1 Hakorinte 16
16
Makongwedhero ghokuJerusalema
1Yomakongwedhero ghawakakutawa homuJerusalema, mwa kona kukutenda namwe thika di na yirongekire mumbunga dhaWakagalasiye. 2Kehe Shundaha kehe yu ghopapenu gha kone kukupungwera tunu thika di gha tu wana. Maghana mbo gha kara makongwedhero ghomanyinga oku name po. 3Apa mbo niya, mbo na na tumu harume wa mwa tawedha eshi, ha tware yitapa yenu yoruhakitho kuJerusalema. 4No ngeshi hana haka eshi, ngo ni yende name, ha kona ngenyu kuyenda nange.
Dighano dyomaruyendo ghaPaghulusi
5Ene mbo neya kukwenu, apa mbo ni pita rwaMasedoniya. Yoyi mbo na yendi rwaMasedoniya. 6Kukwenu mbo na na kono kukara ko, ngambi kufu yomuhe. Munyima mbo na mu ni ghamwene mukuyenda nange kehe kuno mbo ni yenda. 7Mbadi na haka kumudhingura murupitayendo keho, ene na kukurupera eshi, ni kone kukara nakoghana kukwenu, ngeshi ku ghana yitawedha Fumu.
8Ene Muefesusi na kukara kate kuPendekoste. 9Yoyishi thero dhodhikuru nomudyo, dhina ni yandhurukera, no hana vuru hakan̂ore.
10No ngeshi gha kwiye Timoteghusi, mwa kuna mu kwate moko mawadi, yoyishi naye kuna kurughana yirughana yaFumu yira yame. 11Mbadiko yu gha kona kumushamuna. Ene mwa kona kumughamwena muthiraro, mukutwara ruyendo rwendi kughutho, eshi kate gha kuna kume kukwange. Ame ne kutaterera na kumutaterera pofotji nawamweya.
12Yamuyendhange Apolosi, kukwendi na mu kon̂omekire eshi, mbo gheye kukwenu nawayendhendi, ene gha karire ghuthururu. Mbo gha neya apa mbo gha wana nako.
Mepwero ghoghuhura nodirumeritho
13Mu rawe, mu tanare mumatawero, mu kare mwandwarume, no mu tanare! 14Yoyihe yopapenu yi kare muruhakitho.
15Poyidi karo yi na kumukanderera, mwayendhange: Mwa dimuka Stefanasi ndidhiko dyendi wa ha pirukire pakutanga hoMuagaye eshi, ha kupakire muthirughana thawatawi. 16Mu kare kughumiti wawanu hokenge yo no kwayomuhe yu ghana kurughana nawo.
17Na shamberera kumwiyero waStefanasi naFortunatusi naAgayikusi. Yoyi ha mu roghithera yivumwa yange yokukwenu. 18Awo ha rakithire mudhimu wange no dhenu. Mu dimuke harume ho kemo.
19Hambunga homumukunda waAsiya, hana tumu dirumeritho kukwenu. Edi dina tundu kwaAkwila naPriska no kumbunga dhi dha kongananga roruhe mundhugho dhawo: Hana mu rumeritha thikuma mwaFumu. 20Hayendhenu wahe hana mu tumena dirumeritho.
Mukurumerithe nomancumitero ghoghuyendha ghoThikriste.
21Pano kuna kutjanga me Paghulusi dirumeritho nonyara dhange nothinda.
22Ngeshi ghumweya ha dhiri kuhaka Fumu — gha kare mun̂utwa! Maranata!
23Thin̂eke thaHekudyetu Jesus Kristusi thi kare nenu!
24Ruhakitho rwange kukwenu mwahe mwaKristus Jesusi.
Currently Selected:
1 Hakorinte 16: MHW1986
Highlight
Copy
Compare
Share
Want to have your highlights saved across all your devices? Sign up or sign in
Mbunga dhoBayibili dhaNamibia (Bible Society of Namibia) 1986
