Efesienji 5
5
1Urmats urnechea al Dumnidzãu, ca cilimenji multu-vruts, 2sh-imnats tu vreari, ashãtsi cum Hristolu nã vru noi sh-u deadi bana a lui trã noi ca unã doarã njurizmat sh-curbãnsit trã Dumnidzãlu. 3Ma namisa di voi nu prindi si s-acatsã ngurã putãnsirea, nicurãtsia, icã zilia cã hits oaminji sãmtsã al Dumnidzãu. 4Nu prindi s-dzãtsets zboari lãvoasi, glãreshti, nitsi aĝnoasi tsi nu vã tinjiseascã, ma ghini dzãtsets hãristisiri trã Dumnidzãlu. 5Sã shtits ghini aestã: nitsi-un curvar, nitsi-un nicurat sh-nitsi-un zilipsearic, cai easti idulatru, nu ari mushtiniri tu amirãriljea a Hristolui sh-a Dumnidzãlui.
6Vãrã s-nu vã arãdã cu zboari goali, cã di aesti lucri yini nãrirea a Dumnidzãlui pristi hiljilji a nicãndãrsiriljei. 7Trã atsea s-nu hits pãrtashi cu atselji. 8Vãrã oara earat scutidi, ma tora hits lunjinã tu Domnul. Bãnats ca hilji a lunjinãljei, 9cã frutlu a lunjinãljei easti tu itsi ghineatsã, ndriptati sh-alihea. 10Cilistisits-vã s-aduchits atsea tsi lj-arseashti a Domnului. 11Nu loats parti tu faptili nifructoasi a scutidlui, ma di contra s-li vãrghits discljisã. 12Lucrili tsi elji li fac pri ascumtu suntu di arushini shi s-li acatsã n'gurã. 13Iarã tuti faptili cãndu easã tu lunjinã, s-facã vidzuti itsido tsi s-fãniruseashti easti lunjinã. 14Trã atsea Scritura dzãtsi:
“Dishteaptã-ti tini tsi dornji,
shi scoalã-ti dit mortsã
sh-Hristolu va ti lunjineadzã.”
15Trã atsea, bãgats mintea cum bãnats, nu ca zurlji, ma ca mintimenji. 16Arãscumpãrats chirolu, cã dzãlili suntu arali. 17Trã aesta, nu vã fãtsetsi zurlji, ma aduchits cã cai easti vrearea a Domnului. 18Nu vã mbitats cu yin, tsi vã dutsi tu disfãrnari, ma umplets-vã cu Duh, 19zburãnda cu un-alantu cu psalnji, imnuri, sh-cãntitsi duhuroasi, cãntãnda sh-alãvdãnda Domnul tu ininjili a voastri, 20hãristisinda totãna Dumnidzãlu Tatãl tu itsido, tu numa a Domnului a nostru Isus Hristos. 21Sumbãgats-vã a unui-alantu di frica a Hristolu.
Mãrtarea sh-Fumeljia Crishtinã
22Muljeri, sumbãgats-vã a bãrbatslor a voshtri, ashãtsi di cum a Domnului. 23Cã bãrbatlu easti caplu a muljeariljei, ashãtsi di cum Hristolu easti caplu a bisearicãljei sh-elu idyiul easti Ascãpãtorlu a truplui. 24Ashãtsi di cum bisearica easti sumbãgatã a Hristolui, tutashã sh-muljerili s-hibã sumbãgati a bãrbatslor a lor tu itsido.
25Bãrbats, s-vrets muljerili a voastri, di cum Hristolu vru bisearica sh-u deadi bana a lui trã nãsã, 26tra s-u sãmtseascã shi s-u curã prit aspilarea a apãljei prit zbor, 27shi s-u pãrãstãseascã nãintea a lui bisearica multã-mãritã, fãrã damcã, fãrã sufrã icã fãrã tsiva altã, ma sãmtã sh-fãrã cusuri. 28Ashãtsi sh-bãrbatslji prindi s-vor muljerili a lor, di cum vor trupurili a lor. Cai va muljearea a lui, va sinea a lui. 29Vãrã nu ari aurãtã vãrã-oarã truplu a lui, ma lu hrãneashti shi s-cãshtigheadzi trã nãsu, ashã di cum s-cãshtigheadzi Hristolu di bisearica, 30cã noi him mãdulari a truplui a lui. 31“Trã aestã bãrbatlu va alasã tatãl sh-muma a lui sh-va si-mpriuneadzã cu muljearea a lui, sh-doilji va hibã un trup singur.”#Ahr 2:24. 32Mistiryiul aestu easti mari, ma aestã ma u dzãcã trã Hristolu sh-trã bisearica. 33Cu tut atsea, cathiunu di voi prindi s-va muljearea a lui ashã di cum s-va elu, tutashã sh-muljearea s-tinjiseascã bãrbatlu a ljei.
Currently Selected:
Efesienji 5: BLRR
Highlight
Copy
Compare
Share
Want to have your highlights saved across all your devices? Sign up or sign in
