1 Korinti 13
13
Swɨkan
1Na mǝ sʊwa sʊwa kɛl nǝn kaam nyiyo nǝbɨɨ jǝbɔ a bɛtɔ twama Kwaamaɨ, na a yǝlam mɨ mǝ nǝn swɨkanɨ, n yǝlam dǝnglǝng nɨ nǝn diili jǝbɔ bʌn nɨ nǝn diili. 2Na mǝ maa maa kuwotǝmkǝgaɨ, na n nyǝm jʊ nɨ ja yʊ yʊɨ, jǝbɔ nyǝmtǝmɔ gwamɨ, na mǝ nǝn nǝtǝm bɨlǝngkɛl dangǝnɨ, wʊnɨ mǝ sʊwa tuligɔ lɛ mǝʊ a bǝla daa tɨm gǝnɨ, na mɨ mǝ nǝn swɨkanɨ, mǝ ke bɔ kaa jǝl. 3Na n nǝ jʊ nɨ gwam mǝ nǝnɨ, na n nǝ bʊtɔ mǝndɨ ja twɨɨ, na mɨ mǝ nǝn swɨkanɨ, a sʊ mɨ bɔ kaa jǝl.
4Swɨkanɔ gǝ dǝg dǝg bwatǝm nǝl jǝbɔ nǝl lǝmǝn. Swɨkanɔ mɨ gǝ maa nungon nɛ, mɨ gung dul lɛ. 5Swɨkanɔ mɨ nǝn dʊʊlǝn dul, mɨ gǝ maa swɨtǝm dul lɛ. Swɨkanɔ mɨ gǝ nʊng shilotǝm nǝl lɛ, mɨ gǝ ta nǝl lɛ a nǝl. 6Swɨkanɔ mɨ gǝ maa fulotǝm nǝl lɛ nǝn maatǝm shil, gǝ maa fulotǝm nǝl nǝn bɨlǝngkɛl. 7Swɨkanɔ gǝ dǝg dǝg bwatǝm nǝl kwangkwang, jǝbɔ jǝlakatǝm kwangkwang. Nǝngǝn nǝn yatǝm nǝl a kanjǝlɔ gǝm gwam kwangkwang, jǝbɔ kʊtǝm nǝl a kanjǝlɔ gǝm kwangkwang.
8Swɨkanɔ mɨ gǝ dɨ lɛ wo. Kuwotǝmkǝgagɔ shu shu. Sʊwatǝm kɛl nǝn kaam nyiyo lɛlam lɛlam. Nyǝmtǝmɔ dɨ dɨ. 9Nyǝmtǝm bǝnɔ a yii bɔ. Kuwotǝmkǝga bǝnɔ a yii bɔ. 10Na nǝ yiitǝmɔ a bɛɨ, kanjǝl nɨ a yii bɨɨ shu shu. 11Kwama mǝ a lɔ bwɛsǝnɨ, mǝ sʊwa kɛl bɛtɨɨ, mǝ maa bʊʊlalɨ bɛtɨɨ, mǝ taba fɨ na bwɛsǝn. Ba mǝ la dʊʊɨ, n bǝla kanjǝl bɛtɨɨ wo. 12Kǝngkɔ maamɔ bǝ dʌng a bwaala duddugi. Kwama gɔ bǝ kuwo kuwo kǝga jǝbɔ kǝga. Kǝngkɔ nyǝmtǝm mǝndɨ a dwal. A kwama gɔ mǝ nyǝm nyǝm dangǝn, kanga Kwaama a nyǝm ɨ kǝngkɨɨ. 13Kǝngkɔ kanjǝlɔ taal a yɨɨ, nǝtǝm bɨlǝngkɛl, jǝbɔ yatǝm nǝl, jǝbɔ swɨkan. Nʊ a laa ji gwamɨ n swɨkan.
Currently Selected:
1 Korinti 13: DBD
Highlight
Copy
Compare
Share
Want to have your highlights saved across all your devices? Sign up or sign in
©️2024 Luke Initiative for Scripture Translation
1 Korinti 13
13
Swɨkan
1Na mǝ sʊwa sʊwa kɛl nǝn kaam nyiyo nǝbɨɨ jǝbɔ a bɛtɔ twama Kwaamaɨ, na a yǝlam mɨ mǝ nǝn swɨkanɨ, n yǝlam dǝnglǝng nɨ nǝn diili jǝbɔ bʌn nɨ nǝn diili. 2Na mǝ maa maa kuwotǝmkǝgaɨ, na n nyǝm jʊ nɨ ja yʊ yʊɨ, jǝbɔ nyǝmtǝmɔ gwamɨ, na mǝ nǝn nǝtǝm bɨlǝngkɛl dangǝnɨ, wʊnɨ mǝ sʊwa tuligɔ lɛ mǝʊ a bǝla daa tɨm gǝnɨ, na mɨ mǝ nǝn swɨkanɨ, mǝ ke bɔ kaa jǝl. 3Na n nǝ jʊ nɨ gwam mǝ nǝnɨ, na n nǝ bʊtɔ mǝndɨ ja twɨɨ, na mɨ mǝ nǝn swɨkanɨ, a sʊ mɨ bɔ kaa jǝl.
4Swɨkanɔ gǝ dǝg dǝg bwatǝm nǝl jǝbɔ nǝl lǝmǝn. Swɨkanɔ mɨ gǝ maa nungon nɛ, mɨ gung dul lɛ. 5Swɨkanɔ mɨ nǝn dʊʊlǝn dul, mɨ gǝ maa swɨtǝm dul lɛ. Swɨkanɔ mɨ gǝ nʊng shilotǝm nǝl lɛ, mɨ gǝ ta nǝl lɛ a nǝl. 6Swɨkanɔ mɨ gǝ maa fulotǝm nǝl lɛ nǝn maatǝm shil, gǝ maa fulotǝm nǝl nǝn bɨlǝngkɛl. 7Swɨkanɔ gǝ dǝg dǝg bwatǝm nǝl kwangkwang, jǝbɔ jǝlakatǝm kwangkwang. Nǝngǝn nǝn yatǝm nǝl a kanjǝlɔ gǝm gwam kwangkwang, jǝbɔ kʊtǝm nǝl a kanjǝlɔ gǝm kwangkwang.
8Swɨkanɔ mɨ gǝ dɨ lɛ wo. Kuwotǝmkǝgagɔ shu shu. Sʊwatǝm kɛl nǝn kaam nyiyo lɛlam lɛlam. Nyǝmtǝmɔ dɨ dɨ. 9Nyǝmtǝm bǝnɔ a yii bɔ. Kuwotǝmkǝga bǝnɔ a yii bɔ. 10Na nǝ yiitǝmɔ a bɛɨ, kanjǝl nɨ a yii bɨɨ shu shu. 11Kwama mǝ a lɔ bwɛsǝnɨ, mǝ sʊwa kɛl bɛtɨɨ, mǝ maa bʊʊlalɨ bɛtɨɨ, mǝ taba fɨ na bwɛsǝn. Ba mǝ la dʊʊɨ, n bǝla kanjǝl bɛtɨɨ wo. 12Kǝngkɔ maamɔ bǝ dʌng a bwaala duddugi. Kwama gɔ bǝ kuwo kuwo kǝga jǝbɔ kǝga. Kǝngkɔ nyǝmtǝm mǝndɨ a dwal. A kwama gɔ mǝ nyǝm nyǝm dangǝn, kanga Kwaama a nyǝm ɨ kǝngkɨɨ. 13Kǝngkɔ kanjǝlɔ taal a yɨɨ, nǝtǝm bɨlǝngkɛl, jǝbɔ yatǝm nǝl, jǝbɔ swɨkan. Nʊ a laa ji gwamɨ n swɨkan.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©️2024 Luke Initiative for Scripture Translation