Ai Vola I Sikariya Na Parofita 5
5
E dua nai vola vivigi c vuka, nai vakatakarakara ni nodra cudruvi na daubutako kei na daururu, 1-4. E dua na alewa e bikai sobu e na loma ni efa, nai vakatakarakara ni cakacaka vakatevoro me na biu laivi tu ki Papiloni 5-11.
1AU a qai ta cake tale e na mataqu, ka vakaraica, ka, raica, sa dua nai vola vivigi o vuka. 2A sa kaya vei au ko koya, A cava ko sa raica? Au a kaya, Au sa raica e dua nai vola vivigi e vuka; a kena balavu sa caga vasagavulu, kei na kena raraba e caga ruasagavulu. 3A sa kaya vei au ko koya,
O qo na vosa dauveivakarusai sa lako yani e dela i vuravura kecega; io, ko ira kece era butako era na bokoci laivi vakakina me vaka o na tabana o qo; kei ira kece era ruru era na bokoci laivi vakakina me vaka e na tabana ko ya. 4Au na vakauta yani, sa kaya ko Jiova ni lewe vuqa, io, ena laʼki curuma na vale ni daubutako, kei na nona vale sa vosavavakini vakailasu e na yacaqu; ena tiko talega e na loma ni nona vale, ka vakayavuna vata kei na kena kau kei na kena veivatu.
5Sa qai lako mai na agilose keirau sa veivosaki kaya, ka vaka vei au, Mo ta cake mada e na matamu, ka raica se na cava sa qai lako mai o qo. 6Au a kaya, A cava mada o qori? A sa kaya ko koya, O qo na efa sa lako mai. A sa kaya talega, Sa vakaoqo na kedra raici e vuravura kecega. 7Ka, raica, sa dua na uma bibi, a sa dua na alewa sa tiko e na loma ni efa. 8A sa kaya ko koya, Ko vu ni ca o qo. A sa biuta ki na loma ni efa; a sa biuta na uma bibi ki na draka ni efa. 9Au a qai ta cake e na mataqu; ka vakaraica, ka, raica, sa rua na alewa erau lako mai, ia na cagi sa tiko e na tabadrau; ni rau sa vakatabana vakabelo; a rau sa laveta yani na efa e na maliwa kei vuravura kei lomalagi. 10Au a qai vaka vua na agilose keirau sa veivosaki kaya, Erau sa kauta kivei na efa? 11A sa kaya vei au ko koya, Me tara na kena vale e na vanua ko Sainari: ni na vakaduri ka viritu maikea e na kenai tutu.
Currently Selected:
Ai Vola I Sikariya Na Parofita 5: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
