1 पतरस 5
5
नरीकारा चे लौका ची रखवाली
1तम्चे महु जको अग़ुवा छै, मैं वांचे आलीकर अग़ुवा ते मसीह चे ङुखा चा ग़वाह ते प्रकट हुवणे आली महिमा मां भईवाल हुती कर वानु ईं समझावे पला, 2#यूह 21:15–17कि नरीकारा चे लौका ची रखवाली करा जको तम्चे आधे मां छी, ते ईं दब़ाव लारे ना ते नरीकारा ची इच्छा चे अनुसार, खुशी लारे, ते नीच कमाई वास्ते ना, पर मन लाती कर। 3जको लौक तम्हानु सोंपले गेले वांचे उपर अधिकार ना जतावा बल्कि वांचे वास्ते नमुना बणा। 4जिसे बेले प्रधान रखवाला प्रकट हुवी तां तम्हानु महिमा चा मुग़ट ङिला जई ओची शोभा कङी नी घटी।
5यूं करती हे जवान, तम्ही वी अग़ुवा चे अधीन रिहा, बल्कि तम्ही सब चे सब हेके ङुजे ची सेवा चे वास्ते नरमाई लारे कमर कसली रिहा, कांकि,
“नरीकार घमण्डीया चा विरोध करे,
पर दीन-दयाला उपर अनुग्रह करे।”
6 #
मत्ती 23:12; लूक 14:11; 18:14 ऐवास्ते नरीकारा चे बलवन्त हाथा तले नरमाई लारे रिहा, जाये कनु ओ तम्हानु वाजिब समय उपर बधाओ। 7आपणी सारी चिन्ता ओचे उपर नाखा पती, कांकि ओनु तम्चा ध्यान छै।
8सचेत हुवा ते जाग़ते रिहा कांकि तम्चा विरोधी शैतान गरजणे आले शेरा आलीकर ईं सोता रिहे कि कानु फाड़ती खाये 9विश्वासा मां मजबूत हुती कर ओचा सामना करा, कांकि तम्ही ईं जाणा तम्चे भऊ संसारा मां छी यूंही ङोख सीही पले।
10हमा नरीकार जको सारे अनुग्रह चा दाता छै, जेह्णे तम्हानु मसीह मां आपणी अनन्त महिमा वास्ते हकारले, तम्चे थोड़ी देरी तक ङोख चवणे चे बाद आप ही तम्हानु सेद्ध ते मजबूत ते बलवन्त करी। 11ओचा साम्राज्य युगानयुग रिहो। आमीन।
चिठ्ठी चा समापन
12 #
प्रेरि 15:22,40 मैं सिलवानुस चे हाथे, जानु मैं विश्वासयोग भऊ समझे, साफ-साफ लिखती कर तम्हानु समझाले, ते हा ग़वाही ङिली छै कि नरीकारा चा सच्चा अनुग्रह हाओ छै। ऐचे मां मजबूत रिहा।
13 #
प्रेरि 12:12,25; 13:13; 15:37–39; कुलु 4:10; फिले 1:24 जको बेबीलोन मां तम्चे आलीकर चुणले आले कलीसिया चे लौक छी, वे ते माया पूत मरकुस तम्हानु नमस्कार किही पले। 14प्रेमा लारे हाथ जोड़ती कर हेके ङुजे नु नमस्कार करा।
तम्हा सब नु, जको मसीह मां छी, शान्ति मिलती रिहो।
Currently Selected:
1 पतरस 5: ODR
Highlight
Copy
Compare
Share
Want to have your highlights saved across all your devices? Sign up or sign in
CC BY-NC-ND 4.0
