẹn Re Emwi Ne Ọ Huanrẹn Hẹ
1E Nọyaẹnmwa keghi tama e Mosis, 2ne ọ mu emwamwa na ye otọ ne Errọn kevbe ivbi ẹre kevbe emwa Izrẹl hia. 3-4Ovbi Izrẹl gha gbe ẹmila ra ohuan ra ẹwe vbe ehe ne ọ rhirhi gha khin, vbe ọ gberra onurho Owa Ukpọn Ile, vbe emwi ne ọ ya zọ ese ghe Nọyaẹnmwa, ọ rra Uhi. Te ọ da esagiẹn ye otọ, a ghẹ ghi ka ẹe ba emwa Osanobua. 5Emwi ne a ya emwamwa na kha ọrọre wẹ, emwi ne ivbi Izrẹl te ka gbe vbe adesẹ ore yi, te iran ghi khian gha viọ ehia bu e Nọyaẹnmwa rre. Te iran khian ghi gha viọ iran bu ohẹn rrie onurho Owa Ukpọn Ile, a ghi gbe ẹe zẹ vbe izẹọhẹ isara. 6Ohẹn ghi rhurhẹ esagiẹn ọnrẹn ku ikinnegbe aka ne ọ rre onurho ne a la lao Owa Ukpọn, ọ ghi giẹn ẹvbi ẹre ne ọ miẹn ehe na winhin ladian uwinhinmwẹ ne ọ gha yẹ e Nọyaẹnmwa ladian. 7Ivbi Izrẹl i ghi khian dọlegbe gha re ne ẹ i gie a mu ẹtin yan vbe obọ Nọyaẹnmwa, vbe ekpa ne iran na gbele aranmwẹ iran vbe uwu oha ya zọ ese ghe avbe orhiọn dan ọghe ẹwe. Ivbi Izrẹl ghi gha rhie emwamwa na mwẹ ẹdẹdẹmwẹdẹ. 8Ovbi Izrẹl ra orhunmwuyẹn nii rre uwu ẹbu iran, ne ọ rhirhi zọ ese na giẹn uan ra ese ọvbehe ne ọ rhirhi gha khin. 9Vbe ehe ọvbehe gberra onurho Owa Ukpọn Ile, ghe Nọyaẹnmwa, a ghẹ dọlegbe ka ẹe ba emwa Osanobua.
10Ovbi Izrẹl ra orhunmwuyẹn ni rre uwu ẹbu iran gha rri emiowo kẹe kevbe esagiẹn, e Nọyaẹnmwa gha mu aro da ẹre, ẹ i ghi ra vbe ka ẹe ba emwa irẹn. 11Arrọ ọghe emwikemwi ne ọ ghi rre agbọn nẹ, esagiẹn ọre ọ ye, ọnii ọ zẹe ne Nọyaẹnmwa na ta ẹe wẹ ne a gha da esagiẹn hia ye uhunmwu aka ne ọ kpe orukhọ emwa nii kua. Te esagiẹn kpe orukhọ kua. 12Ọnii ọ zẹe ne Nọyaẹnmwa na tama ivbi Izrẹl wẹ, ọ re iran nọ ra avbe orhunmwuyẹn nii rre uwu ẹbu iran nọ, ne ọmwaikọmwa ghẹ rri aranmwẹ rri esagiẹn.
13A deghẹ ovbi Izrẹl ra orhunmwuyẹn ni rre uwu ẹbu iran mu aranmwẹ ra ahianmwẹ ne ẹ i mwẹ awua, ọ ghi da esagiẹn ọnrẹn ye otọ, ọ ghi zẹ ekẹn rhu ẹe. 14Rhunmwuda ighẹ esagiẹn ọre orhiọn emwi hia nii rre agbọn ye, e Nọyaẹnmwa keghi tama ivbi Izrẹl wẹ ne iran ghẹ rri aranmwẹ rri esagiẹn, kevbe wẹ ọmwa ne ọ ru ẹe, rẹn i ghi ra ka ẹe ba emwa irẹn.
15Ọmwaikọmwa, ne ọ rri emiowo aranmwẹ ne ọ de wu, ra ne aranmwakọn gbe, ọ re ivbi Izrẹl nọ ra orhunmwuyẹn. ọ ghi họ ukpọn rẹn, ọ ghi khuẹ, ọ ghi ziengbe sẹ ota, a ke do kha ighẹ awua i ghi guẹe. 16A deghẹ ọ ma ru vberriọ, a ghi rri ọre oya.
Currently Selected:
Levitikọs 17: EDO96
Highlight
Copy
Compare
Share
Want to have your highlights saved across all your devices? Sign up or sign in
@ The Bible Society of Nigeria, 1996
