ZEFANIAH 3
3
Jerusalem Sualnak Le Tlennak
1Jerusalem cu a cem a si! Khi khawpi borhhlawh le raltho duh khawpi, mahih minung a hrem rerotu khawpi cu! 2Bawipa ih ṭong a ngai duh lo ih a nunsimnak tla a oih lo. A rinsannak cu Bawipa hnenah a re lo; Bawipa ih bomnak khal a dil lo. 3A bawi pawl cu a huuk reromi kiosa vek an si; a thureltu bawi pawl cu cinghnia rilrawng vek an si; an hrong tukah thaizing tiang an deh mi malte hman a re thei lo pawl an si. 4A profet pawl cu duhdah ih nung pawl an si. A puithiam pawl cun a zarh timi kha an buar ih Pathian daan kha anmah duhzawng in an her vivo. 5Sikhalsehla khawpi sungah Bawipa cu a um. A dikmi lawng a tuah; a ṭha lomi a tuah dah lo. Zingtin pelh loin a minung pawl hnenah dingnak a thlenter. Asinain mi ṭha lo pawl cun thil ṭha lo an tuah thotho ih an ning khal a zak lo.
6 Bawipa in, “Miphun tampi ka siatralter ṭheh zo. An khawpi pawl ka siatsuah ṭheh ih an phar le an ralvennak innsang pawl cu hnawmpen ah ka canter ṭheh zo. Khawpi pawl an ṭiosan, khawpi lamzin pawl an ṭhing reprep; zohman an taang nawn lo. 7Hi bangtuk hnuah cun ka minung pawl in in upat, in ṭihzah ding ih ka nunzirhnak tla an pom ding ih ka thuzirhmi pawl an hngilh nawn lo ding tiah ka ruat. Sikhalsehla a hlan keel in an nuncan cu a sia thotho.
8“Hngak hrih uh! Miphun pawl sual ka puh ni tiang hngak hrih uh. Miphun tampi le uknak tampi ka thinhengnak a nasatzia an theihnak dingah hmunkhat ih finkhawm hai dingah ka ruat cat zo. Ka thin aithoknak in leilung pumpi hi meisa bangin a kang ṭheh ding.
9“Cule miphun kip an hmurka ka thleng ding ih hmurka thiang thawn ka hnen lawngah thla an cam ding. An zatein ka thu an ngai ding. 10Ram hlatpi Ethiopia ram tiva ral hman in ṭhekdarh a si mi ka minung pawl in ka hnenah thil pek ding an rak keng ding. 11Cutikah nannih ka minung pawl, keimah in rak dodal ruangah ningzak in nan um nawn lo ding. Mi hngalhngawng le mi puarthau hmuahhmuah cu ka hloralter ṭheh hai ding ih nannih pawl in ka tlang thianghlim parah cun in dodal nawn lo ding. 12Cutawkah mi lungnem le mi tangdor pawl, Bawipa ih hmin a rinsantu pawl ka taan ding. 13Israel mi a taangsun pawl in zohnen hmanah thilsual an tuah nawn lo ding; thuphan an per nawn lo ding; an hmur le an lei in mibum khal an tum nawn lo ding. Daihnak le himnak thawn khua an sa ding ih zohman an ṭih nawn lo ding,” tiah a ti.
Lungawinak Hla
14Maw Israel mi pawl,
Lungawi in au uhla hla sa uh.
Maw Jerusalem fanu,
Na thinlung zate thawn lungawi
in um aw.
15 Bawipa in a lo hremnak cu
a bang zo;
Na ral pawl a hlonhlo ṭheh zo.
Bawipa, Israel ih siangpahrang cu
nan hnenah a um;
ṭihphan ding zianghman a um
nawn lo.
16Tikcu a ra thleng ding ih
Jerusalem hnenah:
“Maw Zion khawpi,
zianghman phang hlah;
Na kut tla na ṭih ruangah
zawng ṭheh hlah seh.
17 Bawipa na Pathian cu na
hnenah a um,
A cahnak huham in nehnak
a lo pek.
Bawipa cu na parah a lung
a hmui ding,
A duhdawtnak ruangah nunnak thar
a lo pe ding.
Hla a sa ding ih na parah a lung
a awi ding.
18Puai tuah caan ih lungawi mi
bangin,” an ti ding.
Bawipa in, “Na harsatnak caan
cu ka cemter zo;
Na ningzahnak cu ka hlonhlo zo.
19Tikcu a ra thleng ding ih,
A lo hremtu pawl ka hrem ding.
Ke-awl mi pawl ka run hai ding ih
Ralkaih thawngtla mi pawl ka
hruai kir ding.
An mualphonak cu upat an conak ah ka tuah ding.
Leitlun mi hmuahhmuah in
an lawm hai ding.
20Tikcu a ra thleng ding ih,
ṭhekdarh mi na minung pawl ka
hruaikir hai ding.
Leilung pumpi ih hminthang ah
ka lo tuah ding ih,
Mi neinungzet ah ka lo tuah
sal ding;
Cumi cu na mit in na hmu ding”
tiah a ti.
Bawipa in a ṭong zo a si.
Currently Selected:
ZEFANIAH 3: FCL
Highlight
Copy
Compare
Share
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.
ZEFANIAH 3
3
Jerusalem Sualnak Le Tlennak
1Jerusalem cu a cem a si! Khi khawpi borhhlawh le raltho duh khawpi, mahih minung a hrem rerotu khawpi cu! 2Bawipa ih ṭong a ngai duh lo ih a nunsimnak tla a oih lo. A rinsannak cu Bawipa hnenah a re lo; Bawipa ih bomnak khal a dil lo. 3A bawi pawl cu a huuk reromi kiosa vek an si; a thureltu bawi pawl cu cinghnia rilrawng vek an si; an hrong tukah thaizing tiang an deh mi malte hman a re thei lo pawl an si. 4A profet pawl cu duhdah ih nung pawl an si. A puithiam pawl cun a zarh timi kha an buar ih Pathian daan kha anmah duhzawng in an her vivo. 5Sikhalsehla khawpi sungah Bawipa cu a um. A dikmi lawng a tuah; a ṭha lomi a tuah dah lo. Zingtin pelh loin a minung pawl hnenah dingnak a thlenter. Asinain mi ṭha lo pawl cun thil ṭha lo an tuah thotho ih an ning khal a zak lo.
6 Bawipa in, “Miphun tampi ka siatralter ṭheh zo. An khawpi pawl ka siatsuah ṭheh ih an phar le an ralvennak innsang pawl cu hnawmpen ah ka canter ṭheh zo. Khawpi pawl an ṭiosan, khawpi lamzin pawl an ṭhing reprep; zohman an taang nawn lo. 7Hi bangtuk hnuah cun ka minung pawl in in upat, in ṭihzah ding ih ka nunzirhnak tla an pom ding ih ka thuzirhmi pawl an hngilh nawn lo ding tiah ka ruat. Sikhalsehla a hlan keel in an nuncan cu a sia thotho.
8“Hngak hrih uh! Miphun pawl sual ka puh ni tiang hngak hrih uh. Miphun tampi le uknak tampi ka thinhengnak a nasatzia an theihnak dingah hmunkhat ih finkhawm hai dingah ka ruat cat zo. Ka thin aithoknak in leilung pumpi hi meisa bangin a kang ṭheh ding.
9“Cule miphun kip an hmurka ka thleng ding ih hmurka thiang thawn ka hnen lawngah thla an cam ding. An zatein ka thu an ngai ding. 10Ram hlatpi Ethiopia ram tiva ral hman in ṭhekdarh a si mi ka minung pawl in ka hnenah thil pek ding an rak keng ding. 11Cutikah nannih ka minung pawl, keimah in rak dodal ruangah ningzak in nan um nawn lo ding. Mi hngalhngawng le mi puarthau hmuahhmuah cu ka hloralter ṭheh hai ding ih nannih pawl in ka tlang thianghlim parah cun in dodal nawn lo ding. 12Cutawkah mi lungnem le mi tangdor pawl, Bawipa ih hmin a rinsantu pawl ka taan ding. 13Israel mi a taangsun pawl in zohnen hmanah thilsual an tuah nawn lo ding; thuphan an per nawn lo ding; an hmur le an lei in mibum khal an tum nawn lo ding. Daihnak le himnak thawn khua an sa ding ih zohman an ṭih nawn lo ding,” tiah a ti.
Lungawinak Hla
14Maw Israel mi pawl,
Lungawi in au uhla hla sa uh.
Maw Jerusalem fanu,
Na thinlung zate thawn lungawi
in um aw.
15 Bawipa in a lo hremnak cu
a bang zo;
Na ral pawl a hlonhlo ṭheh zo.
Bawipa, Israel ih siangpahrang cu
nan hnenah a um;
ṭihphan ding zianghman a um
nawn lo.
16Tikcu a ra thleng ding ih
Jerusalem hnenah:
“Maw Zion khawpi,
zianghman phang hlah;
Na kut tla na ṭih ruangah
zawng ṭheh hlah seh.
17 Bawipa na Pathian cu na
hnenah a um,
A cahnak huham in nehnak
a lo pek.
Bawipa cu na parah a lung
a hmui ding,
A duhdawtnak ruangah nunnak thar
a lo pe ding.
Hla a sa ding ih na parah a lung
a awi ding.
18Puai tuah caan ih lungawi mi
bangin,” an ti ding.
Bawipa in, “Na harsatnak caan
cu ka cemter zo;
Na ningzahnak cu ka hlonhlo zo.
19Tikcu a ra thleng ding ih,
A lo hremtu pawl ka hrem ding.
Ke-awl mi pawl ka run hai ding ih
Ralkaih thawngtla mi pawl ka
hruai kir ding.
An mualphonak cu upat an conak ah ka tuah ding.
Leitlun mi hmuahhmuah in
an lawm hai ding.
20Tikcu a ra thleng ding ih,
ṭhekdarh mi na minung pawl ka
hruaikir hai ding.
Leilung pumpi ih hminthang ah
ka lo tuah ding ih,
Mi neinungzet ah ka lo tuah
sal ding;
Cumi cu na mit in na hmu ding”
tiah a ti.
Bawipa in a ṭong zo a si.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.