Filipianji 3
3
Cãsãbuniljea a Noastrã Tsereascã
1Tu bitisitã, frats sh-surãri, hãrsits-vã tu Domnul! Nu nj-easti greu s-vã scriu idyili lucri, ma trã voi easti sigurantsã. 2Vigljeats-vã di cãnjilji, vigljeats-vã di lucrutorlji atselji arãlji, vigljeats-vã di atselji tsi s-talj tu trup! 3Cã noi him anvãrliga-tãljeatslji dealihea, cai lji huzmitipsim a Dumnidzãlui tu Duh sh-nã pirifãnsim tu Hristolu Isus, ni pistipsit tu trup, 4cu tutã cã mini am cãtse s-pistipsescu sh-tu trup. Macã vãrã mindueashti cã ari sibepi cãtse s-pistipseascã tu trup, mini prindi s-pistipsescu ma multu. 5Mini mi anvãrliga-tãljeai a opta dzuã, escu di fara al Israel, soia al Beniamin, Uvreu di Uvreilji, dupã legea un Fariseu, 6dupã zelul, priaĝunãtor a bisearicãljei, dupã ndriptatea a legiljei, faptã fãrã cãbati. 7Ma itsido tsi mini u lugurseam ca amintatic, tora u lugursescu ca chireari trã itia a Hristolui. 8Meti, mini li lugursescu tuti chireari nãintea a anãltsimiljei a cunushteariljei al Hristolu Isus, Domnul a meu. Trã itia a lui mini li chirui tuti aesti sh-li vedu ca cuprii, tra s-lu amintu Hristolu, 9shi s-hiu tu nãsu, shi s-nu mi fac ndreptu prit legea, ma prit pistea tu Hristolu, va s-dzãc s-mi fac ndreptu di la Dumnidzãlu prit pistea. 10Mini voi s-cunoscu Hristolu sh-fuchia a nyeariljei a lui, s-mi fac pãrtashi tu munduirili a lui, shi s-mi mpriunedz cu nãsu tu moartea a lui, 11cu nãdia s-agiungu la nyearea dit mortsã.
12Nu cã mini tora am agiumtã scupolu, icã escu perfectu, ma, ma alagã dupã nãsu tra s-lu acatsã, cã sh-mini mi acãtsai di Hristolu Isus. 13Frats sh-surãri, mini nu minduescu trã mini cã lu am agiumtã. Ma shtiu s-dzãc cã am agãrshat atseali tsi am alãsat dinãpoi sh-ma alag cãtrã atseali tsi am nãinti, 14cãtrã nãetea trã amintari arãsplata a acljimariljei tsereascã a Dumnidzãlui prit Hristolu Isus. 15Trã atsea, tuts tsi him criscuts, s-avem idyia mundueari. Sh-macã voi avets altã mundueari trã tsiva, Dumnidzãlu va vã u lunjineadzã aestã. 16Iutsido tsi avem agiumtã, s-imnãm deadun tu idyia cali. 17Frats sh-surãri, fãtsets-vã imitatori deadun cu mini, sh-mutrits atselji cai imnã ashãtsi dupã cum imnãm noi. 18Cum vã am dzãsã di multi ori ma nãinti, sh-ma vã dzãc sh-tora cu lãcri, cã suntu multsã atselji cai bãneadzã ca dushmanji a crutsiljei a Hristolui. 19Bitisirea a lor easti aspãrdzearea, dumnidzãlu a lor easti pãnticlu, sh-mãrirea a lor easti arushinea. Mintea a lor easti dupã lucrili a loclui. 20Ma cãsãbuniljea a noastrã easti tu tser. Sh-noi cu niarãvdari ma ashtiptãm dit aclo Ascãpãtorlu, Domnul Isus Hristos. 21Elu va lu alãxeascã truplu a nostru a tãpinusiriljei shi va lu undzeascã cu truplu a lui mãrit cu fuchia a puteariljei tsi va-sumbagã itsido sum domniljea a lui.
Currently Selected:
Filipianji 3: BLRR
Highlight
Copy
Compare
Share
Want to have your highlights saved across all your devices? Sign up or sign in
Filipianji 3
3
Cãsãbuniljea a Noastrã Tsereascã
1Tu bitisitã, frats sh-surãri, hãrsits-vã tu Domnul! Nu nj-easti greu s-vã scriu idyili lucri, ma trã voi easti sigurantsã. 2Vigljeats-vã di cãnjilji, vigljeats-vã di lucrutorlji atselji arãlji, vigljeats-vã di atselji tsi s-talj tu trup! 3Cã noi him anvãrliga-tãljeatslji dealihea, cai lji huzmitipsim a Dumnidzãlui tu Duh sh-nã pirifãnsim tu Hristolu Isus, ni pistipsit tu trup, 4cu tutã cã mini am cãtse s-pistipsescu sh-tu trup. Macã vãrã mindueashti cã ari sibepi cãtse s-pistipseascã tu trup, mini prindi s-pistipsescu ma multu. 5Mini mi anvãrliga-tãljeai a opta dzuã, escu di fara al Israel, soia al Beniamin, Uvreu di Uvreilji, dupã legea un Fariseu, 6dupã zelul, priaĝunãtor a bisearicãljei, dupã ndriptatea a legiljei, faptã fãrã cãbati. 7Ma itsido tsi mini u lugurseam ca amintatic, tora u lugursescu ca chireari trã itia a Hristolui. 8Meti, mini li lugursescu tuti chireari nãintea a anãltsimiljei a cunushteariljei al Hristolu Isus, Domnul a meu. Trã itia a lui mini li chirui tuti aesti sh-li vedu ca cuprii, tra s-lu amintu Hristolu, 9shi s-hiu tu nãsu, shi s-nu mi fac ndreptu prit legea, ma prit pistea tu Hristolu, va s-dzãc s-mi fac ndreptu di la Dumnidzãlu prit pistea. 10Mini voi s-cunoscu Hristolu sh-fuchia a nyeariljei a lui, s-mi fac pãrtashi tu munduirili a lui, shi s-mi mpriunedz cu nãsu tu moartea a lui, 11cu nãdia s-agiungu la nyearea dit mortsã.
12Nu cã mini tora am agiumtã scupolu, icã escu perfectu, ma, ma alagã dupã nãsu tra s-lu acatsã, cã sh-mini mi acãtsai di Hristolu Isus. 13Frats sh-surãri, mini nu minduescu trã mini cã lu am agiumtã. Ma shtiu s-dzãc cã am agãrshat atseali tsi am alãsat dinãpoi sh-ma alag cãtrã atseali tsi am nãinti, 14cãtrã nãetea trã amintari arãsplata a acljimariljei tsereascã a Dumnidzãlui prit Hristolu Isus. 15Trã atsea, tuts tsi him criscuts, s-avem idyia mundueari. Sh-macã voi avets altã mundueari trã tsiva, Dumnidzãlu va vã u lunjineadzã aestã. 16Iutsido tsi avem agiumtã, s-imnãm deadun tu idyia cali. 17Frats sh-surãri, fãtsets-vã imitatori deadun cu mini, sh-mutrits atselji cai imnã ashãtsi dupã cum imnãm noi. 18Cum vã am dzãsã di multi ori ma nãinti, sh-ma vã dzãc sh-tora cu lãcri, cã suntu multsã atselji cai bãneadzã ca dushmanji a crutsiljei a Hristolui. 19Bitisirea a lor easti aspãrdzearea, dumnidzãlu a lor easti pãnticlu, sh-mãrirea a lor easti arushinea. Mintea a lor easti dupã lucrili a loclui. 20Ma cãsãbuniljea a noastrã easti tu tser. Sh-noi cu niarãvdari ma ashtiptãm dit aclo Ascãpãtorlu, Domnul Isus Hristos. 21Elu va lu alãxeascã truplu a nostru a tãpinusiriljei shi va lu undzeascã cu truplu a lui mãrit cu fuchia a puteariljei tsi va-sumbagã itsido sum domniljea a lui.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in