Ai Vola I Sikariya Na Parofita 7
7
O ira sa vakabobulataki era sa taroga na siga ni lolo e so, 1-3. Sa vunauca ko Sikariya na nodra lolo vakaca, 4-7. Sa tukuni na nodrai valavala ca me vu ni nodra vakabobulataki, 8-14.
1IA e nai kava ni yabaki i Tario na tui, sa yaco na vosa i Jiova vei Sikariya e nai kava ni siga e nai kaciwa ni vula, a ya ko Kisiliu; 2ia na kai Peceli era sa talai rau ko Seresari kei Rekemi-meleki, kei na nodrau tamata, me ra vakalomadonutaki Jiova, 3ka vosa vei ira na bete era tiko e na vale i Jiova ni lewe vuqa, kei ira na parofita, ka kaya, Me keitou ia tiko li na tagi e nai kalima ni vula, ka tawasei keitou, me vaka na ka keitou sa dui cakava e na veiyabaki e vuqa o qo?
4Sa qai yaco vei au na vosa i Jiova ni lewe vuqa, ka vaka, 5Mo vosa vei ira kece na lewe ni vanua, kei ira na bete, ka kaya, Ni dou a lolo ka tagi e nai kalima kei nai kavitu ni vula, io, e na yabaki e vitusagavulu ko ya, mo sa lolo li dou a ia vei au, io vei au? 6Ia ni dou a kana, ni dou a gunu talega, sa nomudou kana wale, sa nomudou gunu wale talega, se segai? 7Sa sega li ni vosa o qo ka vunautaka ko Jiova e na gusudra na parofita eliu, ni sa tawa tu ka sautu ko Jerusalemi, kei na kena veikoro e volita, ia na yasayasa vakacava kei na buca ni sa tawa tu ga?
8A sa yaco na vosa i Jiova vei Sikariya, ka vaka, 9Sa vosa vakaoqo ko Jiova ni lewe vuqa, ka kaya,
Na veilewai dina dou cakava, kei nai valavala vakayalovinaka ka loloma dou dui ia yadua vakai kemudou: 10ia na alewa dawai, kei na luveniyali, kei na kai tani, kei na dravudravua, dou kakua ni vakasaurarataka; ia na ca e dui veikitaki, dou kakua ni nanuma e na lomamudou.
11A ra sa bese ga ni vakarorogo, a ra vakanadaku o na talaidredre, a daligadra talega sa ra vakabibitaka, me ra kakua ni rogo rawa. 12Io, na lomadra era sa cakava me vaka na tiamodi, me ra kakua ni rogoca na vunau, se na vosa sa tala ko Jiova ni lewe vuqa e na nona Yalo Tabu vei ira na parofita eliu me ra tukuna: a sa yaco kina na cudru levu maivei Jiova ni lewe vuqa. 13A sa yaco, me vaka ni sa kaci ko koya, ka ra bese ni rogoca; sa ra kaci vaka talega kina ko ira, ia kaʼu a bese ga ni rogoca, sa kaya ko Jiova ni lewe vuqa: 14ia kaʼu a dui cagini ira tani yani ki na veimatanitu kece era a tawa kila: ia na vanua, sa lala laivi tu mai ki dakudra, me sega ni veilakovi, ni ra sa cakava na vanua domoni me lala sara.
Currently Selected:
Ai Vola I Sikariya Na Parofita 7: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
