Ai Vola I Sikariya Na Parofita 3
3
O Josua na lele levu, sa vakaraitaki mai mei vakatakarakara ni cakacaka ni Kalou mai Jerusalemi, me na vakataudeitaki tale, kevaka e talairawarawa, 1-7. O Karisito na Coke sa yalataki mai, 8-10.
1IA na agilose, sa vakatakilai Josua na bete levu vei au, sa wavu tu ko koya e na mata ni agilose i Jiova, ia ko Setani sa wavu tu e na ligana i matau me nona meca. 2A sa kaya ko Jiova vei Setani, Me vunauci iko, Setani, ko Jiova; io, me vunauci iko ko Jiova, o koya sa digitaki Jerusalemi: sa sega li ko koya o qo na qilaiso sa kaliraki mai na buka waqa?
3Ia ko Josua sa vakaisulu e nai sulu dukadukali, a sa wavu tu e na mata ni agilose. 4A sa vosa ko koya ka kaya vei ira era wavu tu e matana, ka vaka, Dou luvata tani vua nai sulu dukadukali. A sa kaya vei koya, Raica, au sa vakaseavutaka vei iko na nomu caka cala, ia kaʼu na vakaisulutaki iko e nai sulu vou. 5A sa kaya tale, Me ra vakaisalataka na uluna o nai sala savasava. A ra sa vakaisalataka na uluna o nai sala savasava, ka vakaisulutaki koya e nai sulu. Ia na agilose i Jiova, sa wavu tu mai. 6A sa vakadinadina na agilose i Jiova vei Josua, ka kaya, 7Sa vosa vakaoqo ko Jiova ni lewe vuqa;
Ia na noqu sala kevaka ko na muria, koi na noqu cakacaka kevaka ko na vakabauta, sai iko talega ko na qai lewa na noqu vale, ka vakatawa talega na noqu veilomanibai, ia kaʼu na solia vei iko na yasana mo lako voli vata kina koi ira era wavu tu mai. 8Mo rogoca mada, Josua na bete levu, o iko, kei ira na nomui tokani era tiko e matamu; (ni ra tamata sai vakatakarakara,) ni sai au, raica, kaʼu na kauti koya mai na noqu tamata na Coke. 9Ia, raica, na vatu kaʼu a viritaka o na mata i Josua; e na vatu ko ya sa dua ga ena vitu na matana ena qarava tiko: raica, oi au kaʼu na ceuta na kenai ceuceu, sa kaya ko Jiova ni lewe vuqa, ia kaʼu na kauta tani na caka cala ni vanua ko ya e na siga e dua ga. 10E na siga ko ya, sa kaya ko Jiova ni lewe vuqa, dou na dui kaciva na kai nomudou, mo mai tiko o na ruku ni vaini, kei na ruku ni lolo.
Currently Selected:
Ai Vola I Sikariya Na Parofita 3: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
