१ कोरीन्थी 8
8
1द्यव्ताकायः ल्हाओ जेःगाकोः कुरा ङाइ द्याह् तोनेःनाङ्स। “ङीइ सबैपाय् व्हाय्ओ ल्हुङ् दोःआतय्ही” त चीःनाःतय्ह्नी। एत चीःसापाय् चीःनाःतय्ही ओउःत चीःओ मान्ताखेइ लयःकायःलेः ताङ्ह्ताक्सा बोङःनानी। राप्ओ ल्हुङ् नाःओ मान्ताखेइ अरुकायःलेः पेतो स्याव्ताक्नानी। 2सुसुइ “लौ ङाइ व्हाय्तोलेः चीःनाङः” त ताःचाःइसी ओउःपाय् दोङ् पेओ कुराकायः दोह्मा चीःधाङ्नीली। 3सुसुखेइ परमेस्वर्कायः राप्नानी ओउःकायःलेः परमेस्वर्इ तय्ह्आथास। 4ओहाङःसैको द्यव्ताकायः ल्हाओ चीस् जेःओ कुराकायः इतलेः तोनेःनाङ्स। द्यव्तालम्पाय् दोह्मा खेःइली यातैज्याङ् परमेस्वर् झुङ्आले मुनाः त चीःनाःतय्ह्नी। 5लाङ्काहाङःमा ल्हाव्ह्दैबाङ्हाङःमा द्यव्तालम् प्रभुलम् “नाःतोलेः मुनै” त अरुखे दाय्ह्इतो 6“यातैज्योः ङीकोः परमेस्वर् आपा ह मुनाः” त ङीखेइ चीःनाःतय्ह्नी। ओउःइपाय् जुदालेः जाङ्ह्आकान् ओउःकायः ङी मुनाःतय्ही। ङीकोः प्रभुमा यातैज्योः येसु ख्रीस्लेः खेःजेःनाः बा। ओउःकुस्इ परमेस्वर्इ जुदालेः जाङ्ह्आकान् ओउःकःसै रौ जीङः दोःनाःतय्ही। 7एत ङीखेइ चीःनाःतय्ह्नी यात्नीस्चाक् ङ्हाम्ओलम्खेइ ओउः कुरा पेतो चीःधाङ्नीली। ओउःमयःइ द्यव्ताकायः ल्हाओ जेःगाकायः “इपाय् द्यव्ताकोः जेःगा” त म्हर्ती सोकार्माःत जेःती मुधाङ्नै। दोह् पेलेःनाः दोह् दोह् पेल त पेतो चीःमाःत झ्यान्ते ओउःमयःइ द्यव्ताकायः ल्हाओ जेःगा जेःओ बेलाहाङः “ङा क्रीसीःतो स्याव्नाङः” त ब्रःतीलेः म्हर्नै। 8ङीकोः जेःगा जेःओपाय् परमेस्वर्कायः म्रोताक्साकायः खेःल। जेःसायामा पेतो खेःलेःल जेःमाःसायामा पेमालो खेःलेःल बा। 9एतलेः नीङ्इ चीःती दोह् खेःयामा सोकार्तोलेः जेःसा खाय्तेःनीतो ती नीङ्कःहाङः अरु पेतो चीःधाङ्मालो मान्तालम् मुनै त झ्यान्ते ओउःमयःकायः ल्हुङ् ब्रःतेःताक्तेःचानी। 10दोह् हायःती दाय्ह्सा नाङ् पेतो चीःओ मान्ताखेइ मन्दीर्हाङः द्यव्ताकायः ल्हाओ जेःगा जेःओपाय् यात्चाक् पेतो चीःधाङ्मालो मान्ताखेइ च्यवःतेःआ त खेःया ओउःइमा नाङ् चीःओ मान्ताकोः काम् तेःती द्यव्ताकायः ल्हाओ जेःगा जेःनौ यादो। 11जेःआक्तीको ओउः मान्तापाय् “लौ ङाइ पेमालो जाङ्ह्आलाङः” त म्हर्ती वाय्तो स्याव्नाः यादो। ओउः मान्ता दल्ताक्साकायःमा बुरु ख्रीस्लेः सीओ खेःतो 12एतलेः नीङ्कोः ङ्हाम्ओ हौचोङ्कायः ल्हुङ् ब्रःताक्ती ओउःमयःकोः ल्हुङ् घ्युम्ताक्ती झ्यान्ते नाङ्इ ख्रीस्कोः काम्मा रेव्तेःताक्तेःनानी 13ओउःत खेःया ङाकोः जेःगा जेःओपाय् अरु ङ्हाम्ओ हौचोङ्कायः ब्रःताक्चाःथास त खेःया लौ ओउः खाल्कोः जेःगा ङाइ लयः सीधाङ्माखाहाङः गलमा जेःङल।
Currently Selected:
१ कोरीन्थी 8: CDM93
Highlight
Copy
Compare
Share
Want to have your highlights saved across all your devices? Sign up or sign in
© 1993 Wycliffe Bible Translators Inc., All Rights Reserved.
