إنجيل يوحنا 18

القبض على يسوع

1بعد ما خلص يسوع من صلاته هادي، طلع مع تلاميذه ومشوا في وادي قدرون. وكان في هناكا بستان، دخلة هو وتلاميذه. 2وكان يهوذا اللي خانو يعرف داك المكان لأنو يسوع كان يجتمع فيه كتير مع تلاميذه. 3راح يهوذا لهناك وآخد معاه فرقة من الجنود وحرس الهيكل، اللي أرسلهم رؤسا الكهان والفريسين، وهم يحملوا المشاعل والسراجات والسلاح. 4وكان يسوع يعرف كل اللي حيصير لو، وقرب منهم وقال: «مين تبغوا؟» 5ردوا عليه: «يسوع الناصري». فا قاللهم: «أنا هويسوع». وكان يهوذا اللي خانو واقف معاهم. 6ولما قللهم: «أنا هو يسوع»، رجعوا وقعوا عالأرض! 7رجع يسوع وسألهم: «من اللي تبغوه؟ ».جاوبوه: «يسوع الناصري». 8قال: «قولتللكم: أنا يسوع، اذا كنتوا تبغوني أنا، فا خلوا هدول يروحوا». 9علشان تصير الكلمه اللي قالها: «إنو اللي وهبتهم ليا ما رح يهلك منهم واحد!»

10وكان مع سمعان بطرس سيف وسحبه وضرب فيه عبد رئيس الكهان، وقطع أدنه اليمين. وكان اسم العبد ملخس. 11قال يسوع لبطرس: «رجع السيف لمكانه! الكاس اللي أداني إياه الأب رح أشربو؟»

يسوع قدام حنان

12ومسكت الفرقة والقايد وحرس الهيكل يسوع وربطوه. 13وساقوه اول شي لحنان وهو صهر قيافا رئيس الكهان في ديك السنه. 14وقيافا هو اللي نصح اليهود بأنو أحسن أنو يموت راجل واحد فدى الأمه.

بطرس أول شي ينكر المسيح

15ولحق يسوع سمعان بطرس وتلميذ تاني كان رئيس الكهان يعرفو، ودخل داك التلميذ مع يسوع لدار رئيس الكهان. 16أما بطرس ففضل واقف عند الباب من بره. خرج التلميذ التاني اللي كان رئيس الكهان يعرفو، وكلم البوابه علشان يدخل بطرس. 17سألت البوابه الخادمة بطرس «أنت مو واحد من تلاميذ هادا لراجل؟ جاوبها: لا. أنا مو منهم!» 18وكان الجو بارد، ووللع العبيد والحراس النار عشان يدفوا حولها، ووقف بطرس يدفى معاهم.

رئيس الكهان يسأل يسوع

19سأل رئيس الكهان يسوع عن تلاميذه وعن تعليمه. 20جاوبه يسوع: تكلمت للعالم بالعلن، ودايما علمت في المجمع والهيكل مكان ما اليهود يجتمعوا كلهم، وما قولت أي شي في السر. 21فا ليش تسألني أنا؟ إسأل اللي سمعوا اللي كلمتهم بو، وهم يعرفوا اللي قلتو 22لما قال يسوع هادا الكلام ضربه واحد من الحراس وقاللو: «كدا تجاوب رئيس الكهان؟» 23جاوبو يسوع: «إزا أنا غلطت في الكلام فاشهد بهادا الغلط، اما اذا أنا أحسنت، فا ليه تضربني؟» 24بعدين أرسله حنان وهو مربوط لقيافا رئيس الكهان

بطرس ينكر المسيح مره تانية

25وكان بطرس واقف هناكا يتدفى، فا سألوه: «انت مو من تلاميذه كمانا؟» أنكر وقال «لا مو من تلاميذه». 26وقال واحد من عبيد رئيس الكهان، وهو صهر العبد اللي قطع بطرس أدنه: «مو أنا شفتك معاه في البستان؟» 27أنكر بطرس مره تانية. وطوالي أدن الديك!

يسوع أمام بيلاطس

28بعد كدا أخدوا يسوع من دار قيافا لقصر الحاكم الروماني، وكان دا في الصباح من بدري. وما دخل اليهود للقصرعلشان ما يتنجسوا ويقدروا ياكلوا من خروف الفصح. 29خرج بيلاطس ليهم وسألهم «بإيش تتهموا الراجل هادا؟» 30جاوبوه: «لو ما كان مذنب، كان ما سلمناه ليك!» 31قال بيلاطس: «أنتوا خدوا وحاكموا زي ما تقول شريعتكم». جاوبوه: «مو من حقنا أنو نقتل أحد!» 32ودا صار علشان تتم الكلمة اللي قالها يسوع وعلامة على الطريقة اللي حيموت فيها.

33دخل بيلاطس قصره وطلب يسوع وسأله: «أنت ملك اليهود؟» 34رد يسوع: «أنت تقول هادا الكلام من عندك، ولا قالولك هوعني؟» 35قال بيلاطس: «شايفني يهودي؟ ناسك ورؤسا الكهان سلموك لي. ايش اللي سويته؟» 36رد يسوع: «مملكتي مو من هادا العالم لو كانت مملكتي من هادا العالم، كان حراسي يقاتلوا علشان لا أتسلم لليهود. بس داحين مملكتي مو من هنا». 37سأله بيلاطس: «أنت ملك اجل؟» رد: «أنت اللي قولت أني ملك. وعلشان كدا نولدت وجيت للعالم: علشان أشهد على الحق وكل واحد على الحق يسمع صوتي». 38قاللو بيلاطس: «ايش هوه الحق!» بعد كدا طلع لليهود وقال: «أنا ما أشوفه مذنب! 39ومشت العادة عندكم أني أطلق سراح واحد من المسجونين في عيد الفصح. تبغوا أطلقلكم ملك اليهود؟» 40صرخوا كلهم وقالوا: «ما تطلق هادا، اطلق باراباس». كان باراباس حرامي!

Currently Selected:

إنجيل يوحنا 18: HNAV

Highlight

Copy

Compare