Biă 24

Dr̂ah ngă klơi uăn bơgop

1Jr̂ŏng nŭn, Yêhôwa pơhiăp hr̂ŏm Môsê: «Br̂ơi ih dua gih Ơrô̆n, dăp Nađap dua ñu Aƀihu,#An Biă 6:23. wŏt môt kŏng-tha Israel juh pluh r̂ăng, đĭ r̂ai pơ kâo Yêhôwa, jr̂ŏng nŭn bon mơ̆ng taih. 2Br̂ơi ha dr̂ơi Môsê đơč r̂ai jĕ kâo Yêhôwa, gah môt pơkŏn dŏng, bĭ br̂ơi r̂ai jĕ ôh, wŏt nă plơi lan bĭ br̂ơi đĭ r̂ai hr̂ŏm Môsê le.»

3Môsê r̂ă br̂ơi nă plơi lan tơgr̂ư̆ klơi pơhiăp Yêhôwa, dăp tơgr̂ư̆ klơi ñu pơtă, jr̂ŏng nŭn bih nă plơi lan til đĭ hr̂ŭp hr̂ŏm gŏp gơñu: «Mơi ti ngă tui bih klơi Yêhôwa pơhiăp.»#An Biă 19:8. 4Jr̂ŏng nŭn, Môsê čih čr̂oh tơgr̂ư̆ klơi pơhiăp Yêhôwa.

Sêng-ƀr̂êng mơ̆ng guah, Môsê ngă pr̂a ngă yang ti tơkai čĭ, jr̂ŏng nŭn ñu tô̆ bohtâo dô glong-glong pluh dua boh, bơdŏng đĭ ha boh ha boh, tui tam phung wang Israel pluh dua phung mơ̆n. 5Nŭn Môsê pơđơi môt dơdăm pơanah mơ̆ng nă plơi lan Israel nao tô̆ čĭm-br̂ĭm ngă Yang Yêhôwa čuh lôi bih blao, dăp tô̆ mo kơno pơanah ngă yang klơi nŭk-nua pơyŏl Yêhôwa mơ̆n. 6Môsê tô̆ dr̂ah čĭm-br̂ĭm nŭn, tŏng-kr̂ah ñu čr̂oh tăm thông, jr̂ŏng nŭn dr̂ah tŏng-kr̂ah dŏng, ñu pr̂ah mơ̆ng pr̂a ngă yang. 7Jr̂ŏng nŭn, Môsê tô̆ hla hr̂ă klơi uăn bơgop, an br̂ơi nă plơi lan hmĭ, jr̂ŏng nŭn gơñu til đĭ: «Mơi ti hmĭ tui tơgr̂ư̆ klơi Yêhôwa pơhiăp, jr̂ŏng nŭn mơi ti ngă tui dơdi.» 8Jr̂ŏng nŭn, Môsê tô̆ dr̂ah pr̂ah mơ̆ng nă plơi lan, jr̂ŏng nŭn pơhiăp laĭ: «Ne dr̂ah ngă klơi uăn bơgop Yêhôwa kă hr̂ŏm gô-ih, tui klơi ñu pơhiăp ne.»#An Mat 26:28; Mak 14:24; Lŭk 22:20; 1Kô 11:25; Hêb 9:18-22.

Môsê dŏ mơ̆ng kŏ čĭ hr̂ŏm Ơi Adai

9Jr̂ŏng nŭn Môsê dua ñu Ơrô̆n, dăp Nađap dua ñu Aƀihu, wŏt môt kŏng-tha Israel juh pluh r̂ăng, đĭ nao pơ kŏ čĭ, 10jr̂ŏng nŭn gơñu ƀôh Ơi Adai Yang môt sô̆n-sat Israel. Ƀon Ơi Adai dŏ dŏng hmâo hla ti bohtâo keo kŏnđieng#24:10 Bohtâo keo kŏnđieng hmâo puo mlơt. An Êsê 1:26; 10:1. a sap gah yô̆ plă le ñu, đaih-đong hla ti adai. 11Plai Ơi Adai bĭ pơdjai lôi môt khua ba kŏ nă plơi lan Israel ôh. Hla nŭn yơh, gơñu ƀôh Ơi Adai, jr̂ŏng nŭn gơñu ƀŏng mơñŭm.

12Yêhôwa pơhiăp hr̂ŏm Môsê: «Br̂ơi ih đĭ r̂ai pơ kâo mơ̆ng kŏ čĭ, jr̂ŏng nŭn ih dŏ pơ anŭn ho, kâo ti mop br̂ơi ih klơi pơto pơhr̂ăm, dăp klơi pơtă kâo čih tăm hơđang bohtâo, čiăng ih pơto nă plơi lan.» 13Nŭn yơh, Môsê dua ñu Yôsuê, gơñu gŭ đĭ hĕ. (Yôsuê nŭn pô dŏng ngă buă Môsê.) Jr̂ŏng nŭn Môsê đĭ nao pơ kŏ čĭ Ơi Adai. 14Môsê pơtă br̂ơi môt kŏng-tha: «Br̂ơi gô-ih dŏ gon mơi ha ane ho, khă tơl môt mơi wŏt glaĭ dŏng. Gô-ih hmâo Ơrô̆n dua ñu Hơ dŏ hr̂ŏm gô-ih boih, jơ̆ laĭ gô-ih hmâo kơđi hr̂ŏm gŏp gô-ih, nŭn br̂ơi nao kơña pơ gơñu wŏ.»

15Jr̂ŏng nŭn, Môsê đĭ nao pơ kŏ čĭ Sinai, dăp hmâo kơthŭl gơnăm gom lôi kŏ čĭ nŭn.#An Biă 19:9. 16Klơi gơdr̂ih-gơdr̂ŏng Yêhôwa dŏ mơ̆ng kŏ čĭ Sinai, kơthŭl gơnăm gom lôi kŏ čĭ năm r̂ơi. Yêhôwa dŏ mơ̆ng kơthŭl gơnăm nŭn, tơl r̂ơi ti juh ñu iâo tr̂ŭn Môsê. 17Nă čo Israel ƀôh klơi gơdr̂ih-gơdr̂ŏng Yêhôwa, hla ti phui ƀŏng ngŏ kŏ čĭ. 18Nŭn Môsê mŭt nao tăm kơthŭl gơnăm, jr̂ŏng nŭn đĭ nao ngŏ kŏ čĭ. Môsê dŏ pơ anŭn pă pluh r̂ơi pă pluh mlăm.#An Phŭn 7:4; 1Pơtao 19:8; Mat 4:2.

Currently Selected:

Biă 24: JKB

Highlight

Copy

Compare