2 SIANGPAHRANG 19
19
Hezekiah In Isaiah A Sut
(Isai 37.1-7)
1Siangpahrang Hezekiah in cuih thu a theih vete in a riahsia in a hnipuan a thlek ih buri hnipuan a hruk ih Bawipa ih Biakinn ah a feh. 2Siangpahrang inn kiltu bawi Eliakim, Siangpahrang zungih sungṭuan Shebna le puithiam hotu deuhdeuh pawl cu Amoz ih fapa profet Isaiah hnenah siangpahrang in a thlah hai. A thlahmi pawl tla buri hnipuan an hruk ve. 3Siangpahrang in Isaiah hnenah cun, “Tuihsun cu lungphang le thinpit ih kan um sun a si; kawk kan tuar ni a si ih ningzak mualpho ih kan um ni khal a si. Thazaang a neih lo ruangih nau a hring thei nawn lomi nunau kan bang. 4Assiria siangpahrang in a kuthnuai bawi lakih upabik a run thlah ih a nungmi Pathian cu a hmuhsuam ciamco. Bawipa na Pathian in hi hmuhsuamnak ṭongkam hi thei in cutiih a ṭongtu cu run hrem hram seh. A nung hrihmi kan minung pawl hrangah Pathian hnenah thla in cam sak hram aw,” tiah a cah.
5Isaiah in siangpahrang ih thucahmi a theih tikah, 6hiti in thu a khirh: “Bawipa in, ‘Assiria siangpahrang kuthnuai bawi pawl in an lo hro ih keimah in hmuhsuamnak ṭong ruangah zianghman thinphannak nei hlah. 7Assiria siangpahrang sungah thinlung ka ret ding; cutikah thuvaivuan a thei ding ih a ramah a kir ding; cutawkah amah ih ram sungih ralnam in ka thihter ding,’ a ti,” tiah a ti.
Assiria Ih Hronak
(Isai 37.8-20)
8Cuih Assiria bawi in an siangpahrang cu Lakhish a suahsan ih a kiangih ummi Libnah khawpi a do, ti a theih tikah, a kir ih cutawk ahcun amah tong dingin a feh. 9Cun Assiria siangpahrang in, anmah Assiria ralkap pawl do dingah Izipt ralkap pawl cu Ethiopia Siangpahrang Tirhakah ho in an ra, tiah thu a thei. Cutikah Assiria Siangpahrang in Judah siangpahrang Hezekiah hnenah palai a thlah sal ih, 10“Na rinsanmi na Pathian cun ka kut sungih tla lo dingin thu a lo sim, asinain cumi cun lo hnangamter pang hlah seh. 11Assiria Siangpahrang in ‘Ka siatsuah ding,’ tiih ka ti hnuhnu cu an ram ziangti in a um ṭheu ti cu na theih cia a si ko. Ka luat thei ding, tiah na ruat maw si? 12Ka pupa pawl in Gozan, Haran le Rezef khawpi pawl an siatsuah thluh zo ih Telassar ih ummi Betheden mi pawl an that ṭheh; an khawzing zotal in an hum thei ti na thei dah maw? 13Atu-ah Hamath, Arpad, Sefarvaim, Hena le Ivvah khawpi ih siangpahrang pawl cu khuiah so an um?” tiah a ti.
14Siangpahrang Hezekiah in Assiria siangpahrang ih cakuat mi cu a palai pawl ih kut in a lak ih a siar. Cule Bawipa ih Biakinn ah a feh ih Bawipa ih mithmuh ah cuih ca cu a ret ih, 15thla a cam: “Maw Bawipa, Israel ih Pathian, cherub #19.15 Cherub: timi cu thlanei ramsa lem a si ih pakhat hnak tam an sile cherubim an ti. Thukham Kuang tlunah pahnih an ret ih an thla pahnih karlakah Pathian umnak a si, tiah an zum. ih thla tlun sunloihnak bawi tohkham ih a totu, Nangmah lawng Pathian na si ih leilung tlunih peng le ram hmuahhmuah tla a uktu na si. Lei le van hi nangmah ih tuahmi an si. 16Maw Bawipa, atu kan parih a thlengmi thil hi in run hmuhsak hram aw. Assiria siangpahrang Sennakherib in a nungmi Pathian nangmah a lo nautatnak ṭongkam hmuahhmuah cu run thei aw. 17Maw Bawipa, Assiria siangpahrang pawl in miphun tampi an siatsuah ih an ram pawl an ṭhingter; 18pathian a si lomi an khawzing pawl - khawzing hman si lo, milai kut ih thing le lung tuahcopmi - milem pawl cu an ur ṭheh. 19Curuangah Bawipa kan Pathian, leilung pumpi in Bawipa, nangmah pakhat lawnglawng Pathian taktak na si kha an lo theih theinak dingah Assiria mi pawl ih kut sungin in runsuak hram aw,” a ti.
Isaiah In Siangpahrang Thu A Cah
(Isai 37.21-38)
20Cule Isaiah in Siangpahrang Hezekiah hnenah thu a cah ih, “Bawipa in na thlacamnak a thei zo. 21Assiria Siangpahrang Sennakherib dodal in Bawipa ih ṭongkam cu hiti in a si:
‘Zion ih fala#19.21 Zion ih fala: timi hi Jerusalem khawpi tican a si. in a lo nautat,
Zion fala him in a lo hmuhsuam;
Jerusalem fanu in a lu a thing,
Dungsiip ih na tlanhlo tikah cun.
22Na camriam, na hmuhsuam reromi,
Zo a si tiah so na ruat?
Na auh reromi hi zoso a si?
Israel ih Pathian thianghlim,
Keimah i hmuhsuam sokhaw na si.
23Ka hnenih tluangkhawng dingin,
na palai na thlah;
Ka rangleng pawl thawn tlang sang
bik ka neh,
Lebanon tlangzim tla ka thleng,
Sidar thing saangbik ka hau thei,
Mirang farthing ṭha bik tla,
Tupi sungih a deng bik hmun
ka thleng,
Ram netnak phuul tiang, na ti.
24Hrindangmi ramah tikhur ka lai,
Cutawkih tidai ka in,
Ka ralkap pawl in Nail Tiva pawl
an ke rori in an pal,
Car ṭheh in an pal, tiah na
porh aw.
25‘Hitiih na tuahmi hmuahhmuah hi
Hlanlaipi in Keimah ih tumcia mi
a si, tihi na thei dah lo maw?
Atu lawngah ka tuahsuak a si!
Ralhruang kulh mi khawpi pawl cu
Siatbal thluh theinak ah huham
ka lo pek;
26Khawsungih ummi minung pawl cu,
Thilti theinak an nei riai lo.
Ṭihnak le thlaphannak in an khat.
Lo sungih a kho mi belh le
Inn parih a khomi hrampi vek
an si,
Thlisia a hran ih a nuai tikah
an vuai ṭheh.
27‘Na thuhla cu a zatein
ka thei ṭheh zo,
Na tuahmi le na fehnak pawl thawn;
Ka parih na thinhenzia pawl thawn
Kimtein ka thei ṭheh.
28Ka hnenih na thinhennak le
Ka parih na hngalnak pawl cu,
Ka hna an thleng ṭheh.
Curuangah na hnar ah sio ka thlaih
ding ih,
Na kaa ah kakharh ka kharh ding,
Cuticun na ratnak lamzin in,
Ka lo hruaikir sal ding,’” a ti.
29Cule Isaiah in Siangpahrang Hezekiah hnenah, “A cang dingmi thil hminsinnakah hiti in a si ding: Tuihkum le hmaikum cu hramlakih a khomi fang nan ei ding. Asinain kum thumnak kum ahcun nanmah in rawlci nan tuh pei ih nanmah in rawl nan lak ding; sabit tla nan ciing pei ih sabit rah nan ei ding. 30Judah ramah a nung ih a taangsunmi pawl cu a thukpi ah hrihhram a dawt ih rah a rahmi thingkung vek an si ding. 31Jerusalem le Zion Tlang tla ah a taangmi an um ding; ziangahtile Bawipa in a kimter tengteng ding a si.
32“Assiria siangpahrang thu ahcun Bawipa in hiti in a ti:
‘Hi khawpi sungah a lut lo ding,
Thal pakhat khal a sai lo ding.
Ralphaw thawn a ralkap pawl cu,
khawpi hmai an ra thleng lo ding.
Phardawl lengih raldonak leidawl,
khahsilh mi tla an dawl lo ding,
33A ratnak lamzin in a kirsal pei,
Hi khawpi sungah cun a lut lo pei.
Bawipa Keimah in ka phuang zo
a si.
34Hi khawpi cu ka ṭan pei ih
ka hum pei,
Ka hmin thannak hrangah le
Ka salpa David hnenih ka thukam
mi ruangah.’” tiah a ti.
35Cuih zan cu Bawipa ih vancungmi pakhat Assiria ralkap pawl ih riahhmun ah a feh ih ralkap thawng zakhat thawng sawmriat le thawngnga a thah. A thaizing zingpit ahcun an zatein an thi ṭheh. 36Cule Assiria Siangpahrang Sennakherib cu dungah a siip ih Nineveh ah a kir. 37Voikhat ah a khawzing Nisrok biakinn ih a khawzing a biak laiah a fapa pahnih Adrammelek le Sharezer in an ralnam in an sun that ih cuih hnuah Ararat ramah an tlan. A ai ah a fapa Esarhaddon in siangpahrang a run ṭuan.
Currently Selected:
2 SIANGPAHRANG 19: FCL
Highlight
Copy
Compare
Share
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.
2 SIANGPAHRANG 19
19
Hezekiah In Isaiah A Sut
(Isai 37.1-7)
1Siangpahrang Hezekiah in cuih thu a theih vete in a riahsia in a hnipuan a thlek ih buri hnipuan a hruk ih Bawipa ih Biakinn ah a feh. 2Siangpahrang inn kiltu bawi Eliakim, Siangpahrang zungih sungṭuan Shebna le puithiam hotu deuhdeuh pawl cu Amoz ih fapa profet Isaiah hnenah siangpahrang in a thlah hai. A thlahmi pawl tla buri hnipuan an hruk ve. 3Siangpahrang in Isaiah hnenah cun, “Tuihsun cu lungphang le thinpit ih kan um sun a si; kawk kan tuar ni a si ih ningzak mualpho ih kan um ni khal a si. Thazaang a neih lo ruangih nau a hring thei nawn lomi nunau kan bang. 4Assiria siangpahrang in a kuthnuai bawi lakih upabik a run thlah ih a nungmi Pathian cu a hmuhsuam ciamco. Bawipa na Pathian in hi hmuhsuamnak ṭongkam hi thei in cutiih a ṭongtu cu run hrem hram seh. A nung hrihmi kan minung pawl hrangah Pathian hnenah thla in cam sak hram aw,” tiah a cah.
5Isaiah in siangpahrang ih thucahmi a theih tikah, 6hiti in thu a khirh: “Bawipa in, ‘Assiria siangpahrang kuthnuai bawi pawl in an lo hro ih keimah in hmuhsuamnak ṭong ruangah zianghman thinphannak nei hlah. 7Assiria siangpahrang sungah thinlung ka ret ding; cutikah thuvaivuan a thei ding ih a ramah a kir ding; cutawkah amah ih ram sungih ralnam in ka thihter ding,’ a ti,” tiah a ti.
Assiria Ih Hronak
(Isai 37.8-20)
8Cuih Assiria bawi in an siangpahrang cu Lakhish a suahsan ih a kiangih ummi Libnah khawpi a do, ti a theih tikah, a kir ih cutawk ahcun amah tong dingin a feh. 9Cun Assiria siangpahrang in, anmah Assiria ralkap pawl do dingah Izipt ralkap pawl cu Ethiopia Siangpahrang Tirhakah ho in an ra, tiah thu a thei. Cutikah Assiria Siangpahrang in Judah siangpahrang Hezekiah hnenah palai a thlah sal ih, 10“Na rinsanmi na Pathian cun ka kut sungih tla lo dingin thu a lo sim, asinain cumi cun lo hnangamter pang hlah seh. 11Assiria Siangpahrang in ‘Ka siatsuah ding,’ tiih ka ti hnuhnu cu an ram ziangti in a um ṭheu ti cu na theih cia a si ko. Ka luat thei ding, tiah na ruat maw si? 12Ka pupa pawl in Gozan, Haran le Rezef khawpi pawl an siatsuah thluh zo ih Telassar ih ummi Betheden mi pawl an that ṭheh; an khawzing zotal in an hum thei ti na thei dah maw? 13Atu-ah Hamath, Arpad, Sefarvaim, Hena le Ivvah khawpi ih siangpahrang pawl cu khuiah so an um?” tiah a ti.
14Siangpahrang Hezekiah in Assiria siangpahrang ih cakuat mi cu a palai pawl ih kut in a lak ih a siar. Cule Bawipa ih Biakinn ah a feh ih Bawipa ih mithmuh ah cuih ca cu a ret ih, 15thla a cam: “Maw Bawipa, Israel ih Pathian, cherub #19.15 Cherub: timi cu thlanei ramsa lem a si ih pakhat hnak tam an sile cherubim an ti. Thukham Kuang tlunah pahnih an ret ih an thla pahnih karlakah Pathian umnak a si, tiah an zum. ih thla tlun sunloihnak bawi tohkham ih a totu, Nangmah lawng Pathian na si ih leilung tlunih peng le ram hmuahhmuah tla a uktu na si. Lei le van hi nangmah ih tuahmi an si. 16Maw Bawipa, atu kan parih a thlengmi thil hi in run hmuhsak hram aw. Assiria siangpahrang Sennakherib in a nungmi Pathian nangmah a lo nautatnak ṭongkam hmuahhmuah cu run thei aw. 17Maw Bawipa, Assiria siangpahrang pawl in miphun tampi an siatsuah ih an ram pawl an ṭhingter; 18pathian a si lomi an khawzing pawl - khawzing hman si lo, milai kut ih thing le lung tuahcopmi - milem pawl cu an ur ṭheh. 19Curuangah Bawipa kan Pathian, leilung pumpi in Bawipa, nangmah pakhat lawnglawng Pathian taktak na si kha an lo theih theinak dingah Assiria mi pawl ih kut sungin in runsuak hram aw,” a ti.
Isaiah In Siangpahrang Thu A Cah
(Isai 37.21-38)
20Cule Isaiah in Siangpahrang Hezekiah hnenah thu a cah ih, “Bawipa in na thlacamnak a thei zo. 21Assiria Siangpahrang Sennakherib dodal in Bawipa ih ṭongkam cu hiti in a si:
‘Zion ih fala#19.21 Zion ih fala: timi hi Jerusalem khawpi tican a si. in a lo nautat,
Zion fala him in a lo hmuhsuam;
Jerusalem fanu in a lu a thing,
Dungsiip ih na tlanhlo tikah cun.
22Na camriam, na hmuhsuam reromi,
Zo a si tiah so na ruat?
Na auh reromi hi zoso a si?
Israel ih Pathian thianghlim,
Keimah i hmuhsuam sokhaw na si.
23Ka hnenih tluangkhawng dingin,
na palai na thlah;
Ka rangleng pawl thawn tlang sang
bik ka neh,
Lebanon tlangzim tla ka thleng,
Sidar thing saangbik ka hau thei,
Mirang farthing ṭha bik tla,
Tupi sungih a deng bik hmun
ka thleng,
Ram netnak phuul tiang, na ti.
24Hrindangmi ramah tikhur ka lai,
Cutawkih tidai ka in,
Ka ralkap pawl in Nail Tiva pawl
an ke rori in an pal,
Car ṭheh in an pal, tiah na
porh aw.
25‘Hitiih na tuahmi hmuahhmuah hi
Hlanlaipi in Keimah ih tumcia mi
a si, tihi na thei dah lo maw?
Atu lawngah ka tuahsuak a si!
Ralhruang kulh mi khawpi pawl cu
Siatbal thluh theinak ah huham
ka lo pek;
26Khawsungih ummi minung pawl cu,
Thilti theinak an nei riai lo.
Ṭihnak le thlaphannak in an khat.
Lo sungih a kho mi belh le
Inn parih a khomi hrampi vek
an si,
Thlisia a hran ih a nuai tikah
an vuai ṭheh.
27‘Na thuhla cu a zatein
ka thei ṭheh zo,
Na tuahmi le na fehnak pawl thawn;
Ka parih na thinhenzia pawl thawn
Kimtein ka thei ṭheh.
28Ka hnenih na thinhennak le
Ka parih na hngalnak pawl cu,
Ka hna an thleng ṭheh.
Curuangah na hnar ah sio ka thlaih
ding ih,
Na kaa ah kakharh ka kharh ding,
Cuticun na ratnak lamzin in,
Ka lo hruaikir sal ding,’” a ti.
29Cule Isaiah in Siangpahrang Hezekiah hnenah, “A cang dingmi thil hminsinnakah hiti in a si ding: Tuihkum le hmaikum cu hramlakih a khomi fang nan ei ding. Asinain kum thumnak kum ahcun nanmah in rawlci nan tuh pei ih nanmah in rawl nan lak ding; sabit tla nan ciing pei ih sabit rah nan ei ding. 30Judah ramah a nung ih a taangsunmi pawl cu a thukpi ah hrihhram a dawt ih rah a rahmi thingkung vek an si ding. 31Jerusalem le Zion Tlang tla ah a taangmi an um ding; ziangahtile Bawipa in a kimter tengteng ding a si.
32“Assiria siangpahrang thu ahcun Bawipa in hiti in a ti:
‘Hi khawpi sungah a lut lo ding,
Thal pakhat khal a sai lo ding.
Ralphaw thawn a ralkap pawl cu,
khawpi hmai an ra thleng lo ding.
Phardawl lengih raldonak leidawl,
khahsilh mi tla an dawl lo ding,
33A ratnak lamzin in a kirsal pei,
Hi khawpi sungah cun a lut lo pei.
Bawipa Keimah in ka phuang zo
a si.
34Hi khawpi cu ka ṭan pei ih
ka hum pei,
Ka hmin thannak hrangah le
Ka salpa David hnenih ka thukam
mi ruangah.’” tiah a ti.
35Cuih zan cu Bawipa ih vancungmi pakhat Assiria ralkap pawl ih riahhmun ah a feh ih ralkap thawng zakhat thawng sawmriat le thawngnga a thah. A thaizing zingpit ahcun an zatein an thi ṭheh. 36Cule Assiria Siangpahrang Sennakherib cu dungah a siip ih Nineveh ah a kir. 37Voikhat ah a khawzing Nisrok biakinn ih a khawzing a biak laiah a fapa pahnih Adrammelek le Sharezer in an ralnam in an sun that ih cuih hnuah Ararat ramah an tlan. A ai ah a fapa Esarhaddon in siangpahrang a run ṭuan.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.