Ai Vola I Sikariya Na Parofita 4
4
Sa votu mai nai tutu-ni-cina koula, nai vakatakarakara ni vavakoso lewe ni soro, ni sa vakabulai tale, 1-10. Na olive e rua sa kedraui vakatakarakara na bete levu kei na turaga levu, 11-14.
1IA na agilose keirau sa veivosaki kaya, sa mai vakayadrati au tale, mo vaka na tamata sa vakayadrati mai na moce, 2a sa kaya vei au, A cava ko sa raica? Au a kaya, Au a vakaraica, ka, raica, sa dua nai tutu-ni-cina e koula walega, kei na kena bilo e delana, kei na kena cina e vitu e delana, kei na dui tabana yadua na cina, e tu e delana: 3ka rua na olive sa tu volekata, e dua e nai matau ni bilo, ka dua e na kenai mawi.
4Ia kaʼu a ia na vosa, ka kaya vua na agilose keirau sa veivosaki kaya, ka vaka, A cava na ka o qori, noqu turaga? 5A sa vosa na agilose keirau sa veivosaki kaya, ka vaka vei au, Sa sega li ni ko kila se na cava na ka o qori? Au a kaya, E segai, noqu turaga. 6A sa vosa ko koya ka kaya vei au, ka vaka, Sa vakaoqo na vosa i Jiova vei Sirupapeli, ka vaka,
Sa sega e na qaqa, se na kaukauwa, e na Yaloqu ga, sa kaya ko Jiova ni lewe vuqa. 7O cei ko iko, ulu-ni-vanua levu? e na mata i Sirupapeli ko na yaco me buca: ia ena kauta mai ko Koya nai vatu ei teteki o na tutu ni vale ni sa kailavaki kina, Me kalougata! me kalougata!
8A sa yaco tale na vosa i Jiova vei au, ka vaka, 9A liga i Sirupapeli sa tauyavutaka na vale o qo; a ligana talega ena vakaotia: ia dou na kila ni sai Jiova ni lewe vuqa sa talai au mai vei kemudou. 10Ia ko cei ka beca na siga ni ka lalai? ni ra na reki, ni ra raica na vatu i vakarau e na liga i Sirupapeli ko ira na mata e vitu o qori i Jiova, era veiciciyaki tu e vuravura kecega.
11Au a vosa tale, ka kaya vua, A cava na olive e rua o qo e nai matau ni tutu-ni-cina kei na kenai mawi? 12Au a baki vosa tale, ka kaya vua, A cava na taba ni olive e rua o qo erau vakayagataka na taba ni cina koula e rua mo livia vakai rau ga kina na waiwai koula? 13A sa vosa vei au ko koya, ka kaya, Sa sega li ni ko kila se na cava na ka o qo? Au a kaya, Sa segai, noqu turaga. 14A sa kaya ko koya, Sai rau o qo na lewe rua sa lumuti, erau tu e na mata i koya na Turaga ni vuravura taucoko.
Currently Selected:
Ai Vola I Sikariya Na Parofita 4: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
