1 Timoteyos 6
6
1Yallih migac kee tamaa naydurusem caddaalimamko ciloh, garuuzinnat arcot-hi geridde yane mari inkoh, tamaa ten wannunuh umbuka xishma akah eeddam balih beyoonaa. 2Tamaa yaamine wannun le mari lel, ten sacul akah kinooniikah xishma ten kalite wayoonaa. Sarreh tamaa ten mece khidmaako nafaaca geya mari tamaa yaamine mara kee yinkixxine mara kinni kinoonimki, usun ziyaada yakhdamoona tenalle tane.
Zirabti mudarrisiin kee rummaahit qanaaca
Tayim uydurusaaki fayish. 3Akkinnanti tamaa rummaahit waani ni Maddara kin Yeesus Masiixya kee Yallih mashshiiko barhsime mazhab yuydurusemko, 4tamaati amnonobbah xaffuweyaako inkim afhiminnixe tiya kinni. Usuk sittiya taatuke waani kee ankaaxadah uma farhi le tiya yekkeh, tayimko ashshiino, gica, waato kee uma shakki yamiite. 5Tayim lel tamaa rumma hin, niya adde toome marahi fanadde lel, bakitinnixe zagaxa katayishshayaako, tamaa Yallih mashshih yadiinim maksab akah geyan arax kinni yakkaliinim. 6Loonimih yalaggiinih Yallih mashshih yadiinim laakin, naba maksab kinni. 7Amayim lel ta caalamalle walaa inkim alle mibaahino, walaa inkim lel akko beyno makinomhi sabbatah kinni. 8Sarinnam kee bennam geynemko laakin ni dhiica. 9Tamaa gaddaalito farha mari laakin cakana, machchawaadiya kee mango macna hin uma farhidde radan. Tayim abras kee liyadde xiyaa ciddam kinni. 10Amayim lel solaadit kaxani umbuka caynah umaanih rimid kinamhi sabbatah kinni. Ta gina le hirfaanhi sabbatah kinni lel xiyawko gari imaan araxko yewciinih mango qadaabadde radeenim.
Mece imaanhi gixlo ingixilanta
11Kotta yekkemko, ko Yallih xiyawtok, tayimko kud. Xaqqe, Yallih mashshi, imaan, kaxano, curtayyo, mecaani kataa. 12Mece imaanhi gixlo ingixilanta. Tamaa akah koh deecimen, mango shohodah nifille lel mece shahaada alle toxoye, umman geedit aniina ibbirh. 13-14#Yohannis 18:37Ta amre dhaggitekkah amaa ginah cadale-hinnim ni Maddara kin Yeesus Masiixhi malammit mumut fanah dhawudhdho, tamaa ummannimih aniina yaxaye Yalla kee tamaa Bontiyos Bilaatosti nifille ishi mece shahaada yoxoye Masiix kin Yeesus nifille ku aamiriyuk ane. 15Waqhti gufa gedda, Yalli kaa yayballaw kinni. Usuk dhaacot wanna, kee inkettak yaxkume tiya, nuguusat Nugus kee maddaritti Maddara, 16usuk ulah rabinnixe tiya, kab adde arhxinnixon ifolle mara tiya, walaa inketti ablinnixe tiya, hido walaa inketti yablo taana tiya kinni. Kayyah xishma kee umman geedit reeza takkoo. Amin.
17Ta kadit waqhtedde yane gaddaalit yamnanabbiinimko, tamaa nanu xedenno ciloh ummannim xindaalih noh yaxaye Yalladde kibah, sinni bakita gaddadde cag abitaanamko ten eemer. 18Mecem aba mara yakkoona, mece abittotuh gaddaalitoona, xinda-le mara kee sinnim garoolih xazziilita mara yakkoona ten eemer. 19Taginah, rummaahit aniina geyoona, niiroh hida-le masarrat akah yakko ciloh, sinneh gadda yassakammaroona kinon.
20Ko Timoteyos, amaanah kolle tamxawwem dhawurh. Tamaa zirabah: “irhga” akko yarhxin ta diin hin marih qarhqarh kee sittiya taatuke waaniiko mirix-erhex. 21Amayim lel, tayim yeemeniinih tamaa imaan araxko tewcem tane.
Nicma sinlih takkoo.
Currently Selected:
1 Timoteyos 6: SCC
Highlight
Copy
Compare
Share
Want to have your highlights saved across all your devices? Sign up or sign in
©2024 Wycliffe Ethiopia
