Levitikọs 16
16
Ẹdẹ Erinmwian
1E Nọyaẹnmwa keghi gu e Mosis guan iyeke vbe ivbi Errọn eveva ghi wulo nẹ, iran ne a gbele ua vbe ẹghẹ ne iran na zẹ ọhẹ erhẹn awua gie Nọyaẹnmwa. 2Ọ keghi kha wẹẹ, “Tama Errọn ne ọtuẹn wẹ ẹghẹ ne ọ khẹ ke ọ re ọ gha ya gha fian ukpọn onurho gberra la uwu Ehe Nọhuansẹ hia, rhunmwuda evba nii ọre I na la uwu okuku rhiegbe ma vbe odukhunmwu ugue Ẹkpẹti Ile. Deghẹ ọ ma họn, a gha gbe ẹe rua. 3Ọ gha mu ovbi ẹkhuia ẹmila ya zọ ese orukhọ nẹ, kevbe ogho ne ọ ya zọ ese na giẹn uan, iyeke ọnii, ọ sẹtin la uwu Ehe Nọhuansẹ Ehia nii.”
4E Nọyaẹnmwa keghi vbe tama iran ne iran ru vbenian wẹ. Vbe Errọn te la uwu Ehe Nọhuansẹ Ehia nii, ọ ghi khuẹ, ọ ghi vbe viọ avbe ẹwu ohẹn yegbe, ẹwu eto ovbiohuẹ, utalawẹ, ugbẹkun kevbe ukugba ọghe uhunmwu.
5Ivbi Izrẹl ghi viọ ovbukhọ eva ne Errọn ya zọ ese orukhọ kevbe ogho ọkpa ne ese na giẹn uan. 6Ọ ghi ye ẹkhuia ẹmila zọ ese ye orukhọ ọghe emwa ẹgbẹe ẹre kevbe ọghe egbe ẹre. 7Iyeke ọnii ọ ghi viọ ovbukhọ eva nii gha rrie onurho Owa Ukpọn Ile. 8Ọ gha sẹ evba, ọ ghi viọ okuta eva ya yan uta, a ghi ye ọkpa ru ama wẹẹ, “Ọghe Nọyaẹnmwa” ke nọkpa “Ọghe Ẹziza.” 9Errọn ghi ya ẹwe ne uta zẹẹ vbọ zọ ese ghe Nọyaẹnmwa, zẹ vbe ese orukhọ. 10Ne a zọ ọre ọghe Azazẹl nii, a ghi mu ẹẹn gie Nọyaẹnmwa vbe ne a ma na gbe ẹe rua, a ghi zọrobọ ne ọ la ato bu Azazẹl ne ọ miẹn ehe na viọ orukhọ emwa nii gha rrie.
11Errọn ghi gbe ẹkhuia ẹmila nii ye orukhọ ọghọe kevbe ọghe emwa rẹn, 12ọ ghi ya ọkpan erhẹn wan erhẹn ẹyin ne ọ yan ke aka rre, ọ ghi vbe viọ uguobọ eva ọghe eturari ne ọ maa, ọ ghi viọ ehia gha die uwu Ehe Nọhuansẹ Ehia nii. 13Evba nii i, ọ ghi viọ eturari nii ye erhẹn vbe odaro Nọyaẹnmwa, ighogho eturari nii gha degue ugue Ẹkpẹti Ile nii ne ọ ghẹ miẹn ehe na dẹghe ẹre, ne ọ ghẹ ya wu. 14Ọ ghi rhie vbe esagiẹn ẹkhuia ẹmila nii, ọ ghi ya ikpinhianbọ ẹre sanmwẹ ọẹn ye odaro ugue ẹkpẹti nii, ọ ghi sanmwẹ eso ye odaro Ẹkpẹti Ile nii igba ihinrọn.
15Vbe iyeke ọnii, ọ ghi gbe ẹwe izọese orukhọ ọghe emwa nii, ọ ghi mu esagiẹn ọnrẹn gha die Ehe Nọhuansẹ Ehia, ọ ghi sanmwẹ ọẹn yan ugue ẹkpẹti nii kevbe odaro Ẹkpẹti Ile nii, zẹ vbene ọ vbe ru esagiẹn ẹkhuia ẹmila nii. 16Odẹ vberriọ, ọre ọ gha ru iruemwi ne a ya kpe awua kua hin Ehe Nọhuansẹ Ehia rre, hin obọ emwi awua ivbi Izrẹl rre, kevbe hin obọ orukhọ iran hia rre. Ọ ghi ru Owa Ukpọn Ile vberriọ rhunmwuda adesẹneva agọ ne awua ye nii ọre ọ ye.
17A ghẹ gie a miẹn ọmwa rhọkpa vbe uwu Owa Ukpọn Ile nii ke ẹghẹ ne Errọn ya lao uwu Ehe Nọhuansẹ Ehia nii ne ọ ya ru iruemwi akpehuan, rhinrin ọ te do ladian. Ọ ghi ka ru emwi ne egbe ẹre, kevbe ẹgbẹe ẹre kevbe avbe emwa nii nẹ, 18ọ ghi vbe gha rrie aka ese na giẹn uan ne ọ vbe ya họnmwẹ ọẹn ruan, ọ ghi rhie vbe esagiẹn ẹkhuia ẹmila nii kevbe esagiẹn ẹwe nii, ọ ghi ya ẹe woo ehe ne aka na sukpẹ ladian vbe igienenẹ. 19Ọ ghi vbe ya ikpinhianbọ ẹre sanmwẹ esagiẹn yan rẹn igba ihinrọn. Odẹ vberriọ, ọre ọ gha ya họnmwẹ awua orukhọ ivbi Izrẹl hin rre, ọ ghi ya ẹe khian ne ọ huansẹ.
Ẹwe Erriẹrriẹ
20Errọn ghẹ ghi ru iruemwi ọkpehuan ọghe Ehe Nọhuansẹ Ehia nii nẹ, kevbe ehe ne ọ ghi kẹe vbe Owa Ukpọn Ile, kevbe aka, ọ ghi mu ẹwe ne ọ ma he wu ne a wẹ ne a mu ne Azazẹl nii gie Nọyaẹnmwa. 21Ọ ghi viọ obọ re eveva yan ẹwe nii uhunmwu, ọ ghi miẹn rẹn kue uyimwẹ dan hia, ke avbe orukhọ kevbe uyinmwẹ isọtẹ ne ivbi Izrẹl ru yan ẹre uhunmwu, ọ ghi la ekpa odẹ vberriọ werriẹ ehia yan ẹwe nii uhunmwu. Iyeke ọnii, ọmwa ne a zẹ ye otọ ne ọ ru ẹe ghi khu ẹwe nii la uwu ato. 22Ẹwe nii ghi mu orukhọ iran hia; gha rrie otọ ne ẹvbo ma yin. 23Errọn ghi la uwu Owa Ukpọn Ile, ọ ghi kie ẹwu ohẹn ne ọ yọe ọ te la uwu Ehe Nọhuansẹ Ehia, ọ ghi sọrae ye evba. 24Ọ ghi ya khuẹ vbe ehe ne ọ huanrẹn, ọ ghi yọ ẹwu obọ ẹre, vbe iyeke ọnii, ọ ghi ladian ya zọ ese na giẹn uan, ne ọ ya kpe orukhọ egbe ẹre kua, kevbe ọghe avbe emwa nii. 25Ọ ghi ya giẹn ẹvbi aranmwẹ ne a ya zọ ese orukhọ vbe aka. 26Ọmwa ne ọ khu ẹwe la ato gie Azazẹl nii ghi họ ukpọn irẹn, ọ ghi vbe khuẹ ọ te werriegbe la agọ. 27Ẹkhuia ẹmila kevbe ẹwe ne a gbele ya zọ ese orukhọ nii, ne a mu esagiẹn ọnrẹn ye uwu Owa Ukpon Ile ne ọ kpe orukhọ kua, a ghi viọ iran lahin ore agọ rre, a ghi giẹn iran uan, ke ohian kevbe efun, kevbe ibiẹ ọre, a ghi giẹn ehia a. 28Ọmwa ne ọ giẹn iran uan, ghi ya họ ukpọn irẹn, ọ ghi khuẹ, ọ ke dọlegbe gha die agọ.
Ugamwẹ Ẹdẹ Erinmwian
29Emwamwa na, a ghi da ẹe yi ẹdẹdẹmwẹdẹ. Vbe ikpẹdẹ ne ogigbe ọghe uki ne ogihinrọn, ivbi Izrẹl hia, deba orhunmwuyẹn ni rre uwu ẹbu iran ghi yo aguẹ, iran ghẹ winna iwinna rhọkpa. 30Vbe ẹdẹ nẹdẹrriọ, a ghi ru iruemwi na ne a ya khuẹ iran hia hin orukhọ rre, ne iran miẹn ehe na gha re ne ẹ i ghi mwẹ awua. 31Ẹdẹ nẹdẹrriọ, a ghi gie ẹe gha re ẹdẹ ne ọ huanrẹn ẹsẹse ne emwa gha na lọ unu vbe ne a i na winna iwinna rhọkpa. Emwamwa na, a ghi da ee yi ẹdẹdẹmwẹdẹ. 32Ogie Ohẹn, ne a ya rri ohẹn ẹse, a na vbe ya fi ohan ne ọ di ukpo erha ẹe ya, ọ re ọ gha ru iruemwi akpehuan. Ọ ghi yọ ẹwu ohẹn. 33Ọ ghi ru iruemwi ya họnmwẹ Ehe Ne Ọ Huan Sẹẹ Ehia, ehe ne ọ ghi ke ẹe vbe Owa Ukpọn Ile, aka, avbe ohẹn, kevbe avbe emwa nii hia. 34Emwamwa na, te a ra gha ru ẹe khian ẹdẹdẹmwẹdẹ. A ghi gha ru iruemwi na uhukpa vbe ukpo ne a ya gha kpe ivbi Izrẹl huan hin orukhọ rre.
E Mosis keghi ru vbene Nọyaẹnmwa khare.
Currently Selected:
Levitikọs 16: EDO96
Highlight
Copy
Compare
Share
Want to have your highlights saved across all your devices? Sign up or sign in
@ The Bible Society of Nigeria, 1996
Levitikọs 16
16
Ẹdẹ Erinmwian
1E Nọyaẹnmwa keghi gu e Mosis guan iyeke vbe ivbi Errọn eveva ghi wulo nẹ, iran ne a gbele ua vbe ẹghẹ ne iran na zẹ ọhẹ erhẹn awua gie Nọyaẹnmwa. 2Ọ keghi kha wẹẹ, “Tama Errọn ne ọtuẹn wẹ ẹghẹ ne ọ khẹ ke ọ re ọ gha ya gha fian ukpọn onurho gberra la uwu Ehe Nọhuansẹ hia, rhunmwuda evba nii ọre I na la uwu okuku rhiegbe ma vbe odukhunmwu ugue Ẹkpẹti Ile. Deghẹ ọ ma họn, a gha gbe ẹe rua. 3Ọ gha mu ovbi ẹkhuia ẹmila ya zọ ese orukhọ nẹ, kevbe ogho ne ọ ya zọ ese na giẹn uan, iyeke ọnii, ọ sẹtin la uwu Ehe Nọhuansẹ Ehia nii.”
4E Nọyaẹnmwa keghi vbe tama iran ne iran ru vbenian wẹ. Vbe Errọn te la uwu Ehe Nọhuansẹ Ehia nii, ọ ghi khuẹ, ọ ghi vbe viọ avbe ẹwu ohẹn yegbe, ẹwu eto ovbiohuẹ, utalawẹ, ugbẹkun kevbe ukugba ọghe uhunmwu.
5Ivbi Izrẹl ghi viọ ovbukhọ eva ne Errọn ya zọ ese orukhọ kevbe ogho ọkpa ne ese na giẹn uan. 6Ọ ghi ye ẹkhuia ẹmila zọ ese ye orukhọ ọghe emwa ẹgbẹe ẹre kevbe ọghe egbe ẹre. 7Iyeke ọnii ọ ghi viọ ovbukhọ eva nii gha rrie onurho Owa Ukpọn Ile. 8Ọ gha sẹ evba, ọ ghi viọ okuta eva ya yan uta, a ghi ye ọkpa ru ama wẹẹ, “Ọghe Nọyaẹnmwa” ke nọkpa “Ọghe Ẹziza.” 9Errọn ghi ya ẹwe ne uta zẹẹ vbọ zọ ese ghe Nọyaẹnmwa, zẹ vbe ese orukhọ. 10Ne a zọ ọre ọghe Azazẹl nii, a ghi mu ẹẹn gie Nọyaẹnmwa vbe ne a ma na gbe ẹe rua, a ghi zọrobọ ne ọ la ato bu Azazẹl ne ọ miẹn ehe na viọ orukhọ emwa nii gha rrie.
11Errọn ghi gbe ẹkhuia ẹmila nii ye orukhọ ọghọe kevbe ọghe emwa rẹn, 12ọ ghi ya ọkpan erhẹn wan erhẹn ẹyin ne ọ yan ke aka rre, ọ ghi vbe viọ uguobọ eva ọghe eturari ne ọ maa, ọ ghi viọ ehia gha die uwu Ehe Nọhuansẹ Ehia nii. 13Evba nii i, ọ ghi viọ eturari nii ye erhẹn vbe odaro Nọyaẹnmwa, ighogho eturari nii gha degue ugue Ẹkpẹti Ile nii ne ọ ghẹ miẹn ehe na dẹghe ẹre, ne ọ ghẹ ya wu. 14Ọ ghi rhie vbe esagiẹn ẹkhuia ẹmila nii, ọ ghi ya ikpinhianbọ ẹre sanmwẹ ọẹn ye odaro ugue ẹkpẹti nii, ọ ghi sanmwẹ eso ye odaro Ẹkpẹti Ile nii igba ihinrọn.
15Vbe iyeke ọnii, ọ ghi gbe ẹwe izọese orukhọ ọghe emwa nii, ọ ghi mu esagiẹn ọnrẹn gha die Ehe Nọhuansẹ Ehia, ọ ghi sanmwẹ ọẹn yan ugue ẹkpẹti nii kevbe odaro Ẹkpẹti Ile nii, zẹ vbene ọ vbe ru esagiẹn ẹkhuia ẹmila nii. 16Odẹ vberriọ, ọre ọ gha ru iruemwi ne a ya kpe awua kua hin Ehe Nọhuansẹ Ehia rre, hin obọ emwi awua ivbi Izrẹl rre, kevbe hin obọ orukhọ iran hia rre. Ọ ghi ru Owa Ukpọn Ile vberriọ rhunmwuda adesẹneva agọ ne awua ye nii ọre ọ ye.
17A ghẹ gie a miẹn ọmwa rhọkpa vbe uwu Owa Ukpọn Ile nii ke ẹghẹ ne Errọn ya lao uwu Ehe Nọhuansẹ Ehia nii ne ọ ya ru iruemwi akpehuan, rhinrin ọ te do ladian. Ọ ghi ka ru emwi ne egbe ẹre, kevbe ẹgbẹe ẹre kevbe avbe emwa nii nẹ, 18ọ ghi vbe gha rrie aka ese na giẹn uan ne ọ vbe ya họnmwẹ ọẹn ruan, ọ ghi rhie vbe esagiẹn ẹkhuia ẹmila nii kevbe esagiẹn ẹwe nii, ọ ghi ya ẹe woo ehe ne aka na sukpẹ ladian vbe igienenẹ. 19Ọ ghi vbe ya ikpinhianbọ ẹre sanmwẹ esagiẹn yan rẹn igba ihinrọn. Odẹ vberriọ, ọre ọ gha ya họnmwẹ awua orukhọ ivbi Izrẹl hin rre, ọ ghi ya ẹe khian ne ọ huansẹ.
Ẹwe Erriẹrriẹ
20Errọn ghẹ ghi ru iruemwi ọkpehuan ọghe Ehe Nọhuansẹ Ehia nii nẹ, kevbe ehe ne ọ ghi kẹe vbe Owa Ukpọn Ile, kevbe aka, ọ ghi mu ẹwe ne ọ ma he wu ne a wẹ ne a mu ne Azazẹl nii gie Nọyaẹnmwa. 21Ọ ghi viọ obọ re eveva yan ẹwe nii uhunmwu, ọ ghi miẹn rẹn kue uyimwẹ dan hia, ke avbe orukhọ kevbe uyinmwẹ isọtẹ ne ivbi Izrẹl ru yan ẹre uhunmwu, ọ ghi la ekpa odẹ vberriọ werriẹ ehia yan ẹwe nii uhunmwu. Iyeke ọnii, ọmwa ne a zẹ ye otọ ne ọ ru ẹe ghi khu ẹwe nii la uwu ato. 22Ẹwe nii ghi mu orukhọ iran hia; gha rrie otọ ne ẹvbo ma yin. 23Errọn ghi la uwu Owa Ukpọn Ile, ọ ghi kie ẹwu ohẹn ne ọ yọe ọ te la uwu Ehe Nọhuansẹ Ehia, ọ ghi sọrae ye evba. 24Ọ ghi ya khuẹ vbe ehe ne ọ huanrẹn, ọ ghi yọ ẹwu obọ ẹre, vbe iyeke ọnii, ọ ghi ladian ya zọ ese na giẹn uan, ne ọ ya kpe orukhọ egbe ẹre kua, kevbe ọghe avbe emwa nii. 25Ọ ghi ya giẹn ẹvbi aranmwẹ ne a ya zọ ese orukhọ vbe aka. 26Ọmwa ne ọ khu ẹwe la ato gie Azazẹl nii ghi họ ukpọn irẹn, ọ ghi vbe khuẹ ọ te werriegbe la agọ. 27Ẹkhuia ẹmila kevbe ẹwe ne a gbele ya zọ ese orukhọ nii, ne a mu esagiẹn ọnrẹn ye uwu Owa Ukpon Ile ne ọ kpe orukhọ kua, a ghi viọ iran lahin ore agọ rre, a ghi giẹn iran uan, ke ohian kevbe efun, kevbe ibiẹ ọre, a ghi giẹn ehia a. 28Ọmwa ne ọ giẹn iran uan, ghi ya họ ukpọn irẹn, ọ ghi khuẹ, ọ ke dọlegbe gha die agọ.
Ugamwẹ Ẹdẹ Erinmwian
29Emwamwa na, a ghi da ẹe yi ẹdẹdẹmwẹdẹ. Vbe ikpẹdẹ ne ogigbe ọghe uki ne ogihinrọn, ivbi Izrẹl hia, deba orhunmwuyẹn ni rre uwu ẹbu iran ghi yo aguẹ, iran ghẹ winna iwinna rhọkpa. 30Vbe ẹdẹ nẹdẹrriọ, a ghi ru iruemwi na ne a ya khuẹ iran hia hin orukhọ rre, ne iran miẹn ehe na gha re ne ẹ i ghi mwẹ awua. 31Ẹdẹ nẹdẹrriọ, a ghi gie ẹe gha re ẹdẹ ne ọ huanrẹn ẹsẹse ne emwa gha na lọ unu vbe ne a i na winna iwinna rhọkpa. Emwamwa na, a ghi da ee yi ẹdẹdẹmwẹdẹ. 32Ogie Ohẹn, ne a ya rri ohẹn ẹse, a na vbe ya fi ohan ne ọ di ukpo erha ẹe ya, ọ re ọ gha ru iruemwi akpehuan. Ọ ghi yọ ẹwu ohẹn. 33Ọ ghi ru iruemwi ya họnmwẹ Ehe Ne Ọ Huan Sẹẹ Ehia, ehe ne ọ ghi ke ẹe vbe Owa Ukpọn Ile, aka, avbe ohẹn, kevbe avbe emwa nii hia. 34Emwamwa na, te a ra gha ru ẹe khian ẹdẹdẹmwẹdẹ. A ghi gha ru iruemwi na uhukpa vbe ukpo ne a ya gha kpe ivbi Izrẹl huan hin orukhọ rre.
E Mosis keghi ru vbene Nọyaẹnmwa khare.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@ The Bible Society of Nigeria, 1996