2 Tessaloniike 3
3
Dhaaco noh abanta
1-2Abayshimalle, ni saculo, Maddari waanitta tamaa sin fanadde akah tekkeh taneekah, faax-tarhxo kee tanabo; ummanti yaamine tiya makinamhi sabbatah, mangum uma maraako naggoyno dhaaco noh abanta. 3Laakin Maddari umun kinni. Usuk sin yaysabato kee uma tiyaako sin dhawrho kinni. 4Tamaa nanu sin naamirem abak taniinim kee abtoona kitiinimih, sin zacabah Maddaradde imaan lino. 5Maddari Yallih kaxano kee Masiix araxah geytima curtayyolle sin afcaado santishoo.
Bohosa kin adabe hin maraakohi asuuso
6Kado lel ni saculo, tamaa nottaako kabbatten labcadah adiinnixe, buhus kin adabe hin sacalko barhsimtoona, ni Maddara kin Yeesus Masiix migacalle sin aamirinuk nane. 7Nanu sinlih nine gedda, abboohosinuk mininem taarhigiinimhi sabbatah, nottah tammangadoona sinalle tanem atin sinneh taarhigin. 8Sinko walaa inkettalle cuuka nakkemko, bar lellecih akhduminuk, tannah xawalak ninenkah, walaa inkettaako amaa ginah folotta mibeetino. 9Tayim lel sinah misaal nakko kee atin nottah tammangadoona ciloh kibah, ninneh eeddam geyno xaqqe malinoh maki. 10Amayim lel, nanu sinlih nine gedda: “Yashtaqhalo farhinnixeti, beete wayo” yarhxe amre sinah noxoyeh ninemhi sabbatah kinni. 11Sin fanadde yane maraako gari bohosa kin adabe malit, ciyyo hinam kee ten farhshiishinnixemidde saya mara kinoonim naabbe. 12Tagina le marak lel, xeelatah sinni ciyyo abiteenih sinni folotta bahitoona, Maddara kin Yeesus Masiix araxah ten naamireh ten asusna.
13Atin yekkemko, ko ni saculo, mecaani abaanam mibaddaahishina. 14Nanu ta jawaab araxah narhxem aabbinnixeti yinniyemko, xoolashshiito ciloh, adde mangalinanta. 15Sacal balih kaa fayshanta kibah lel, cange balih kaa mablinanta.
Salaaxa
16Amaydo, maaxiyot Maddari isheh umman ginah, umman gedda maaxiyo sinah yaxaw. Inkoh Maddari sinlih yakkoo.
17Ta salaamta, anu, Bawlos, inni gabah uktube tiyä kinni. Tayim lel, inkoh jawawubhi tuumar kinni; amayim lel tamaa anu akah aktube xibar kinni. 18Maddara kin Yeesus Masiix nicma lel umbuka sinlih takkoo.
Currently Selected:
2 Tessaloniike 3: SCC
Highlight
Copy
Compare
Share
Want to have your highlights saved across all your devices? Sign up or sign in
©2024 Wycliffe Ethiopia
2 Tessaloniike 3
3
Dhaaco noh abanta
1-2Abayshimalle, ni saculo, Maddari waanitta tamaa sin fanadde akah tekkeh taneekah, faax-tarhxo kee tanabo; ummanti yaamine tiya makinamhi sabbatah, mangum uma maraako naggoyno dhaaco noh abanta. 3Laakin Maddari umun kinni. Usuk sin yaysabato kee uma tiyaako sin dhawrho kinni. 4Tamaa nanu sin naamirem abak taniinim kee abtoona kitiinimih, sin zacabah Maddaradde imaan lino. 5Maddari Yallih kaxano kee Masiix araxah geytima curtayyolle sin afcaado santishoo.
Bohosa kin adabe hin maraakohi asuuso
6Kado lel ni saculo, tamaa nottaako kabbatten labcadah adiinnixe, buhus kin adabe hin sacalko barhsimtoona, ni Maddara kin Yeesus Masiix migacalle sin aamirinuk nane. 7Nanu sinlih nine gedda, abboohosinuk mininem taarhigiinimhi sabbatah, nottah tammangadoona sinalle tanem atin sinneh taarhigin. 8Sinko walaa inkettalle cuuka nakkemko, bar lellecih akhduminuk, tannah xawalak ninenkah, walaa inkettaako amaa ginah folotta mibeetino. 9Tayim lel sinah misaal nakko kee atin nottah tammangadoona ciloh kibah, ninneh eeddam geyno xaqqe malinoh maki. 10Amayim lel, nanu sinlih nine gedda: “Yashtaqhalo farhinnixeti, beete wayo” yarhxe amre sinah noxoyeh ninemhi sabbatah kinni. 11Sin fanadde yane maraako gari bohosa kin adabe malit, ciyyo hinam kee ten farhshiishinnixemidde saya mara kinoonim naabbe. 12Tagina le marak lel, xeelatah sinni ciyyo abiteenih sinni folotta bahitoona, Maddara kin Yeesus Masiix araxah ten naamireh ten asusna.
13Atin yekkemko, ko ni saculo, mecaani abaanam mibaddaahishina. 14Nanu ta jawaab araxah narhxem aabbinnixeti yinniyemko, xoolashshiito ciloh, adde mangalinanta. 15Sacal balih kaa fayshanta kibah lel, cange balih kaa mablinanta.
Salaaxa
16Amaydo, maaxiyot Maddari isheh umman ginah, umman gedda maaxiyo sinah yaxaw. Inkoh Maddari sinlih yakkoo.
17Ta salaamta, anu, Bawlos, inni gabah uktube tiyä kinni. Tayim lel, inkoh jawawubhi tuumar kinni; amayim lel tamaa anu akah aktube xibar kinni. 18Maddara kin Yeesus Masiix nicma lel umbuka sinlih takkoo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©2024 Wycliffe Ethiopia