Jônà 1
1
Nitady handositra lavitra ny Tompo i Jônà
1Indray andro dia nisy baikon’ny TOMPO tamin’i Jônà zanakalahin’i Amitahy#1.1 Misy mpaminany* atao hoe Jônà zanakalahin’i Amitahy, voateny ao amin’ny 2 Mp 14.25. nanao hoe:
2–Mitsangàna ka mankanesa any Ninive#1.2 Ninive: renivohitry ny fanjakana asirianina, jereo 2 Mp 19.36, Nah 1.1..., ilay tanàna lehibe. Torio ny amin’ny hamelezana azy, satria tafakatra eto anatrehako ny faharatsian’ny mponiny.
3Nefa niainga handositra ho any Tarsîsy hanalavitra ny TOMPO i Jônà. Nankany Jafao#1.3 Tarsîsy: tanàna manamorona ny Ranomasina Mediteranea, tsy voalaza mazava ny toerana marina misy azy, nefa dia tsy maintsy ho amin’ny zotra mifanohitra amin’izay mankany Ninive no nisy azy. –Jafao, amin’ny teny grika Jôpa (Asa 10.5) dia natao seranan-tsambo ho an’i Jerosalema. Zanabohitr’i Telaviva ankehitriny i Jafao. izy ka nahita sambo vonona ho any Tarsîsy. Naloany ny saran-dalana, dia niondrana niaraka tamin’ny tantsambo rehetra izy ary nihevitra ny hanalavitra ny TOMPO.
4Fa nampifofofofo rivo-mahery teny amin’ny ranomasina ny TOMPO; dia nanonja mafy ny ranomasina ka nila ho vakin’ny tafiotra ny sambo. 5Natahotra mafy ny matilò ka samy niantso vonjy tamin’ny andriamaniny avy. Dia natsipy tany an-dranomasina ny entana mba hanamaivana ny sambo. Tamin’izay kosa i Jônà efa nidina nandry tao anaty sambo iray ka resin-tory. 6Dia nanatona azy ny kapitenin-tsambo ary nanontany azy hoe:
–Fa manao inona eto ianao? Toa matory! Mitsangàna, ka mba antsoy koa ny Andriamanitrao, fa angamba hieritreritra antsika Izy ka tsy hamela antsika ho faty.
7–’Ndeha isika hanao antsapaka hahitana izay tompon’andraikitra mahatonga izao loza izao amintsika.
Natao ny antsapaka ka nianjera tamin’i Jônà. 8Hoy ireo taminy:
–Tompon’andraikitra amin’izao loza manjo antsika izao ianao, koa lazao anay izay mahatonga anao eto. Avy taiza ianao? Aiza no tany fiavianao? Olom-pirenena avy aiza ianao?
9Hoy ny navalin’i Jônà ireo:
–Hebreo aho, ary ny TOMPO Andriamanitry ny lanitra Izay nanao ny ranomasina sy ny tany no ivavahako.
10Tamin’izay dia raiki-tahotra ireo matilò raha nitantarany fa hay nandositra ny Tompo izy. Ka hoy ireo taminy:
–Fa naninona ianao no nanao izany? 11Hataonay ahoana àry ianao mba hampitony ny ranomasina aminay?
Vao mainka nihanahery hatrany ny ranomasina. 12Hoy i Jônà tamin’ny matilò:
–Batao aho ka atsipazo any anaty ranomasina dia hitony aminareo io. Fantatro fa noho ny fahadisoako no mahatonga izao tafio-drivotra mahery izao aminareo.
13Nivoy mafy ireo matilò hahatrarana ny moron-dranomasina nefa tsy nahafa-piry, satria vao mainka nitroatra ny ranomasina. 14Dia nitaraina tamin’ny TOMPO ireo ka nanao hoe:
–TOMPO ô, aza avelanao ho faty noho ny amin’ity lehilahy ity izahay. Aza atambesatra aminay ny fahafatesan’ny anankiray izay tsy nanan-tsiny. Fa Ianao ry TOMPO no manao araka izay sitrakao.
15Dia nobatain’ireo i Jônà ka natsipiny tany anaty ranomasina, ary nijanona ny fisafoaky ny tafio-drivotra. 16Natahotra ny TOMPO noho izany ireo matilò ka nanolotra sorona sady nivoady taminy.
Currently Selected:
Jônà 1: DIEMDC
Highlight
Share
Copy
Want to have your highlights saved across all your devices? Sign up or sign in
Dikanteny Iombonana Eto Madagasikara © Malagasy Bible Society, 2004.