Narpa Phingchaun IV.
IV.
1Ni, khongis sharbawa spera tangen yodtsana, kohenun nang Rtsangma Malsi gowa nang Saddokyapaun droqsen khongika chhongs, 2Chiazerbana khongis sharbawa ltsaben yang Yeshui rshpeka shiskhanun sone langshao hagochugen yodpin; 3yang khongis khongika laq tangse sngamo thsaqpa kaqs chiazerbana rgongs rane yodpin. 4Amma Sperao hagochukskhanuniangna mangmos chhesluks bas yang khyoqauni rtsispo stong qa tsek thsaqpa song. 5Ni, ditsuga song, sngamoa khonti rgyalchos bakhanun nang chhimiun nang chhoszbrikhanun, 6nang kohenuni gowa Anna nang Kayapha nang Yoannes nang Aleksandres nang gowa kohenuni Pao yodkhanun saq Yerusalemiang dams. 7Yang khongunis khong rshkilpeka ltsangsena tris : khyentes dyu ga khyudpeka hana ga mingpeka based ? 8Dekana Petrosis Rtsangma Semgangsika gangse khongunla zes ; Kasa Sharbauni gowaun nang Israelpauni chhimiun! 9Taqdir diring nga-châ khyadkhyod michiga thekthek chnachukskhan noro lasi rshmangeang triso song-na, 10Khyentes kaṯo shinga phingskhan yang Ashipas shiskhanuniangna sone ltsangskhan Nazaretpa Yeshu Masihi mingtaḵẖsika dyuru Yeshus base khyenti dunla gangrgya songse langse yod zerchao khyentang saqa yang Israeli sharbaun saqa rshtaḵẖspa songshik! 11Khyentang rtsikponunla mencha sheskhan dyanao kho-rang khrui rdoa songkhan in. 12Hana yang gasuchigiang khomluks med chia-zerbana rshnami yoqa miunla khomluks thobchi mingna yang mingtaḵẖshik sal-ang ma sals.
13Khongunla Petros nang Yoannesi snyinchani lukspo thongmana, yang ltsabzo medkhan nang misheskhan (mibongsi) miun inmao rshtaḵẖspa songsena khongun rgyals; ni khongunla khong Yeshu na nyambo dukskhan insuk zere ngozin song. 14Amma de noro songskhan miyu khong na drese langse thongse chang loqpar zerba manyan. 15Amma khonga gowauni khorpoe malsekana phyistâ song zere skalena rere rerena khontes diu zeren grabs bas. 16Ngachas di miunla chi bacha in, chiazorbana mantaḵẖsika khongikana salpo rshtaḵẖsnek bingsed zere Yerusalemiang dukkhanun saqa ngons, yang doa men zerba ngatanga nyanma med. 17Amma sharbauni bariang dyu khyedmikhyedpa ngachas khonga di mingpoeka dyu basang mangmo mana michikchiga-ang chang zermizerba jiksmoeka jiksdam bok. 18Yang khonga yong zere khyongse Yeshui mingpoeka hana tam mana mazershik hana miunla chang maltsabshik zere khonga skals. 19Amma Petros nang Yoannes tamlaniang khongunla zes : Mana yentes shaḵẖs pheshik! Ashipa-a ltase Ashipa-a basang yentanga tamnyanba thsathsa ina ? 20Chiazerbana ngachâ thongkhanpo nang hagokhanpo mazerba minyan. 21Amma khongunis khong yang jikshuksena phude tangs chiazerbana miun yodpi phya khongika chadpo tangmi zostek mathop. Chiazerbana de songkhan rshmangpoo phya saqis Ashipa-a stodkha ben yodpinsuk, 22chiazerbana noro chhachukpi rshtaḵẖsna songkhan de mî naso lo jibchu basang those inmin.
23Khong bude rangi miuni der yongs, yang gowa kohenun nang chhimiunis zespaun saq khongunla shads. 24Ni, khongunla thsorbana snyinchik songse Ashipa thonmo skadika juik bas yang dyu zes : Kasa tsonuni Ashipa Yerang rshnampo nang sao nang rgyamthso nang douniang yodkhanun saq ldanchukkhan, 25yeres rtsangma Semzangsis ngachi ata [yeri] jabsthoqbakhan Dawidi khaos molspin : Janmi thsirunis hiling chia ltsangs, yang sharbaunis mirgospi sambao chia khorchuks ? 26Ashipa nang khuri sale pheskhan Masihi loqpar la miyuli rgyalpo un langs, yang rgyalchos bakhanun zdams. 27Mantaḵẖsna yeri Rtsangma jabsthoq bakhan, yeres sale phese jaqskhan Yeshui i loqpar ba Herodes nang Pontios Pilatos nang janmi mithsirun nang Israelpauni Sharbaun na nyambo, 28yeri laqchhaqpos nang yeri jaltaos snâ skalskhan mana chiun chhachukpa dams. 29Yang dare, Kasa Ashipa, khonguni jikstaununla zikspa zad, yang rangi tsonunla yeri spsrao hagochukchi mana snyingchani snyingpo salba zad. 30Yeres yeri laqchaqpo noro chhachukpi phya rshkyangma zad, yang yeri Rtsangma jabsthoqbakhan Yeshui mingpoeka stodpariks lasun nang rshtaḵẖsnaun ngonchukpa zad. 31Yang khongis juik ba thsarbana khong damse yodkhan malsao gul, yang khong saq Rtsangma Semzangspoeka gang, yang Ashipi Sperao Snyinchanika hagochuks.
32Ni, chnesluks bakhanuni mibongspo snyingchik nang stroq chik inmin. Yang mana chigangpo ranga dyanda yodkhanpo khuri rangi in (zere) chikchigisang ma zes dobasang chigangun saq khontang saqi bariang grikse drese yodpin. 33Yang phrinkhyedchukkhanunis chhopo khyudika Ashipa Yeshu [Masihi] sone langshaspoe chhebji phes yang khong saqika chho shasde yodpinsuk. 34Chiazerbana khontiangna changmedkhanchik suang medpin, chiazerbana mana gasu sakyadashi in na hana nang-khangmaun ashi inna kaṯo (khongis) doun tsongse tsongskhanuni rin-i (peneun) khyongs. 35Yang phrinkhyedchukkhanuni kangmaunika khyongse jaqs. Ni, garere saqi rgoshao na zomse saqa zgose tangedpin. 36Ni, Yoseph, phrinkhyedchukkhanunis base phyasminga Barnabas zerkhan chizesna, skad loqse tangmana, Yatobakhani buthsa, Lewitespa, Kupriusla skyeskhanla, 37sakyad yodpana, (dyao) tsongsena, rinipene khyongs yang phrinkhyedchuk-khanuni kangmeka jaqs.
Currently Selected:
Narpa Phingchaun IV.: SOMA
Highlight
Share
Copy
Want to have your highlights saved across all your devices? Sign up or sign in
© Société Biblique de Genève
Narpa Phingchaun IV.
IV.
1Ni, khongis sharbawa spera tangen yodtsana, kohenun nang Rtsangma Malsi gowa nang Saddokyapaun droqsen khongika chhongs, 2Chiazerbana khongis sharbawa ltsaben yang Yeshui rshpeka shiskhanun sone langshao hagochugen yodpin; 3yang khongis khongika laq tangse sngamo thsaqpa kaqs chiazerbana rgongs rane yodpin. 4Amma Sperao hagochukskhanuniangna mangmos chhesluks bas yang khyoqauni rtsispo stong qa tsek thsaqpa song. 5Ni, ditsuga song, sngamoa khonti rgyalchos bakhanun nang chhimiun nang chhoszbrikhanun, 6nang kohenuni gowa Anna nang Kayapha nang Yoannes nang Aleksandres nang gowa kohenuni Pao yodkhanun saq Yerusalemiang dams. 7Yang khongunis khong rshkilpeka ltsangsena tris : khyentes dyu ga khyudpeka hana ga mingpeka based ? 8Dekana Petrosis Rtsangma Semgangsika gangse khongunla zes ; Kasa Sharbauni gowaun nang Israelpauni chhimiun! 9Taqdir diring nga-châ khyadkhyod michiga thekthek chnachukskhan noro lasi rshmangeang triso song-na, 10Khyentes kaṯo shinga phingskhan yang Ashipas shiskhanuniangna sone ltsangskhan Nazaretpa Yeshu Masihi mingtaḵẖsika dyuru Yeshus base khyenti dunla gangrgya songse langse yod zerchao khyentang saqa yang Israeli sharbaun saqa rshtaḵẖspa songshik! 11Khyentang rtsikponunla mencha sheskhan dyanao kho-rang khrui rdoa songkhan in. 12Hana yang gasuchigiang khomluks med chia-zerbana rshnami yoqa miunla khomluks thobchi mingna yang mingtaḵẖshik sal-ang ma sals.
13Khongunla Petros nang Yoannesi snyinchani lukspo thongmana, yang ltsabzo medkhan nang misheskhan (mibongsi) miun inmao rshtaḵẖspa songsena khongun rgyals; ni khongunla khong Yeshu na nyambo dukskhan insuk zere ngozin song. 14Amma de noro songskhan miyu khong na drese langse thongse chang loqpar zerba manyan. 15Amma khonga gowauni khorpoe malsekana phyistâ song zere skalena rere rerena khontes diu zeren grabs bas. 16Ngachas di miunla chi bacha in, chiazorbana mantaḵẖsika khongikana salpo rshtaḵẖsnek bingsed zere Yerusalemiang dukkhanun saqa ngons, yang doa men zerba ngatanga nyanma med. 17Amma sharbauni bariang dyu khyedmikhyedpa ngachas khonga di mingpoeka dyu basang mangmo mana michikchiga-ang chang zermizerba jiksmoeka jiksdam bok. 18Yang khonga yong zere khyongse Yeshui mingpoeka hana tam mana mazershik hana miunla chang maltsabshik zere khonga skals. 19Amma Petros nang Yoannes tamlaniang khongunla zes : Mana yentes shaḵẖs pheshik! Ashipa-a ltase Ashipa-a basang yentanga tamnyanba thsathsa ina ? 20Chiazerbana ngachâ thongkhanpo nang hagokhanpo mazerba minyan. 21Amma khongunis khong yang jikshuksena phude tangs chiazerbana miun yodpi phya khongika chadpo tangmi zostek mathop. Chiazerbana de songkhan rshmangpoo phya saqis Ashipa-a stodkha ben yodpinsuk, 22chiazerbana noro chhachukpi rshtaḵẖsna songkhan de mî naso lo jibchu basang those inmin.
23Khong bude rangi miuni der yongs, yang gowa kohenun nang chhimiunis zespaun saq khongunla shads. 24Ni, khongunla thsorbana snyinchik songse Ashipa thonmo skadika juik bas yang dyu zes : Kasa tsonuni Ashipa Yerang rshnampo nang sao nang rgyamthso nang douniang yodkhanun saq ldanchukkhan, 25yeres rtsangma Semzangsis ngachi ata [yeri] jabsthoqbakhan Dawidi khaos molspin : Janmi thsirunis hiling chia ltsangs, yang sharbaunis mirgospi sambao chia khorchuks ? 26Ashipa nang khuri sale pheskhan Masihi loqpar la miyuli rgyalpo un langs, yang rgyalchos bakhanun zdams. 27Mantaḵẖsna yeri Rtsangma jabsthoq bakhan, yeres sale phese jaqskhan Yeshui i loqpar ba Herodes nang Pontios Pilatos nang janmi mithsirun nang Israelpauni Sharbaun na nyambo, 28yeri laqchhaqpos nang yeri jaltaos snâ skalskhan mana chiun chhachukpa dams. 29Yang dare, Kasa Ashipa, khonguni jikstaununla zikspa zad, yang rangi tsonunla yeri spsrao hagochukchi mana snyingchani snyingpo salba zad. 30Yeres yeri laqchaqpo noro chhachukpi phya rshkyangma zad, yang yeri Rtsangma jabsthoqbakhan Yeshui mingpoeka stodpariks lasun nang rshtaḵẖsnaun ngonchukpa zad. 31Yang khongis juik ba thsarbana khong damse yodkhan malsao gul, yang khong saq Rtsangma Semzangspoeka gang, yang Ashipi Sperao Snyinchanika hagochuks.
32Ni, chnesluks bakhanuni mibongspo snyingchik nang stroq chik inmin. Yang mana chigangpo ranga dyanda yodkhanpo khuri rangi in (zere) chikchigisang ma zes dobasang chigangun saq khontang saqi bariang grikse drese yodpin. 33Yang phrinkhyedchukkhanunis chhopo khyudika Ashipa Yeshu [Masihi] sone langshaspoe chhebji phes yang khong saqika chho shasde yodpinsuk. 34Chiazerbana khontiangna changmedkhanchik suang medpin, chiazerbana mana gasu sakyadashi in na hana nang-khangmaun ashi inna kaṯo (khongis) doun tsongse tsongskhanuni rin-i (peneun) khyongs. 35Yang phrinkhyedchukkhanuni kangmaunika khyongse jaqs. Ni, garere saqi rgoshao na zomse saqa zgose tangedpin. 36Ni, Yoseph, phrinkhyedchukkhanunis base phyasminga Barnabas zerkhan chizesna, skad loqse tangmana, Yatobakhani buthsa, Lewitespa, Kupriusla skyeskhanla, 37sakyad yodpana, (dyao) tsongsena, rinipene khyongs yang phrinkhyedchuk-khanuni kangmeka jaqs.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Société Biblique de Genève