Cibraan 1
1
Yallih Barhahi buka kinni
1Yalli dherh muddaako nobowat araxah abeh ni abbubudde mangole gedda mango aruxuh adde waanishe. 2Ta abayshimat lelleecadde laakin, tamaa ummanim yawrishe tiya akko abeh, ta caalam gantah kaa araxah akko yukhluqhe, ishi Barhahi araxah noolih waanisheh yane. 3Usuk Yallih nabnehi zifo kee igric-ishen kaa khulqhahi xibar le tiya yekkeh, ummannim ishi waanittahi xaylah daw-isha. Zambi tsitstsaye abek sarrah lel, agana yane naba nabne le Yallahi mizgi gabooko defeye. 4Amayim lel usuk yiwrisheh yane migac tenimko meceetih yashshe tiya kinamhi sabbatah, malaykutko mangum naba tiya yekkeh yane.
5Amayim lel Yalli malaykutko awlih tiyak:
#
Zaabur 2:7; 2 Saamiyeel 7:14; 1 Warit 17:13 “Atu yi Barha kito,
kaafa ku baaheh aniyo” yerhxeh yaarhige?
Hido lel,
“Anu kaa abba akko kiyo,
usuk lel yi barha yakko kinni” akko yerhxeh yaarhige?
6Malammih lel usuk amaa riish ta caalamalle baaha gedda:
#
Gabbaacime Sercat 32:43
“Yallih malaykut inkoh akah yacbadoonaa” yarhxe.
7Malaykutti zacabah lel:
#
Zaabur 104:4
“Ishi malaykutuk xaaxatta akko aba,
ishi khaddamtek lel girat bola akko aba” yarhxe.
8Ishi Barhahi zacabah laakin:
#
Zaabur 45:6-7 “Ko yi Rabbiyo, ku nugus-defeena, umman gedda kee umman gedih kinni,
ku xaqqehi ilo lel ku nigsinnahi ilo kinni.
9Xaqqe tikxineh umaani tincibeh tanito;
amaydo Yalli, ku Yalli,
ku zoobaako ziyaada xedenti zeetih ku yuskuteh yane” yarhxe.
10Amayim balih:
#
Zaabur 102:25-27
“Atu, Maddara, erherhih ta caalam dhishsheyaako,
carshit ku gabah ginnimtem kinon.
11Usun yalawna kinon, atu laakin marto kito;
sareena balih lel ziroona kinon,
12atu natsala balih ten tatlalo kito,
sareena balih yanqayyaroona kinon.
Atu laakin lem kito,
ku iggidit abayshima yaallo maki” yarhxe.
13Malaykutko:
#
Zaabur 110:1
“Ku nacabtoolitik ku ibih dokka akko abandah
Yi mizgi gabooko defee” miyak yerhxeh yaarhige?
14Usun yakhdume ufayit inkoh tamaa garger yawrasho le mara yakhdamoona farritimteya makini kinoonim?
Currently Selected:
Cibraan 1: SCC
Highlight
Copy
Compare
Share
Want to have your highlights saved across all your devices? Sign up or sign in
©2024 Wycliffe Ethiopia
