Narpa Phingchaun II.
II.
1Yang Pantekoste zerkhan Rgamoe jaqpo hlebsena khong saq snying chik songse malsa chikchiga damse yodpin. 2Yang hunmedika skadchik draqpo raruik langspa tsoḵẖs rshnamiangna yongs, yang khong dukse yodkhan khangma gangmeang qungika skangs. 3Yang khonga melchê meloe natsoḵẖs loma yodkhan thong; yang khong rere nang rere saqika (yongse) duks. 4Yang khong saq Rtsangma Semsika gang, yang Semsis khonga spera tangmi khyud salbao na zomse michikcha skadun zerba ryaḵẖs. 5Ni, dare, rshnami yoqa yodkhan thsirun saqiangna (Rshnamcho) rchorkhan Yahudyapa mangmo duged pin. 6Ni, di skadpo yongsena, mibongspo malchiga yongs, yang khong rgyal, chiazerbana rere nang rerea rang-rangi phaskadika khongis spera tangen thsor. 7Ni, saqis mangmo rgyal. Yang khontes khontanga rgyalen zes : Ltashigang, di spera tangkhanun saq Galilayaspa mena ? 8Ni, rang rangi skadika, rang rangi skyespi (yuli) skadihao gatsuga goed. 9Pharthospa nang Medospana nang Elamitaipa, nang Mesopotamie-ang dukkhanun, ni Yahudya nang Kappadokya Pontos nang Asia, 10(ni) Phrugya nang Pamphulya nyiska, Aiguptos nang Kurene khridkhorpeang yodkhan Libyesi rgyastridun, yang Romikana yongskhan Yudayaspa nang khonti lobskhanun nyiska, 11Kretespa nang Arabespa, ngacha (saqa) ngachi rang rangi phaskadika khongis Ashipi stodpariks lasuni spera tangen thsoreda med ? 12Ni saq rgyalshiang nang droqshiang yoden khontes khontan-ga zes : Di rshkangpo chi insuk ? 13Amma, khachigis jaqgad base zes : Atsuk! Khong na soma rgunchhang thungse rarose yod! 14Amma, Petros de chukshik na nyambo langse rangi skadpo thonmo bas yang khonga kustabs : Khyoqa Yudayaspaun nang Yerusalemiang dukkhanun saq, dyu khyentanga sheshik, yang ngi tamunla rshna bashigang! 15Chiazerbana khyentes sama tsoḵẖspo di miunla rarospa med chiazerbana (dare) nyimi sumi resi dusthsod in, 16Amma, dyu khyenlkhan Yoeli molskhan tamun in : 17"Yang jugi jaquniang, Ashipas moled, ngas ngari Semsikana sha saqika hluktuk; yang khyenti buthsaun nang bumounis khyenluksi spera tabtuk; yang khyenti khyoqthongunla mik lama stan-luks thongnuk, yang khyenti chnimiunla nyilama nyilamun thongnuk. 18Dobasang ngas rangi tsonun nang tsonmounika-ang de jaquniang rangi Semsikana hluktuk, yang khongis khyenluksi spera tabtuk. 19Yang ngas gyenla rshnamika stodpariks lasun nang yoqa seka rshtaḵẖsnaun, khraq nang me nang tudpi munpa tangnuk. 20Ashipi chhô nang ngonkhan-jaqpo hlebchao basang snanla nyimao ṯhubiang nang lzairmo khraqiang gyurcha chhok. 21Yang mana gasus Ashipi mingpoa kus tabna khoa khomluks thobcha in. 22Kasa khyoqa Israelpaun, di tamun la rshna bashik : khyentanga-ang rshtaḵẖspa yodkhan Yeshu Nazaretpa wangi lasunis yang khyudriks lasunis yang rshtaḵẖsna-unis base khyentanga Ashipas salskhan de khyoqaos base Ashipas khyenti bariang dyûn phings. 23Khorang Ashipi rshtanchukskhan laszo nang rgyabthongchi sheslukspos base phangse salskhanpo, khyentes menchauni laqkhas base kaṯo shinga spyare sads. 24Khorang, Ashipas shiluksi naḵẖsun krole sone ltsangs chiazerbana kho de laqa lushao nyanchek medpin. 25De phya Dawidis khoe rshmangeang moled : Ngâ Ashipa ngari rdongganga thongen duks chiazerbana nga skul mi skulba kho ngi trang rolla yod. 26Dekana ngi snyingpo thad yang ngi lcheo thadkha bas, dobasang ngi rgoang rdyangeang jukse dalmoa lusuk. 27Chiazerbana yeres hana ngi stroqpo shi-khanuni dukseang miphang, hana yeres yeri rtsangmawa jikpi res stanchukcha men. 28Yeres nga-a sonluksi lamun ngonchukspin, yeres nga-a yeri rdong-zo stane thadkha khurika gangchutuk. 29Kasa, khyoqa. Phonoun : Mezpo Dawidi rshmangeang rshaqrshid base khyentanga spera tangchukshik! Kho, nyiska, nongs yang kabsang kabs yang khoe dur khanpo nganti bariang daresi jaq thsaqpa luse yod. 30Rgyabthongchi khyud yodkhan inmana, yang Ashipas kho na khuri kalmiangna rgoe zosteka Masih khuri khrîka jaqtuk zere. Na borspao shesen, 31Khos khyenluksi zosteka ("Masihi") stoqpo shikhanuni malseka lusha men hana khoe rgo rulcha men zere zerbana khos Masihi sone langspi jaqi rshmangeangnuk sperek tangs. 32Dya Yeshus Ashipas sone ltsangs; dyawa ngacha saq rshpangpo in. 33Ni, Ashipi trangngos la rshtade thyaqse songmana yang Ashipikana Rtsangma Semszangsi chhadpo thobse yodpana khos dyao khyentanga thongkhanpo yang thsor khanpo khorang hluks. 34Ghiazerbana Dawid na rshnamika mathuls, amma kho khores moled : Ashipas ngi Ashipawa spera molsed : 35Yeri mirgakhanun ngas yeri kangmi yoqi themska rcho-rcho thsaqpa NGI trang ngosla jukspa zad. 36Dekana khyentes kaṯo shinga spyarskhan de Yeshu-o Rshnamchos, nyiska, Ashipa nang Masih chhadkhika rchosed zere Israeli khangmapaunla hagochukshik!
37Ni, dyu thsorbana khongi snying-unla phoq, yang Petros nang e phrinkhyed-chuk-khanunla jus : Kasa khyoqa phonoun, ngachâ chi bacha yod ? 38Ni, Petros khonga zes : Gyodluks bashik yang khyentiangna ga rere saqis rang rangi nyespaunla skyonzod chha Yeshu Masihi mingpoeka Baptisma lenshik, lenona khyentanga Rtsangma Semszangspo snganpek chigiang thobtuk. 39Chiazerbana di Chhadpo Ashipa ngachi Rshnamcho rangi der yong zere kustabkhan khyentang nang khyenti phru-un nang de thaqringa yodkhanun saqi phya in. 40Khos khonga yang tam mangmoeka hagochuks yang thsathsa base rshpangpo tangse dyu zes : Daresi yunṯe-a-yodkhan thsirikana khomchukcha songshik. 41Dekana khoe sperao ashi baskhanunla Baptisma tangs; yang dyana jaqa stroq stong sumtsek khong na zbraqs. 42Yang khong phrinkhyedchukkhanuni ltsabchiangnuk yang dreshiangnuk yang ṯaki chaqchiangnuk yang Ashipa-a juik bachiangnuk mana grikse chhen, thseṯu meden dugen yodpinsuk. 43Ni stroq rere nang rerea [chhopo] jiksmo song, ni stodpariks lasun nang rshtaḵẖsnaun mangmo phrinkhyedchukkhanunis base [Yerusalemiang] ngoncha songspin. 44Songmana, chhesluks baskhanun jung nyambo grikse yodpin yang [thsetu ma thsorba] chigangun saqiang grikse dresedpin. 45Yang (rangi) norun nang thsongun tsongs, yang ga rere saqi rgoshao na zomso po base saqa zgose tangedpin. 46Ni, jaqa snying chik songse Rtsangma Malseang mana grikse chhen dugen yang (khonti) khangmauniang ṯaki chaqenshigiang khongis snying trangika [thseṯu medpika] mang thadkhika khontes zachas zgose zodpin. 47Ashipi stodkha ben, yang sharba saqi shazdo yoden dugedpin; ni, jaqtang Ashipas khomluks thoben songkhanun grikskhnrpoa zbraqsedpin.
Currently Selected:
Narpa Phingchaun II.: SOMA
Highlight
Share
Copy
Want to have your highlights saved across all your devices? Sign up or sign in
© Société Biblique de Genève
Narpa Phingchaun II.
II.
1Yang Pantekoste zerkhan Rgamoe jaqpo hlebsena khong saq snying chik songse malsa chikchiga damse yodpin. 2Yang hunmedika skadchik draqpo raruik langspa tsoḵẖs rshnamiangna yongs, yang khong dukse yodkhan khangma gangmeang qungika skangs. 3Yang khonga melchê meloe natsoḵẖs loma yodkhan thong; yang khong rere nang rere saqika (yongse) duks. 4Yang khong saq Rtsangma Semsika gang, yang Semsis khonga spera tangmi khyud salbao na zomse michikcha skadun zerba ryaḵẖs. 5Ni, dare, rshnami yoqa yodkhan thsirun saqiangna (Rshnamcho) rchorkhan Yahudyapa mangmo duged pin. 6Ni, di skadpo yongsena, mibongspo malchiga yongs, yang khong rgyal, chiazerbana rere nang rerea rang-rangi phaskadika khongis spera tangen thsor. 7Ni, saqis mangmo rgyal. Yang khontes khontanga rgyalen zes : Ltashigang, di spera tangkhanun saq Galilayaspa mena ? 8Ni, rang rangi skadika, rang rangi skyespi (yuli) skadihao gatsuga goed. 9Pharthospa nang Medospana nang Elamitaipa, nang Mesopotamie-ang dukkhanun, ni Yahudya nang Kappadokya Pontos nang Asia, 10(ni) Phrugya nang Pamphulya nyiska, Aiguptos nang Kurene khridkhorpeang yodkhan Libyesi rgyastridun, yang Romikana yongskhan Yudayaspa nang khonti lobskhanun nyiska, 11Kretespa nang Arabespa, ngacha (saqa) ngachi rang rangi phaskadika khongis Ashipi stodpariks lasuni spera tangen thsoreda med ? 12Ni saq rgyalshiang nang droqshiang yoden khontes khontan-ga zes : Di rshkangpo chi insuk ? 13Amma, khachigis jaqgad base zes : Atsuk! Khong na soma rgunchhang thungse rarose yod! 14Amma, Petros de chukshik na nyambo langse rangi skadpo thonmo bas yang khonga kustabs : Khyoqa Yudayaspaun nang Yerusalemiang dukkhanun saq, dyu khyentanga sheshik, yang ngi tamunla rshna bashigang! 15Chiazerbana khyentes sama tsoḵẖspo di miunla rarospa med chiazerbana (dare) nyimi sumi resi dusthsod in, 16Amma, dyu khyenlkhan Yoeli molskhan tamun in : 17"Yang jugi jaquniang, Ashipas moled, ngas ngari Semsikana sha saqika hluktuk; yang khyenti buthsaun nang bumounis khyenluksi spera tabtuk; yang khyenti khyoqthongunla mik lama stan-luks thongnuk, yang khyenti chnimiunla nyilama nyilamun thongnuk. 18Dobasang ngas rangi tsonun nang tsonmounika-ang de jaquniang rangi Semsikana hluktuk, yang khongis khyenluksi spera tabtuk. 19Yang ngas gyenla rshnamika stodpariks lasun nang yoqa seka rshtaḵẖsnaun, khraq nang me nang tudpi munpa tangnuk. 20Ashipi chhô nang ngonkhan-jaqpo hlebchao basang snanla nyimao ṯhubiang nang lzairmo khraqiang gyurcha chhok. 21Yang mana gasus Ashipi mingpoa kus tabna khoa khomluks thobcha in. 22Kasa khyoqa Israelpaun, di tamun la rshna bashik : khyentanga-ang rshtaḵẖspa yodkhan Yeshu Nazaretpa wangi lasunis yang khyudriks lasunis yang rshtaḵẖsna-unis base khyentanga Ashipas salskhan de khyoqaos base Ashipas khyenti bariang dyûn phings. 23Khorang Ashipi rshtanchukskhan laszo nang rgyabthongchi sheslukspos base phangse salskhanpo, khyentes menchauni laqkhas base kaṯo shinga spyare sads. 24Khorang, Ashipas shiluksi naḵẖsun krole sone ltsangs chiazerbana kho de laqa lushao nyanchek medpin. 25De phya Dawidis khoe rshmangeang moled : Ngâ Ashipa ngari rdongganga thongen duks chiazerbana nga skul mi skulba kho ngi trang rolla yod. 26Dekana ngi snyingpo thad yang ngi lcheo thadkha bas, dobasang ngi rgoang rdyangeang jukse dalmoa lusuk. 27Chiazerbana yeres hana ngi stroqpo shi-khanuni dukseang miphang, hana yeres yeri rtsangmawa jikpi res stanchukcha men. 28Yeres nga-a sonluksi lamun ngonchukspin, yeres nga-a yeri rdong-zo stane thadkha khurika gangchutuk. 29Kasa, khyoqa. Phonoun : Mezpo Dawidi rshmangeang rshaqrshid base khyentanga spera tangchukshik! Kho, nyiska, nongs yang kabsang kabs yang khoe dur khanpo nganti bariang daresi jaq thsaqpa luse yod. 30Rgyabthongchi khyud yodkhan inmana, yang Ashipas kho na khuri kalmiangna rgoe zosteka Masih khuri khrîka jaqtuk zere. Na borspao shesen, 31Khos khyenluksi zosteka ("Masihi") stoqpo shikhanuni malseka lusha men hana khoe rgo rulcha men zere zerbana khos Masihi sone langspi jaqi rshmangeangnuk sperek tangs. 32Dya Yeshus Ashipas sone ltsangs; dyawa ngacha saq rshpangpo in. 33Ni, Ashipi trangngos la rshtade thyaqse songmana yang Ashipikana Rtsangma Semszangsi chhadpo thobse yodpana khos dyao khyentanga thongkhanpo yang thsor khanpo khorang hluks. 34Ghiazerbana Dawid na rshnamika mathuls, amma kho khores moled : Ashipas ngi Ashipawa spera molsed : 35Yeri mirgakhanun ngas yeri kangmi yoqi themska rcho-rcho thsaqpa NGI trang ngosla jukspa zad. 36Dekana khyentes kaṯo shinga spyarskhan de Yeshu-o Rshnamchos, nyiska, Ashipa nang Masih chhadkhika rchosed zere Israeli khangmapaunla hagochukshik!
37Ni, dyu thsorbana khongi snying-unla phoq, yang Petros nang e phrinkhyed-chuk-khanunla jus : Kasa khyoqa phonoun, ngachâ chi bacha yod ? 38Ni, Petros khonga zes : Gyodluks bashik yang khyentiangna ga rere saqis rang rangi nyespaunla skyonzod chha Yeshu Masihi mingpoeka Baptisma lenshik, lenona khyentanga Rtsangma Semszangspo snganpek chigiang thobtuk. 39Chiazerbana di Chhadpo Ashipa ngachi Rshnamcho rangi der yong zere kustabkhan khyentang nang khyenti phru-un nang de thaqringa yodkhanun saqi phya in. 40Khos khonga yang tam mangmoeka hagochuks yang thsathsa base rshpangpo tangse dyu zes : Daresi yunṯe-a-yodkhan thsirikana khomchukcha songshik. 41Dekana khoe sperao ashi baskhanunla Baptisma tangs; yang dyana jaqa stroq stong sumtsek khong na zbraqs. 42Yang khong phrinkhyedchukkhanuni ltsabchiangnuk yang dreshiangnuk yang ṯaki chaqchiangnuk yang Ashipa-a juik bachiangnuk mana grikse chhen, thseṯu meden dugen yodpinsuk. 43Ni stroq rere nang rerea [chhopo] jiksmo song, ni stodpariks lasun nang rshtaḵẖsnaun mangmo phrinkhyedchukkhanunis base [Yerusalemiang] ngoncha songspin. 44Songmana, chhesluks baskhanun jung nyambo grikse yodpin yang [thsetu ma thsorba] chigangun saqiang grikse dresedpin. 45Yang (rangi) norun nang thsongun tsongs, yang ga rere saqi rgoshao na zomso po base saqa zgose tangedpin. 46Ni, jaqa snying chik songse Rtsangma Malseang mana grikse chhen dugen yang (khonti) khangmauniang ṯaki chaqenshigiang khongis snying trangika [thseṯu medpika] mang thadkhika khontes zachas zgose zodpin. 47Ashipi stodkha ben, yang sharba saqi shazdo yoden dugedpin; ni, jaqtang Ashipas khomluks thoben songkhanun grikskhnrpoa zbraqsedpin.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Société Biblique de Genève