Tiitos 3
3
Umbuka mece abittoh ikkitii
1Tamaa xiyaw lel sinni reezon kee mas-uuliinih yam-azzazoona, akko yarhxiinim yaabbe mara yakkoona, umman mece abittoh yanqarraboona, 2walaa inkettaalih uma waani akah waanishe wayaanaakah, anzeegexinnixe mara yakkoona, xiyaawinna yaalloona, umman marah lel macruufko yemmeege mara yakkoona ten xunsus. 3Tayim lel nanu gantah ninneh wuli gedda, duudit, akko yarhxiinim aabbinnixe mara, araxko yicrhiye mara, barhsimte farhi kee raaxahi garuuza, ninni lelleeca umaani kee ashshiinodde tillaabisha mara, aki mari nicibah, sittiya nicib mara kiinuk nine. 4Ni Gargeereena kin Yallih mecaani kee kaxani yumbulluwe gedda laakin, 5nanu abne ciyyo xaqqe tekkeh akkekkah, ishi raxmah tamaa malammit ubka xiyaah taxaye cakalso kee Quddus kin Ufayeh yuscussubeh ni gargeere. 6Usuk ni Gargeereena kin Yeesus Masiix araxah ta Quddus kin Ufaye yeymengeh nolle xarhe. 7Amayim lel, kaa nicmah nitxiqqiqheyaako, tamaa umman geedit aniinahi cagti araxah worosa nakko ciloh kinni. 8Ta marhxo rumma kinni. Tamaa Yallah yaamine mari mece abittot hi zanadde hammitoona ciloh, taymidde ten dufuffuyto kok farhak aniyo. Tayim mecem kee xiyaw tamficem kinni. 9Atu laakin duudiinot sitta-waa, waalido, zagaxa, sercat zacabah yakke ankaaxad amficinnixem kee macna hinam kinamhi sabbatah mirix akko erhex. 10Xiyaw fanadde barhsa baaha xiyawto yekkemko, inki gedda kee lamma gedda kaa asussek sarrah, kab adde marhxin. 11Ta gina le xiyawti, masxe kin tiya kee zambi-wanna; amayim balih isheh ishe cadale tiya kinni.
Abayshimat fawo kee salaamta
12 #
Fartottit hi Abittot 20:4; Efesos 6:21-22; Kolossay 4:7-8; 2 Timoteyos 4:12 Nikobolisille dhamxin waqhte tillaabisho abaysheh aniyomhi sabbatah, Artemaas hido Tikhikos kolle fara gedda, abinnannim abteh yolle amo. 13#Fartottit hi Abittot 18:24; 1 Korintos 16:12Sercat maarhaga kin Zeenaas kee Abolloos, kallaaxelle ten farhshishsham akah geyaanaakah akah afish. 14Tamaa ni xiyaw lel, max-yeenim ten farhshishsham sinneh abitoona kee, fire hin aniinah maraanak, mece abittot hi zan akah abaanaakah labcaadoonaa.
15Yottaalih yane mari inkoh, salaamat kok yarhxin. Imaanah ni kixin mara salaamta noh guddus.
Nicma umbuka sinlih takkoo.
Currently Selected:
Tiitos 3: SCC
Highlight
Copy
Compare
Share
Want to have your highlights saved across all your devices? Sign up or sign in
©2024 Wycliffe Ethiopia
