Filmoon 1
1
Salaamta
1 #
Kolossay 4:17
Masiix kin Yeesusuh arhxuk, maxbuushsha kin Bawlos kee ni sacal kin Timoteyosko, yinkixxine Filmoon nottaalih khidma yangaleya 2kee Abfiya ni sacla kee tamaa nottaalih yane dufla abeena kin Arkhibbos, kee ku caredde takatte kaniisa fanah:
3Ni Abba kin Yalla kee Maddara kin Yeesus Masiixko nicma kee maaxiyo sinlih takkoo.
Filmoon kaxano kee imaan
4Inni dhaacodde kotta xunsuusa gedda, umman gedda inni Yalla xamdishita. 5Amayim lel, Maddara kin Yeesus kee umbuka yinqiddise marah lito kaxano kee imaan aabbemhi sabbatah kinni. 6Tamaa nottaalih tangale imaan araxah, umman mecaani Masiixidde linoya meceetih akah taarhago dhaaco aba. 7Ko yi sacalo, yinqiddise marahi afcaado tuscurufemhi sabbatah, ku kaxanooko mango xeden kee aydukumusnan geyeh aniyo.
Bawlos Oneesimosuh aba dhaacimto
8 #
Kolossay 4:9
Amayim balih, Masiix araxah liyo mango fidbeh atu abto missilam ku aamaro dhiica hanuk, 9anu, Bawlos, baarra kiyoyak kado lel Masiix kin Yeesusuh arhxiyuk maxbuushsha kiyoyak, kaxanoh araxah ku dhaacimam doora. 10Xabshedde aniyuk abba akko ekke yi barha kin Oneesimosti zacabah ku dhaacimak aniyo. 11Usuk basoh ku mamfacinna, kado laakin rummah kotta kee yotta inkoh yamfice. 12Afcaadooko kixiniyo kayya lel malammih kolle adabbik aniyo. 13Anu mece ware warroyshemhi sabbatah umudhdhuweh aniyuk, ku idhdhadde yekkeh yi yakhdamo inneelih kaa defeysham farhe dhaarhe. 14Laakin tamaa ku mecaani, ku farhih kibah xaylah takkemko, ku izne hinnim walaa inkim abo mifarhiyo. 15Usuk dago waqhte kok barhsimeh sugem, laabud umman geddah kottaalih maro ciloh kinni. 16Usuk kamboh garuzzo balih makiiki, garuzzooko aganalle kinni. Fertoh lel yottah yinkixxine sacal kinni. Kado lel usuk ziyaada kottah xiyawto balih kee Maddari araxah sacal koh kinni.
17Amaydo, atu ishi zoobattoh yi tublemko, tamaa yotta akah kabbaate dhadhdheekah kaa kabbat. 18Usuk umam kok abemko hido lel cida adde teellemko, yottaako esserit. 19Anu Bawlos, tayim inni gabah aktubiyuk ane: Anu koh akfalo kiyo. Anu inneh cida kodde liyomuh waanisham lel yi mifarhshishsha. 20Yoo, yi sacalo, kottaako Maddari araxah kinni kok aksabo farham. Maddari araxah yi afcaado yoh uscuruf.
21Anu kok arhxiyuk aniyomko ziyaada abto kitom aarhigiyuk, yi taabbemih lel eemeneyaako kolle aktubiyuk aniyo. 22Amayim balih, sin dhaacohi araxah Yalli sinalle yi baaho cag liyomhi sabbatah, gerhenti care yoh isqirrib.
Abayshimat salaamta
23 #
Kolossay 1:7; 4:12 Masiix kin Yeesusuh arhxuk yottaalih xabshedde yane Ebafraas, salaamta koh dhirhiyak yane. 24#Fartottit hi Abittot 12:12,25; 13:13; 15:37-39; 19:29; 27:2; Kolossay 4:10,14; 2 Timoteyos 4:10,11Amayim balih, yottaalih khidma yangale Markos, Aristarkhos, Deemaas, Luukas salaamat kok yarhxin.
25Maddara kin Yeesus Masiix nicma ku ufaylih takkoo.
Currently Selected:
Filmoon 1: SCC
Highlight
Copy
Compare
Share
Want to have your highlights saved across all your devices? Sign up or sign in
©2024 Wycliffe Ethiopia
Filmoon 1
1
Salaamta
1 #
Kolossay 4:17
Masiix kin Yeesusuh arhxuk, maxbuushsha kin Bawlos kee ni sacal kin Timoteyosko, yinkixxine Filmoon nottaalih khidma yangaleya 2kee Abfiya ni sacla kee tamaa nottaalih yane dufla abeena kin Arkhibbos, kee ku caredde takatte kaniisa fanah:
3Ni Abba kin Yalla kee Maddara kin Yeesus Masiixko nicma kee maaxiyo sinlih takkoo.
Filmoon kaxano kee imaan
4Inni dhaacodde kotta xunsuusa gedda, umman gedda inni Yalla xamdishita. 5Amayim lel, Maddara kin Yeesus kee umbuka yinqiddise marah lito kaxano kee imaan aabbemhi sabbatah kinni. 6Tamaa nottaalih tangale imaan araxah, umman mecaani Masiixidde linoya meceetih akah taarhago dhaaco aba. 7Ko yi sacalo, yinqiddise marahi afcaado tuscurufemhi sabbatah, ku kaxanooko mango xeden kee aydukumusnan geyeh aniyo.
Bawlos Oneesimosuh aba dhaacimto
8 #
Kolossay 4:9
Amayim balih, Masiix araxah liyo mango fidbeh atu abto missilam ku aamaro dhiica hanuk, 9anu, Bawlos, baarra kiyoyak kado lel Masiix kin Yeesusuh arhxiyuk maxbuushsha kiyoyak, kaxanoh araxah ku dhaacimam doora. 10Xabshedde aniyuk abba akko ekke yi barha kin Oneesimosti zacabah ku dhaacimak aniyo. 11Usuk basoh ku mamfacinna, kado laakin rummah kotta kee yotta inkoh yamfice. 12Afcaadooko kixiniyo kayya lel malammih kolle adabbik aniyo. 13Anu mece ware warroyshemhi sabbatah umudhdhuweh aniyuk, ku idhdhadde yekkeh yi yakhdamo inneelih kaa defeysham farhe dhaarhe. 14Laakin tamaa ku mecaani, ku farhih kibah xaylah takkemko, ku izne hinnim walaa inkim abo mifarhiyo. 15Usuk dago waqhte kok barhsimeh sugem, laabud umman geddah kottaalih maro ciloh kinni. 16Usuk kamboh garuzzo balih makiiki, garuzzooko aganalle kinni. Fertoh lel yottah yinkixxine sacal kinni. Kado lel usuk ziyaada kottah xiyawto balih kee Maddari araxah sacal koh kinni.
17Amaydo, atu ishi zoobattoh yi tublemko, tamaa yotta akah kabbaate dhadhdheekah kaa kabbat. 18Usuk umam kok abemko hido lel cida adde teellemko, yottaako esserit. 19Anu Bawlos, tayim inni gabah aktubiyuk ane: Anu koh akfalo kiyo. Anu inneh cida kodde liyomuh waanisham lel yi mifarhshishsha. 20Yoo, yi sacalo, kottaako Maddari araxah kinni kok aksabo farham. Maddari araxah yi afcaado yoh uscuruf.
21Anu kok arhxiyuk aniyomko ziyaada abto kitom aarhigiyuk, yi taabbemih lel eemeneyaako kolle aktubiyuk aniyo. 22Amayim balih, sin dhaacohi araxah Yalli sinalle yi baaho cag liyomhi sabbatah, gerhenti care yoh isqirrib.
Abayshimat salaamta
23 #
Kolossay 1:7; 4:12 Masiix kin Yeesusuh arhxuk yottaalih xabshedde yane Ebafraas, salaamta koh dhirhiyak yane. 24#Fartottit hi Abittot 12:12,25; 13:13; 15:37-39; 19:29; 27:2; Kolossay 4:10,14; 2 Timoteyos 4:10,11Amayim balih, yottaalih khidma yangale Markos, Aristarkhos, Deemaas, Luukas salaamat kok yarhxin.
25Maddara kin Yeesus Masiix nicma ku ufaylih takkoo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©2024 Wycliffe Ethiopia