2 Timoteyos 4
4
Waanitta warroyish
1Yalla kee tamaa tanem kee rabtem yafrado yamiite Masiix kin Yeesus nifille, kaa mumut kee kaa nigsinnah ku asuusak aniyo: 2tamaa waanitta warroyish, koh takke gedda kee kolle takke geddah tinqirribeh sug, fayish, cadal, asus, umbuka sabreelih aydukumusaaki labcaadish. 3Xiyaw tamaa ten cokkak akah yaabbo duumutaanam akah warisha mudarrisiin yaskattiinim kibah, tamaa rummaahit mazhab adde curoona farhinnixon max amiituk yane. 4Rumma yaabbiinimko mirix-yerhxiinih, tinem-tinet gabolle shax-ishitoona kinon. 5Atu yekkemko, umman gedda himma-abit, uma gedda curtayyo abit, mece ware warroysha tiyahi ciyyo abit, ishi khidma iskimil.
6Anu yekkemko, mece geddaakoh muttuxuwat mucub balih xarhiteh aniyo, adde adiye maaxi lel gufeh yane. 7Anu mece gixlo ingixile, ammakaakam lel abaysheh aniyo, amaa imaan lel dhawrheh aniyo. 8Kamboh, tamaa xaqqi daaniya kin Maddari, amaa maxadde yoh yaxaw le xaqqi bor yoh yinqirribeh yane. Tayim lel yottah bisa makiiki, tamaa inkoh kaa mumut kixin marah gantah kinni.
Masxassa
9Dheh akah yolle tamiiteekah ab. 10#Kolossay 4:14; Filmoon 24; 2 Korintos 8:23; Galaatiya 2:3; Tiitos 1:4 Deemaas ta caalam yikxinemhi sabbatah, yi xabeyaako Tessaloniike fanah yedee. Kereeskes Galaatiya fanah, Tiitos lel Dalmatiya fanah yedeynih yanin. 11#Kolossay 4:14; Filmoon 24; Fartottit hi Abittot 12:12,25; 13:13; 15:37-39; Kolossay 4:10Luukas inkettak yottaalih yane. Markos khidmadde yi yimficemhi sabbatah isheelih kaa bah. 12#Fartottit hi Abittot 20:4; Efesos 6:21-22; Kolossay 4:7-8Tikhikos Efesos fanah kaa dhirhiyeh aniyo. 13#Fartottit hi Abittot 20:6Tamiite gedda, tamaa Tirooyasalle Karboslih xabe kabba, kitob, fertoh lel tamaa qarbat luuxa isheelih yoh bah. 14#Zaabur 62:12; Rooma 2:6Tamaa bacal gibre kin Aleksaander mangum yoh yoome. Maddari lel kaa abittot balih akah yafdaw kinni. 15Usuk dhacumaatih ni fartoh didde kinamhi sabbatah, atu isheh akko zeelit. 16Tamaa erherh yi mogtelle inkoh yi xabeeninkah walaa inketti daw yottaalih marhxinna. Tayim umaanidde akko loyyiime waytoo. 17Farto yi araxah sittiyadde warreyto, inkoh Aki-mari lel yaabboona ciloh, laakin Maddari yottaalih daw-yerhxeh yi yiysiriye. Lubak afko lel yi yeyyeece. 18Maddari umbuka uma abittooko yi yeyyeeceh nagaadde ishi carshi nigsinnalle yi baaho kinni. Kayyah umman gedda kee umman gedih nabne takkoo. Amin.
Abayshimat salaamta
19 #
Fartottit hi Abittot 18:2; 2 Timoteyos 1:16-17 Biriskilla kee Akiila, amayim balih Oneesiforosti xawazalle salaamat akko yoh erhexa. 20#Fartottit hi Abittot 19:22; Rooma 16:23; Fartottit hi Abittot 20:4; 21:29Erastos Korintosulle raaceh yane. Tiroofimos lel laxuuteyaako Mileetosulle kaa xabeh aniyo. 21Dhamxin waqhteeko basolle akah tamiiteekah ab. Eybuulos, Budees, Linos, Kilawdiya kee aki sacul inkoh kolle yaysillimin.
22Maddari ku ufaylih yakkoo. Nicma sinlih takkoo.
Currently Selected:
2 Timoteyos 4: SCC
Highlight
Copy
Compare
Share
Want to have your highlights saved across all your devices? Sign up or sign in
©2024 Wycliffe Ethiopia
