Malɨkɔ 4
4
Isisenio yɔ mombi ɔ ɨhʉna
1Kʉdɔ, Yeso ɔ꞉pʉnga ɓata panɨa ananɨ amutii wɔ ipuu yɛta ɨja ngɨyɔ Galilaya. Ɔ꞉kumonio amati ɔ ɨngbɔɔ, nɔ, ɔ꞉wolo ga jikomu, dɔ, ambaja a꞉ɓio ɓɔ ɔmʉkungueni tɨa kuuu. Ɨngbɔɔ ya꞉ɓio alisini, nɔ, ambaja ngɨananɨ tɨa aɨdʉnda. 2A꞉ɓʉpanɨa yaka ɨja, ɨngbaa akɔ lisisenio. Amatɨ ɔ mapanʉ ngʉkangɔ, a꞉ɓusigio ɓɔ: 3«Ukeni iɗo! Ya꞉ɓio nɔ mombi ɔ mahʉna mʉngana, ɨya, a꞉sa angbengo masɔɔ kangɔ. 4Ɨyɛ ndʉ a꞉ɓio akɔngbengo ɓanɨ, masɔɔ nga kɔmɔ kɔ꞉ɓwanaka anɔ ɨngbaa. Ɓanoi ɓɛ꞉ka, nɔ, ɓɔ꞉kʉdya. 5Mikpekpe nga yɔmɔ yɔ꞉tɔɓwanaka akɔ ʉmʉwa wɔ makopi, aka ɨtaka ya꞉ɓiomʉ-ɔɔ ɨja. Kʉdɔ, kɔ꞉ɓaa ta gagaa dɔ ɨtaka ya꞉ɓio ɓɔ pɛsɛ pɛsɛ. 6Yakamɛngana, angbinga ngɨa ɨpá yɛ꞉ka-ɔɔ ɓʉmʉ, kɔ꞉hɔkanakɨa nɔ kɔmaka, dɔ, mii ya꞉jiokiomʉ amati ɔ ɨtaka. 7Masɔɔ nga kɔmɔ ka꞉ɓwanaka amati ɔ mikpakiki. Angbinga ngɨa ya꞉pʉnga-ɔɔ naɗa, yɔ꞉kʉsangaka ga sangɨ sangɨ, sɔkɔ tii adaa ngɨa kamo-ɔɔ lipumo. 8Masɔɔ nga kɔmɔ ka꞉ɓwanaka akɔ ɨtaka yɔ dɔɓɔ. Ɨyɛ ndʉ ka꞉ɓaa nɔ kɨa ɓakʉʉ, kɔ꞉chwɛiso lɨkʉjʉ limbika ɗietu. Kɔmɔ ka꞉ɓio nɔ lipumo ɓatɛkɛɓɛ ɓaatʉ, kɔmɔ nɔ lipumo ɓatɛkɛɓɛ mɛɗɨa, nɔ kɔmɔ ɓata nɔ lipumo mɨa mʉngana.» 9Ga Yeso naɓɔ ɓɔ: «Mombi ngɨa anɔ machwei kɔ nʉka, ʉka!»
Dɔtanɨ Yeso ayaka nɔ lisisenio
10Ngbɨnga ngɨa Yeso a꞉ɓio-ɔɔ tɨta nangana, ɨhɔ nɔ ɓatitima tɛkɛɓɛ nɔ ɓapɨnɨ, nɔ ɓombi nga ɓɔmɔ ʉɓa, ɓa꞉tɨmʉkpata, kʉdɔ, ɓɔ꞉pʉnga nayɔ aɓokwokiso ɨsɨ yɔ lisisenio ngɨlɛnɛnɨ. 11Ga Yeso naɓɔ aka ɓɔ: «Asɔɓɨɨ a꞉ninjo inu, akɔnɨmbɨa yaka yɔ ɓaɗi ngɨyɛ Ɓʉngama ngʉɓangɔ. Yakamɛngana, akɔ ɓombi ngʉɓa ɓa aɓei ɔ ndiba ngɨyeso, ɓaɓusigio ɨɓɔ yaka ta nɔ lisisenio. 12Iɗo ambɔ ɓɔkangeni,
gʉtʉ ta nɔ mesu ngʉkeɓo ingainga,
ɓatɨnamʉ pɔ nɨna,
nɔ, gʉtʉ ta ɓɔkeni nɔ machwei,
ɓatɨpemisomʉ kʉɓanɨ.
Ambɔ ɓatɨnachomʉ mɨtɨma,
nɔ, Asɔɓɨɨ atɨɓɨpaakɨamʉ ɓʉɓɨɓɨ ngʉɓeɓo kʉɓanɨ.»
Yeso enjo ɨsɨ yɔ isisenio ngɨyɛnɛnɨ
13Ga Yeso ɓata naɓɔ ɓɔ: «Nɔ́kɔpemisenimʉ ɨsɨ yɔ isisenio ngɨyɛ, nábipemiso ɨlɛmɔ tɨa tanɨ? 14Ɨsɨ yɔngɔ ya ɓɔ: Mombi wɔ ɨhʉna, ya ndʉ mombi ngɨa aɓɨakɨa mapanʉ kɔ Asɔɓɨɨ. 15Mikpekpe yɔ masɔɔ nga kɔmɔ ka꞉ɓwanaka anɔ ɨngbaa. Anɔ ambamba ɔ ɨngbaa ya ndʉ ɓombi ngʉɓa ɓɔka ʉpanʉ. Yakamɛngana, Sɨtanɨ ɛka, nɔ, ɔɓʉhɨnɨa ʉpanʉ ngʉwa wɔhʉnanakɨɔ amati eɓo, ga fu. 16Masɔɔ nga kɔmɔ ka꞉ɓwanaka amakopi. Ɨtaka yɔ makopi ngɨyɛnɛnɨ, ya ndʉ ɓombi ngʉɓa ɓakɔ ʉpanʉ wɔ Asɔɓɨɨ, nɔ, ɓɔʉbáya nɔ ɨgyagya ta gagaa. 17Yakamɛngana, sɔkɔmʉ ʉpanʉ wɨfana mii amati eɓo. Ɓaʉpoto akɔ angbinga bele, nɔ kʉ gagaa ngɨananɨ, ɓʉkaɓʉkaɨ ɓɔɓʉgbʉkeni, ga pɔ ɓombi ɓɔɓʉkyananakeni, ta gagaa ngɨananɨ, báya ngɨyeɓo yɔkwa ta nɨkwa. 18Masɔɔ nga kɔmɔ ka꞉ɓwanaka amikpakiki. Ɨtaka yɔ mikpakiki ya ndʉ ɓombi ngʉɓa ɓakɔ ʉpanʉ wɔ Asɔɓɨɨ, ʉkanɨ. 19Yakamɛngana, ɓatumo ɓɔ dɔdɔ, pɛtanaka yɔ mʉsasa wɔ lɨkyɛmʉ, nɔ mɨsasa nga yɛmɔ, yɔsangaka ʉpanʉ ngʉwɔnanɨ, sɔkɔmʉ wɨnɔta ɓata masɔɔ. 20Masɔɔ nga kɔmɔ ka꞉ɓwanaka aɨtaka yɔ dɔɓɔ. Ɨtaka yɔ dɔɓɔ ya ndʉ ɓombi ngʉɓa ɓanʉka ʉpanʉ wɔ Asɔɓɨɨ, ɓɔʉpoto iɗo ɓɔ kpa. Nɔ wɔmo lipumo limbika ɗietu: ɨda mɛngana ɓatɛkɛɓɛ ɓaatʉ, yɛmɔ ɓatɛkɛɓɛ mɛɗɨa, nɔ yɛmɔ ɓata mɨa mʉngana.»
Isisenio yɔ ʉwanga
21Yeso ɔ꞉ɓuɓokuo ɓata kʉ ɓɔ: «Ɓɔya ndɨ ʉwanga ʉyanɨ nawɔ akuto nɔ itumo, ga pɔ nawɔ anapɨa asɔɓɔkɔ ɔ ɓʉkwaa? Sɨ ɓaʉnapɨa akʉʉ ɔ mʉbɨnga wɔngɔ tɛ? 22Ya ingono ɓanɨ, yaka yɛta ɨnayanɨɛ yangɔmʉ pɔ mɛngana, ɨyɛ yangɔchwɛanɨa sina aibamu. Nɔ, yaka yɔ ɓaɗi ɓaɗi yangɔmʉ pɔ mɛngana, ɨyɛ ya꞊ngɔchwɛanɨamʉ sina aɓʉmba. 23Mombi ngɨa anɔ machwei anʉka, ʉka!» 24Yeso ɔ꞉ɓusigio ɓata kʉ ɓɔ: «Kpɔ kpɔ kpɔ, pɛmakɨeni ʉpanʉ ngʉwa nánʉka awɛ uɗo, dɔ Yaka ngɨyɛ inu, nákɔkɨa ɓangɛ, Asɔɓɨɨ a꞊nɨkɨa sina inu, kʉɓanɨ. Yakamɛngana, akɔ inu, a꞊nɨsɨnganisio ɓata kʉ nɔpɛɨ. 25Dɔ, mombi ngɨa a꞊ɓio sinani nɔ ɨkyɛmʉ, ɓa꞊mʉmatɨa ɓata kʉ matɨa. Yakamɛngana, mombi ngɨa angɔmʉ nɔ ɨkyɛmʉ, ɓa꞊mʉhɨnɨa sina kʉ nɔ ɓʉbele ngʉɓa a꞊ɓio naɓɔ.»
Isisenio yɔ masɔɔ ngʉka kakɨa ɓakʉʉ
26Yeso a꞉sugo ɓata kʉ ɓɔ: «Ɓʉngama ngʉɓa ɓɔ Asɔɓɨɨ ɓa ngbanga ndʉ ɨyɛ ɓahʉna-ɔɔ masɔɔ aɨtaka. 27Mombi ɔngɔ, ɔsa akwaa tɔɔ naɓutu, nɔ jʉkana ɓisi ɓɔyɛnɨ, masi maɓomu. Ngbinga ngɨananɨ, masɔɔ ka ta aɓaa nɔ kɨa ɓakʉʉ, sɔkɔmʉ ɨyɔ iɓio anɨmbɨa pɔ kʉɓanɨ. 28Ɨtaka ingainga akɛ yaɓaiso masɔɔ, kapʉnga yanja, yanja yenjo lɨkʉjʉ lɔ mʉpʉnga, mbise ɔngɔ lɔhuoko tɨa mʉpʉnga gbagba. 29Tɨa ngbinga ngɨa mʉpʉnga wɛya-ɔɔ, mombi ɔsɨka mapi, dɔ, ngbinga ɔtinyoko mʉpʉnga ɔndanɔ tɨa ndananɨ.
Yeso enjo isisenio yɔ mwana ɔ ipumo yɛta bele
30Kʉdɔ, Yeso a꞉sugo ɓata kʉ ɓɔ: Ɓʉngama ngʉɓa ɓɔ Asɔɓɨɨ, ɓa dɔ-sɨ ngbanga ndʉ ɨmanɨ aka? Nɔ ɓaɓusisono dɔ-sɨ nɔ ɨmanɨ? 31Ɓa ngbanga ta ndʉ mwana ɔ ipumo yɔ ɓʉtɨ ngɨyɛ yɛta bele nɔgbɛ ndʉ ɨkangʉ ati ɔ lipumo lɔ dɔdɔ liɓomu, ngɨlɛ ɓalɨhʉna akʉbaa. 32Yakamɛngana, ɨyɛ ndʉ ɓaɨhʉna ɓanɨ, yɔɓaaeni, yɛka tɨa ɓʉtɨ ɓɔta ɓʉja nɔgbɛ anagaaka matɨ maɓomu inani akʉbaa. Mɨtapʉ yɔngɔ yɔɓio kʉ ɨngbɔngbɔ, adaa ngɨa ɓanoi ɓɛka-ɔɔ tɨa akɔwayakɨya lɨkáá ananɨ akɔ igoɓi yɔngɔ.»
33Yeso a꞉ɓipanɨa ɓombi mapanʉ kɔ Asɔɓɨɨ ɨngbaa akɔ lisisenio lɨja ɨkananja ngɨlɛnɛnɨ, adaa ngɨa ɓombi ngʉɓa anaɓɔ apanɨa, ɓapemiso-ɔɔ kʉ pemisoo. 34A꞉ɓingakɨa ɓombi yaka, ta nɔ lisisenio. Yakamɛngana, ɛ꞉njo ɓakpata ngʉɓangɔ lɨsɨ lɔngɔ liɓomu, ɓɔɓieni-sɨ tɨta ɨyɔ naɓɔ.
Yeso ɔgbaiso ɨbʉbʉ nɔ mipo
35Nɔ ɨpasɨ yɔ ɓisi ngʉɓɔnanɨ, ga Yeso naɓɔ ɓɔ: «Tɨtapʉeni amondu ɔ ipuu.» 36Kʉdɔ, ɓɔ꞉sɨa ambaja ɔ ɓombi, nɔ, ɓakpata ɓɔ꞉sa ɨɓɔ nɔ atɨ Yeso tɨta amati wɔ ɨngbɔɔ mɛngana. Lɨngbɔɔ ngalɛmɔ la꞉sa kʉ ɨhɔ naɓɔ. 37Tɨa angbinga mʉngana ɓɔ, mahuo kɔta kisoɓa kɛ꞉ka ɓɔ ku ku ku, nɔ, lɨsana lɔ mipo lɔpʉnga njʉanɨa amati ɔ ɨngbɔɔ, tinene akɔhuo. 38Yakamɛngana, ɨyɔ, Yeso a꞉ɓio ta amati ɔ tɔɔ ambise ɔ ɨngbɔɔ, mʉtʉ akʉʉ ɔ apeɓu. Kʉdɔ, ɓakpata ɓɔ꞉mʉjʉkaniso, ga ɨɓɔ nayɔ ɓɔ: «Hii, Mʉpananakɨa, isu taɓio aniwo, ʉwɛ, ndɨ ɓakomone ta ɓɔ pisi?» 39Yeso a꞉jʉkana, nɔ, ɔ꞉nyakɨa mahuo, ga ɨyɔ nɔ ipuu ɓɔ: «Ʉwɛ, ukomono, nɔ, wɔgbaá!» Ga, mahuo ɓɔ yuu, ga ʉmʉa ɓɔ woo! 40Ga Yeso naɓɔ ɓɔ: «Ʉɓá wɛmanɨ, ʉwa nánawɔ ɓanɨ? Báya ngɨyeno ya gbanɨ?» 41Ɓɔ꞉kwa ʉɓá nɔgbɛ, nɔ, ɓɔ꞉pʉnga yakanaka ati eɓo ɓɔ: «Mombi ngɨa, a-sɨ anɨ, gʉtʉ ta mahuo kʉndʉ mipo, kamʉka kʉ ʉkanɨ!»
Currently Selected:
Malɨkɔ 4: buuN
Highlight
Copy
Compare
Share
Want to have your highlights saved across all your devices? Sign up or sign in
© 2021, Wycliffe Bible Translators, Inc.
Malɨkɔ 4
4
Isisenio yɔ mombi ɔ ɨhʉna
1Kʉdɔ, Yeso ɔ꞉pʉnga ɓata panɨa ananɨ amutii wɔ ipuu yɛta ɨja ngɨyɔ Galilaya. Ɔ꞉kumonio amati ɔ ɨngbɔɔ, nɔ, ɔ꞉wolo ga jikomu, dɔ, ambaja a꞉ɓio ɓɔ ɔmʉkungueni tɨa kuuu. Ɨngbɔɔ ya꞉ɓio alisini, nɔ, ambaja ngɨananɨ tɨa aɨdʉnda. 2A꞉ɓʉpanɨa yaka ɨja, ɨngbaa akɔ lisisenio. Amatɨ ɔ mapanʉ ngʉkangɔ, a꞉ɓusigio ɓɔ: 3«Ukeni iɗo! Ya꞉ɓio nɔ mombi ɔ mahʉna mʉngana, ɨya, a꞉sa angbengo masɔɔ kangɔ. 4Ɨyɛ ndʉ a꞉ɓio akɔngbengo ɓanɨ, masɔɔ nga kɔmɔ kɔ꞉ɓwanaka anɔ ɨngbaa. Ɓanoi ɓɛ꞉ka, nɔ, ɓɔ꞉kʉdya. 5Mikpekpe nga yɔmɔ yɔ꞉tɔɓwanaka akɔ ʉmʉwa wɔ makopi, aka ɨtaka ya꞉ɓiomʉ-ɔɔ ɨja. Kʉdɔ, kɔ꞉ɓaa ta gagaa dɔ ɨtaka ya꞉ɓio ɓɔ pɛsɛ pɛsɛ. 6Yakamɛngana, angbinga ngɨa ɨpá yɛ꞉ka-ɔɔ ɓʉmʉ, kɔ꞉hɔkanakɨa nɔ kɔmaka, dɔ, mii ya꞉jiokiomʉ amati ɔ ɨtaka. 7Masɔɔ nga kɔmɔ ka꞉ɓwanaka amati ɔ mikpakiki. Angbinga ngɨa ya꞉pʉnga-ɔɔ naɗa, yɔ꞉kʉsangaka ga sangɨ sangɨ, sɔkɔ tii adaa ngɨa kamo-ɔɔ lipumo. 8Masɔɔ nga kɔmɔ ka꞉ɓwanaka akɔ ɨtaka yɔ dɔɓɔ. Ɨyɛ ndʉ ka꞉ɓaa nɔ kɨa ɓakʉʉ, kɔ꞉chwɛiso lɨkʉjʉ limbika ɗietu. Kɔmɔ ka꞉ɓio nɔ lipumo ɓatɛkɛɓɛ ɓaatʉ, kɔmɔ nɔ lipumo ɓatɛkɛɓɛ mɛɗɨa, nɔ kɔmɔ ɓata nɔ lipumo mɨa mʉngana.» 9Ga Yeso naɓɔ ɓɔ: «Mombi ngɨa anɔ machwei kɔ nʉka, ʉka!»
Dɔtanɨ Yeso ayaka nɔ lisisenio
10Ngbɨnga ngɨa Yeso a꞉ɓio-ɔɔ tɨta nangana, ɨhɔ nɔ ɓatitima tɛkɛɓɛ nɔ ɓapɨnɨ, nɔ ɓombi nga ɓɔmɔ ʉɓa, ɓa꞉tɨmʉkpata, kʉdɔ, ɓɔ꞉pʉnga nayɔ aɓokwokiso ɨsɨ yɔ lisisenio ngɨlɛnɛnɨ. 11Ga Yeso naɓɔ aka ɓɔ: «Asɔɓɨɨ a꞉ninjo inu, akɔnɨmbɨa yaka yɔ ɓaɗi ngɨyɛ Ɓʉngama ngʉɓangɔ. Yakamɛngana, akɔ ɓombi ngʉɓa ɓa aɓei ɔ ndiba ngɨyeso, ɓaɓusigio ɨɓɔ yaka ta nɔ lisisenio. 12Iɗo ambɔ ɓɔkangeni,
gʉtʉ ta nɔ mesu ngʉkeɓo ingainga,
ɓatɨnamʉ pɔ nɨna,
nɔ, gʉtʉ ta ɓɔkeni nɔ machwei,
ɓatɨpemisomʉ kʉɓanɨ.
Ambɔ ɓatɨnachomʉ mɨtɨma,
nɔ, Asɔɓɨɨ atɨɓɨpaakɨamʉ ɓʉɓɨɓɨ ngʉɓeɓo kʉɓanɨ.»
Yeso enjo ɨsɨ yɔ isisenio ngɨyɛnɛnɨ
13Ga Yeso ɓata naɓɔ ɓɔ: «Nɔ́kɔpemisenimʉ ɨsɨ yɔ isisenio ngɨyɛ, nábipemiso ɨlɛmɔ tɨa tanɨ? 14Ɨsɨ yɔngɔ ya ɓɔ: Mombi wɔ ɨhʉna, ya ndʉ mombi ngɨa aɓɨakɨa mapanʉ kɔ Asɔɓɨɨ. 15Mikpekpe yɔ masɔɔ nga kɔmɔ ka꞉ɓwanaka anɔ ɨngbaa. Anɔ ambamba ɔ ɨngbaa ya ndʉ ɓombi ngʉɓa ɓɔka ʉpanʉ. Yakamɛngana, Sɨtanɨ ɛka, nɔ, ɔɓʉhɨnɨa ʉpanʉ ngʉwa wɔhʉnanakɨɔ amati eɓo, ga fu. 16Masɔɔ nga kɔmɔ ka꞉ɓwanaka amakopi. Ɨtaka yɔ makopi ngɨyɛnɛnɨ, ya ndʉ ɓombi ngʉɓa ɓakɔ ʉpanʉ wɔ Asɔɓɨɨ, nɔ, ɓɔʉbáya nɔ ɨgyagya ta gagaa. 17Yakamɛngana, sɔkɔmʉ ʉpanʉ wɨfana mii amati eɓo. Ɓaʉpoto akɔ angbinga bele, nɔ kʉ gagaa ngɨananɨ, ɓʉkaɓʉkaɨ ɓɔɓʉgbʉkeni, ga pɔ ɓombi ɓɔɓʉkyananakeni, ta gagaa ngɨananɨ, báya ngɨyeɓo yɔkwa ta nɨkwa. 18Masɔɔ nga kɔmɔ ka꞉ɓwanaka amikpakiki. Ɨtaka yɔ mikpakiki ya ndʉ ɓombi ngʉɓa ɓakɔ ʉpanʉ wɔ Asɔɓɨɨ, ʉkanɨ. 19Yakamɛngana, ɓatumo ɓɔ dɔdɔ, pɛtanaka yɔ mʉsasa wɔ lɨkyɛmʉ, nɔ mɨsasa nga yɛmɔ, yɔsangaka ʉpanʉ ngʉwɔnanɨ, sɔkɔmʉ wɨnɔta ɓata masɔɔ. 20Masɔɔ nga kɔmɔ ka꞉ɓwanaka aɨtaka yɔ dɔɓɔ. Ɨtaka yɔ dɔɓɔ ya ndʉ ɓombi ngʉɓa ɓanʉka ʉpanʉ wɔ Asɔɓɨɨ, ɓɔʉpoto iɗo ɓɔ kpa. Nɔ wɔmo lipumo limbika ɗietu: ɨda mɛngana ɓatɛkɛɓɛ ɓaatʉ, yɛmɔ ɓatɛkɛɓɛ mɛɗɨa, nɔ yɛmɔ ɓata mɨa mʉngana.»
Isisenio yɔ ʉwanga
21Yeso ɔ꞉ɓuɓokuo ɓata kʉ ɓɔ: «Ɓɔya ndɨ ʉwanga ʉyanɨ nawɔ akuto nɔ itumo, ga pɔ nawɔ anapɨa asɔɓɔkɔ ɔ ɓʉkwaa? Sɨ ɓaʉnapɨa akʉʉ ɔ mʉbɨnga wɔngɔ tɛ? 22Ya ingono ɓanɨ, yaka yɛta ɨnayanɨɛ yangɔmʉ pɔ mɛngana, ɨyɛ yangɔchwɛanɨa sina aibamu. Nɔ, yaka yɔ ɓaɗi ɓaɗi yangɔmʉ pɔ mɛngana, ɨyɛ ya꞊ngɔchwɛanɨamʉ sina aɓʉmba. 23Mombi ngɨa anɔ machwei anʉka, ʉka!» 24Yeso ɔ꞉ɓusigio ɓata kʉ ɓɔ: «Kpɔ kpɔ kpɔ, pɛmakɨeni ʉpanʉ ngʉwa nánʉka awɛ uɗo, dɔ Yaka ngɨyɛ inu, nákɔkɨa ɓangɛ, Asɔɓɨɨ a꞊nɨkɨa sina inu, kʉɓanɨ. Yakamɛngana, akɔ inu, a꞊nɨsɨnganisio ɓata kʉ nɔpɛɨ. 25Dɔ, mombi ngɨa a꞊ɓio sinani nɔ ɨkyɛmʉ, ɓa꞊mʉmatɨa ɓata kʉ matɨa. Yakamɛngana, mombi ngɨa angɔmʉ nɔ ɨkyɛmʉ, ɓa꞊mʉhɨnɨa sina kʉ nɔ ɓʉbele ngʉɓa a꞊ɓio naɓɔ.»
Isisenio yɔ masɔɔ ngʉka kakɨa ɓakʉʉ
26Yeso a꞉sugo ɓata kʉ ɓɔ: «Ɓʉngama ngʉɓa ɓɔ Asɔɓɨɨ ɓa ngbanga ndʉ ɨyɛ ɓahʉna-ɔɔ masɔɔ aɨtaka. 27Mombi ɔngɔ, ɔsa akwaa tɔɔ naɓutu, nɔ jʉkana ɓisi ɓɔyɛnɨ, masi maɓomu. Ngbinga ngɨananɨ, masɔɔ ka ta aɓaa nɔ kɨa ɓakʉʉ, sɔkɔmʉ ɨyɔ iɓio anɨmbɨa pɔ kʉɓanɨ. 28Ɨtaka ingainga akɛ yaɓaiso masɔɔ, kapʉnga yanja, yanja yenjo lɨkʉjʉ lɔ mʉpʉnga, mbise ɔngɔ lɔhuoko tɨa mʉpʉnga gbagba. 29Tɨa ngbinga ngɨa mʉpʉnga wɛya-ɔɔ, mombi ɔsɨka mapi, dɔ, ngbinga ɔtinyoko mʉpʉnga ɔndanɔ tɨa ndananɨ.
Yeso enjo isisenio yɔ mwana ɔ ipumo yɛta bele
30Kʉdɔ, Yeso a꞉sugo ɓata kʉ ɓɔ: Ɓʉngama ngʉɓa ɓɔ Asɔɓɨɨ, ɓa dɔ-sɨ ngbanga ndʉ ɨmanɨ aka? Nɔ ɓaɓusisono dɔ-sɨ nɔ ɨmanɨ? 31Ɓa ngbanga ta ndʉ mwana ɔ ipumo yɔ ɓʉtɨ ngɨyɛ yɛta bele nɔgbɛ ndʉ ɨkangʉ ati ɔ lipumo lɔ dɔdɔ liɓomu, ngɨlɛ ɓalɨhʉna akʉbaa. 32Yakamɛngana, ɨyɛ ndʉ ɓaɨhʉna ɓanɨ, yɔɓaaeni, yɛka tɨa ɓʉtɨ ɓɔta ɓʉja nɔgbɛ anagaaka matɨ maɓomu inani akʉbaa. Mɨtapʉ yɔngɔ yɔɓio kʉ ɨngbɔngbɔ, adaa ngɨa ɓanoi ɓɛka-ɔɔ tɨa akɔwayakɨya lɨkáá ananɨ akɔ igoɓi yɔngɔ.»
33Yeso a꞉ɓipanɨa ɓombi mapanʉ kɔ Asɔɓɨɨ ɨngbaa akɔ lisisenio lɨja ɨkananja ngɨlɛnɛnɨ, adaa ngɨa ɓombi ngʉɓa anaɓɔ apanɨa, ɓapemiso-ɔɔ kʉ pemisoo. 34A꞉ɓingakɨa ɓombi yaka, ta nɔ lisisenio. Yakamɛngana, ɛ꞉njo ɓakpata ngʉɓangɔ lɨsɨ lɔngɔ liɓomu, ɓɔɓieni-sɨ tɨta ɨyɔ naɓɔ.
Yeso ɔgbaiso ɨbʉbʉ nɔ mipo
35Nɔ ɨpasɨ yɔ ɓisi ngʉɓɔnanɨ, ga Yeso naɓɔ ɓɔ: «Tɨtapʉeni amondu ɔ ipuu.» 36Kʉdɔ, ɓɔ꞉sɨa ambaja ɔ ɓombi, nɔ, ɓakpata ɓɔ꞉sa ɨɓɔ nɔ atɨ Yeso tɨta amati wɔ ɨngbɔɔ mɛngana. Lɨngbɔɔ ngalɛmɔ la꞉sa kʉ ɨhɔ naɓɔ. 37Tɨa angbinga mʉngana ɓɔ, mahuo kɔta kisoɓa kɛ꞉ka ɓɔ ku ku ku, nɔ, lɨsana lɔ mipo lɔpʉnga njʉanɨa amati ɔ ɨngbɔɔ, tinene akɔhuo. 38Yakamɛngana, ɨyɔ, Yeso a꞉ɓio ta amati ɔ tɔɔ ambise ɔ ɨngbɔɔ, mʉtʉ akʉʉ ɔ apeɓu. Kʉdɔ, ɓakpata ɓɔ꞉mʉjʉkaniso, ga ɨɓɔ nayɔ ɓɔ: «Hii, Mʉpananakɨa, isu taɓio aniwo, ʉwɛ, ndɨ ɓakomone ta ɓɔ pisi?» 39Yeso a꞉jʉkana, nɔ, ɔ꞉nyakɨa mahuo, ga ɨyɔ nɔ ipuu ɓɔ: «Ʉwɛ, ukomono, nɔ, wɔgbaá!» Ga, mahuo ɓɔ yuu, ga ʉmʉa ɓɔ woo! 40Ga Yeso naɓɔ ɓɔ: «Ʉɓá wɛmanɨ, ʉwa nánawɔ ɓanɨ? Báya ngɨyeno ya gbanɨ?» 41Ɓɔ꞉kwa ʉɓá nɔgbɛ, nɔ, ɓɔ꞉pʉnga yakanaka ati eɓo ɓɔ: «Mombi ngɨa, a-sɨ anɨ, gʉtʉ ta mahuo kʉndʉ mipo, kamʉka kʉ ʉkanɨ!»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2021, Wycliffe Bible Translators, Inc.