Biă 21

1«Ne klơi pơtă pơkŏn-pơkŏn ih ti čr̂oh hr̂ŏm nă plơi lan:

Klơi pơtă pơhiăp mơ̆ng môt ngă hlŭn

(Lêwi 25:39-55; Juăt 15:12-18)

2«Jơ̆ laĭ gô-ih blơi đahkơi sô̆n-sat Hêbrơ ha r̂ăng ngă hlŭn gô-ih, nŭn ñu ti ngă buă năm thŭn, tơl thŭn ti juh, ñu kloh yơh, bĭ đom nŏ yĕt dŏng tah. 3Jơ̆ laĭ ñu r̂ai ha dr̂ơi ñu, nŭn br̂ơi ñu biă glaĭ ha dr̂ơi ñu mơ̆n, jơ̆ laĭ hmâo bơnai ñu r̂ai hr̂ŏm, nŭn br̂ơi bơnai ñu biă glaĭ hr̂ŏm ñu mơ̆n. 4Jơ̆ laĭ khua ñu mă br̂ơi ñu bơnai, jr̂ŏng nŭn bơnai ñu pơpôn r̂ai nă đahkơi lơ nă đahmơi, nŭn bơnai ñu dăp nă ñu ti dŏ glaĭ ngă hlŭn khua ñu, ha dr̂ơi đahkơi nŭn đơč ti biă glaĭ lơngai. 5Jơ̆ laĭ hlŭn đahkơi nŭn pơhiăp laĭ: “Kâo khăp khua kâo, dăp bơnai dăp nă kâo, kâo git biă đuĕ ôh,” 6nŭn khua ñu ti ba r̂ai ñu ti năp kâo Ơi Adai.#21:6 Kâo Ơi Adai lơ «Môt tr̂ĕ kơđi.» Ñu ti ba nao hlŭn nŭn pơ bah amăng lơ sŏng bơdŏng bah amăng sang, jr̂ŏng nŭn tô̆ lơjơi pŏng hla amăng ngai ñu, nĭng nŭn yơh, pô nŭn ti dŏ glaĭ ngă hlŭn khua ñu nao-nao hayoh.

7«Jơ̆ laĭ hmâo đahkơi ha r̂ăng, ñu ƀuo lôi nă đahmơi ñu, br̂ơi nao ngă hlŭn r̂ăng, khua ñu bĭ thâo pơđơi hlŭn đahmơi nŭn biă glaĭ ôh hla ti hlŭn đahkơi. 8Jơ̆ laĭ khua nŭn tô̆ đahmơi hlŭn pr̂ăp čr̂oh ti ngă bơnai ñu, jr̂ŏng nŭn ñu bĭ bŏ bŭt hr̂ŏm đahmơi nŭn dŏng tah, khua nŭn ti br̂ơi khŭl-khap đahmơi nŭn song glaĭ ñu, plai khua nŭn bĭ hmâo sĭt ƀuo lôi đahmơi nŭn pơ môt sô̆n-sat pơkŏn ôh, yua khua nŭn ngă bĭ kơpă hr̂ŏm đahmơi nŭn. 9Ha tô̆ dŏng, jơ̆ laĭ khua nŭn blơi hlŭn đahmơi pr̂ăp čr̂oh br̂ơi nă đahkơi ñu ngă bơnai, đahmơi nŭn ti hmâo sĭt hla ti nă đahmơi ñu pô mơ̆n. 10Jơ̆ laĭ khua nŭn dŏ thim bơnai ha r̂ăng dŏng, br̂ơi khua nŭn dŏ nŏng pha br̂ơi nŏ ƀŏng bơnai ñu hađăp, dăp khô ao, dăp buă bơjr̂ŏng nă, hla ti hađăp ahlâo mơ̆n. 11Jơ̆ laĭ ñu bĭ pha br̂ơi bơnai hađăp ñu klâo tô̆ nŭn ôh, bơnai hađăp nŭn ti biă đuĕ đơč-đač, bĭ yong duh len ôh.»

Klơi pơtă pơhiăp mơ̆ng klơi pơiă-pơdjong

12«Lơi pô teh pơdjai lôi mơnuih, pô nŭn a ti pơdjai lôi ñu mơ̆n.#An Phŭn 9:5-6; Biă 20:13. 13Jơ̆ laĭ pô nŭn bĭ khư̆t ti pơdjai lôi r̂ăng ôh, r̂ai mơ̆ng Ơi Adai br̂ơi mơnuih a teh nŭn djai yua mơ̆ng ngan pô nŭn đơč, nŭn kâo ti čr̂oh br̂ơi gô-ih hmâo ƀon, čiăng pô nŭn đuĕ nao dŏ pơ ƀon nŭn.#An Yap 35:10-34; Juăt 4:41-43; 19:1-13; Yôs 20:1-9. 14Plai dŏng, jơ̆ laĭ pô nŭn hăt pơdjai lôi gŏp ñu, ñu yua klơi plui, wŏt pô nŭn đuĕ tơkê pơ pr̂a ngă yang kâo ơ mơ̆n, br̂ơi gô-ih dŏ nŏng ba nao pơdjai lôi pô nŭn mơ̆n.#An Yap 35:16-21.

15«Lơi pô teh mĭ ma ñu, pô nŭn a ti pơdjai lôi ñu mơ̆n.

16«Lơi pô mă mơnuih ƀuo lôi, pô nŭn a ti pơdjai lôi ñu mơ̆n. Lơi pô mă mơnuih wŏt ñu ka ƀuo lôi ơ mơ̆n, pô nŭn a ti pơdjai lôi ñu mơ̆n.#An Phŭn 37:28; Juăt 24:7.

17«Lơi pô hiăp pơmat mĭ ma ñu, pô nŭn a ti pơdjai lôi ñu mơ̆n.#Lêwi 20:9; Mat 15:4; Mak 7:10.

18«Jơ̆ laĭ hmâo mơnuih dua r̂ăng pơdjơ̆ gŏp ñu, jr̂ŏng nŭn ha r̂ăng sŭk gŏp ñu, lơ mă bohtâo čŏm gŏp ñu,#21:18 Čŏm gŏp ñu lơ «Jiah gŏp ñu.» plai gŏp ñu bĭ djai ôh, ñu wă tơl bĭ thâo gŭ mơ̆ng gr̂e, 19dơdơi mơ̆ng anŭn, jơ̆ laĭ pô wă nŭn thâo gŭ đĭ djă gai jr̂a biă yô gah ia-wang, nŭn r̂ăng huai pơdjai lôi pô teh nŭn ôh, ha tô̆ ñu ti duh kha wă-nuă dăp kha khơk buă ngă, khă tơl gŏp ñu huai.

20«Jơ̆ laĭ lơi pô mă klŏ teh hlŭn đahkơi lơ hlŭn đahmơi ñu, jr̂ŏng nŭn hlŭn nŭn djai ha anŭn he boih,#21:20 Djai ha anŭn he boih Hêbrơ laĭ «Djai gah yô̆ ngan ñu.» nŭn a ti pơdjai ƀong khua nŭn yơh. 21Plai jơ̆ laĭ hlŭn nŭn dŏ dĭp ha r̂ơi lơ dua r̂ơi, khua nŭn bĭ đom kơđi ôh, yua hlŭn nŭn dr̂ăm ñu pô.

22«Jơ̆ laĭ hmâo mơnuih dua r̂ăng pơteh gŏp ñu, jr̂ŏng nŭn bing djơ̆ đahmơi dŏ năp, ngă br̂ơi đahmơi nŭn pơpôn nă hlâo blan, plai bĭ hmâo wă-nuă yĕt pơkŏn ôh, pô bing djơ̆ nŭn ti duh tui tam kơi ñu joh kha, dăp tui tam môt tr̂ĕ kơđi pơkă br̂ơi he mơ̆n. 23Plai jơ̆ laĭ đahmơi nŭn hmâo klơi wă-nuă pơkŏn dŏng, pô teh ti hmâo kơđi hla ne: Klơi dĭp duh glaĭ#21:23 Duh glaĭ lơ «Ƀong glaĭ.» Hêbrơ laĭ «Tang br̂ơi.» Jlan 24-25 pơhiăp ha luaĭ nŭn mơ̆n. Mơnuih pơanah khư̆t laĭ jlan ne pơhiăp dơdi, čiăng laĭ a ti pơdjai lôi mơnuih pơdjai lôi r̂ăng, lơ a ti bơbôm lôi săl ta mơnuih bơbôm lôi săl ta r̂ăng. Mơnuih pơanah dŏng khư̆t laĭ boh hiăp duh glaĭ čiăng laĭ mơnuih hmâo kơđi nŭn khŏm duh len tui tam kha klơi hơdĭp mơnuih, lơ tui tam kha nŏ yĕt ñu ngă bơr̂ăm lôi. klơi dĭp, 24săl ta duh glaĭ săl ta, gơi duh glaĭ gơi, ngan duh glaĭ ngan, le duh glaĭ le, 25pơđŭng duh glaĭ pơđŭng, lơka duh glaĭ lơka, br̂ŏp duh glaĭ br̂ŏp.#An Lêwi 24:17-20.

26«Jơ̆ laĭ khua teh bơbôm lôi săl ta hlŭn đahkơi lơ hlŭn đahmơi ñu, nŭn khua nŭn ti br̂ơi hlŭn nŭn biă đuĕ lơngai, yua mơ̆ng săl ta ñu bôm. 27Jơ̆ laĭ khua teh bơjoh lôi gơi hlŭn đahkơi lơ hlŭn đahmơi ñu, nŭn khua nŭn ti br̂ơi hlŭn nŭn biă đuĕ lơngai, yua mơ̆ng gơi ñu joh.»

Klơi pơtă pơhiăp mơ̆ng dr̂ăm-gơnăm

28«Jơ̆ laĭ hmâo mo ha dr̂ơi tŭl pơdjai lôi mơnuih đahkơi lơ đahmơi, br̂ơi a jiah pơdjai lôi mo nŭn mơ̆ng bohtâo,#An Phŭn 9:5. dăp bĭ br̂ơi ƀŏng djăm ñu ôh, gah pô mo dŏng, ñu bĭ đom kơđi ôh. 29Jơ̆ laĭ mo nŭn juăt tŭl r̂ăng mơ̆ng ahlâo boih, dăp hmâo r̂ăng r̂ă br̂ơi pô mo nŭn mơ̆n, plai pô mo nŭn bĭ wai mo ñu ôh, jr̂ŏng nŭn mo ñu nao tŭl pơdjai lôi mơnuih đahkơi lơ đahmơi, nŭn br̂ơi a jiah pơdjai lôi mo nŭn mơ̆ng bohtâo, dăp pơdjai lôi pô mo nŭn mơ̆n. 30Plai dŏng, jơ̆ laĭ r̂ăng br̂ơi pô mo song tô̆ klơi dĭp ñu pô, nŭn br̂ơi ñu duh tui tam kha r̂ăng joh. 31Jơ̆ laĭ mo tŭl nă đahkơi lơ nă đahmơi ơ mơ̆n, nŭn br̂ơi ngă tui klơi pơtă nŭn mơ̆n. 32Jơ̆ laĭ mo tŭl hlŭn đahkơi lơ hlŭn đahmơi, br̂ơi pô mo tĭt pr̂ăk klâo pluh sêkel, duh pơ khua pô djai nŭn, gah mo dŏng, br̂ơi a jiah pơdjai lôi mo nŭn mơ̆ng bohtâo.

33«Jơ̆ laĭ lơi pô pŏk klaih lôi kơnŏp luh, lơ klơi luh, jr̂ŏng nŭn bĭ klŏp lôi ôh, jơ̆ hmâo mo lơ lie lĕ tr̂ŭn tăm luh nŭn, 34pô luh ti duh len pơ pô čĭm tui tam kha čĭm, jr̂ŏng nŭn čĭm djai nŭn čr̂oh br̂ơi pô luh.

35«Jơ̆ laĭ mơnuih ha r̂ăng hmâo mo, nŭn mo ñu tŭl pơdjai lôi mo gŏp ñu ha r̂ăng dŏng, br̂ơi gơñu ƀuo lôi mo dŏ dĭp nŭn ček pha len gŏp gơñu, jr̂ŏng nŭn djăm mo djai nŭn ček pha gŏp gơñu mơ̆n. 36Plai dŏng, jơ̆ laĭ pô mo tŭl nŭn thâo kr̂ăn laĭ mo ñu juăt tŭl mơ̆ng ahlâo boih, jr̂ŏng nŭn ñu bĭ wai mo ñu ôh, br̂ơi ñu ƀong glaĭ mo djai nŭn, jr̂ŏng nŭn mo djai nŭn tô̆ ñu.»

Currently Selected:

Biă 21: JKB

Highlight

Copy

Compare