Romapaun VIII.
VIII.
1Dekana dare Masih Yeshueangnuk yodkhanunika shaḵẖsi sprolangs (mana phoqcha) med: [rgoe lza-a mikhorkhanun dooasang Semsi lza-a knornhanuni phya in.] 2Chiazerbana sonluksi Semsi khakhrimspos Masih Yeshueang nga nyespa nang shiluksi khakhrimsiangna rshaqrshid bas. 3Chiazerbana kha-khrimspo khyudmed yodpana rgos base ngadmed songmana Ashipas rangi Rshraspo nyespi rgoe zostika yang nyespi snyatika tangsena rgoeang yodkhan nyespika chhads. 4Rgo nazomse menkhan, dobasang Sems na zomse drulkhan khakhrimsi khadrangilukspo ngantiangnuk gangrgya chnok zere (chhads). 5Chiazerbana rgoe inkhanun rgoe tamuni hagochiang duged, yang Semsi inkhanun Semsi tamuni hagochiang duged. 6Chiazorbana rgoe hagochilukspo shiluks (in) amma Semsi hagochilukspo sonluks nang zomluks (in). 7Diphya rgoe samlukspo Ashipi mirgakhaniluks in, chiazerbana hana Ashipi khakhrimsi yoqa med hana yoqa dukpa nyanmamed. 8Yang rgoe inkhanunla Ashipa-a thatchukpa nyanma med. 9Ni, taqdir Ashipi Semspo chhadkhika khyentiang rshtane yodna khyentang rgoe men dobasang Semsi in; amma taqdir gasueang Masihi Sems medna kho khoe men. 10Amma taqdir Masih khyentiang yodna, chhadkhika rgo na nyespi phya shiskhan in, amma Semspo khadrangiluksi phya sonkhan in. 11Ni, Yeshu shiskhanuniangna sone ltsangskhan de Semspos taqdir khyentiang jukse yodna, Masih Yeshu shis-khanuniangna sone ltsangskhanpos khyenti milukskhan rgounang khyentiang yod-khan de Semspos bachasika sonchuktuk. 12Dekana, kasa phonoun, ngantang bulonpa na in, amma rgo nazomse thse rgalchukchi phya rgoe bulonpa men. 13Chiazerbana taqdir khyentes rgo na zomse thse rgalchuksna khyentang shia chhetaq yod, amma taqdir Semsis base rgoe lasun sate phangna khyentang sone lusha in. 14Diphya Ashipi Semsis lam stane drulkhan saq Ashipi Rshrasun in. 15Chiazerbana khyentanga yang jikshi tsoni Sems mathop dobasang khyentanga thobthsir thobchi Sems thop, dyaos base ngantes Abba (chizesna) Ata kustabed. 16Semspo khores nganti Semspo nathukse ngantang Ashipi Rshrasun in zere chhebji phed. 17Ni, taqdir buthsaun in na, thobthsir thobkhanang in; chhadkhika Ashipi thobthsir thobkhan yang Masih nangthsir chikpa in; taqdir medkhamed ngantes Kho nanyambo naqsun thyaqsna, kho na-nyambo chhezbreliangnuk thosuk.
18Chiazerbana ngi shesluksiang di namzi naqsun ngantika ngoncha yodkhan chhezbrelpo na zgratpa byorba med. 19Chiazerbana ldanskhanun saqis mana snyingi tongoeka Ashipi Rshrasuni ngonchawa date yod. 20Chiazerbana ldans — khanun saq rdyangchhodiluksi yoqa tangspin, rang thate men, dobasang khos de rdyangika khong yoqa tangs. 21Dekana ldanskhanun khontangang jikluksi laqpeangna bute Ashipi Rshrasuni chhopoelukspoe rshaqrshidi luksiang juksha chhok. 22Chiazerbana ldanskhanun saq dare thsaqpa nyambo snyingbuks phinged yang nyambo daril (natsoḵẖs)-iang narpa phinged zere ngantanga rshtaqs-pa yod. 23Ni khong tsa men dobasang Semsi snani phalu-un thobskhanunla ngantanga-ang rangi koqluksiang snyingbuks phinged, Ashipi rshrasun chhachi, rangi rgoe khomluksi lampoa lted. 24Chiazerbana ngantang dyatarika rdyang-ika khomluks thobskhan in; amma rdyang yodkhan dyandao miklama thongma, ni rdyangpo minduk, chiazerbana gasua chang kaṯo thongmana dyawa rdyang gatsuga beo? 25Amma taqdir ngantanga mithongkhan chiga ngantes rdyang jaqsna, thyaqluks nadrese doa date duged. 26Dya tsoḵẖspo Semsisang nganti ngadmedi luksunla nyambo yato bed chiazerbana ngantanga ngantes gatsuga laqpa zune rtsotcha rgosha inmao shespamed, dobasang Semspo khores ḏinda shatpa minyancha yodkhan snyingbuksun phingse nganti phya rtsoted. 27Amma snyinguniang thsalthsal bakhanla Semsi hagochaspo shesod, chiazerbana khos Ashipi (ran-luks) na zomse rtsangmauni phya rtsoted. 28Amma gachigangun saqis Ashipi-ka rgaluks jaqkhanuni phya yang Ashipi samluksi tongoeka yong zere khyongs-khanuni phya narpa phinged zere ngantanga rshtaḵẖspa yod. 29Chiazerbana khoa snanla shoskhanun khoe Rshraspo nang rdongzo chik chhok zere Kho phono mangmo eang na snanla skyeskhan chhe mingna khos snanla rshtanangchuks. 30Ni, khos snanla rshtanchukskhanunla yong zere-ang khyongs, yang yong zero khyongskhanun khadrangang chhachuks khadrang chhachukskhanunla chhezbreliang chnachukpa zats.
31Ni, ngantos di rshmanguniang chi zeruk ? Taqdir Ashipa nganti ngosla yodna nganti loqparla su yod ? 32Khos chhadkhika rangi Rshraspoang majaqs, dobasang ngantang saqi phya kho tangs; khos ngantanga kho nanyambo chigangun saqang gatsuga shazde miba ? 33Ashipi phespaunika sus snyad bok ? Ashipa khores khadrang chhachukkhanpo in. 34Sus chhatuk ? Masih [Yeshu] nongs-khan in dobasang shiskhanuniangna langskhan-ang in, yang Ashipi trangngosla yod, yang nganti phya rtsotkhan-ang in. 35Sus ngantang Masihi rgaluksika-na bar pheok ? Dombas hana doqsparis hana naqsunis hana zanrshkonis hana qanjariluksis hana jiksmos hana rargyis ? 36Zbrise yodkhanpo nazomse : "Ngacha yeri phya nyimao rshar sadpa chhon duk, ngachana sadchi luwaqun natsoḵẖs base rtsicha song". 37Dobasang de rshmangun saqiang ngantangna rgaluks baskhanpos base ngantang lokhanun basang mangmo lokhan song. 38Chiazerbana ngâ-a ckhadkha yod: hana shiluksla, hana thsea, hana skopaunla, hana rgyastridun, hana khyudun, hana darosi chigangun, hana yongcha yodkhan chigangun, 39hana thonmoeluks, hana qombuiluks, hana yang ldanskhanun sua ngantang nganti Ashipa Masih Yoshueang yodkhan Ashipi rgaluks na barphea minyan zere (nga-a chhadkhek yod).
Currently Selected:
Romapaun VIII.: SOMA
Highlight
Share
Copy
Want to have your highlights saved across all your devices? Sign up or sign in
© Société Biblique de Genève