Ai Vola I Sikariya Na Parofita 2
2
A Kalou, ni sa lomani Jerusalemi, sa tala e dua me vakarauta, 1-5. A nodra veivakabulai na kai Saioni, 6-9. Sa yalayala na Kalou me tiko kei ira, 10-13.
1AU a qai ta cake e na mataqu, me vakaraica, ka, raica, sa dua na tamata, ia: e na ligana sa dua na wa i vakarau. 2Au a qai kaya, O sa lako kivei? A sa kaya vei au ko koya, Me vakarauti Jerusalemi, me raica se na cava na kena raraba, kei na cava na kena balavu. 3Ka, raica, na agilose keirau sa veivosaki kaya sa lako yani, a sa dua tale na agilose sa mai tavaki koya, 4ka kaya vua, Mo cici, ka vosa vua na cauravou o qori, ka kaya,
Ena tawa ko Jerusalemi me sivia sara na kena bai, e na vuku ni kena levu ni tamata kei na manumanu ena tiko kina: 5ia koi au kaʼu na yaco, sa kaya ko Jiova, me kena bai buka e volita, me kenai ukuuku talega e lomana.
6Ye, Ye, koi kemudou, ia dou dui dro mai na vanua mai na tokalau, sa kaya ko Jiova: ka ni sa vaka na cagi e va kei lomalagi kaʼu a dui veiseyaki kemudou, sa kaya ko Jiova. 7I Saioni, mo vakabulai iko, sa tiko kaya na gonealewa ni Papiloni. 8Ni sa vosa vakaoqo ko Jiova ni lewe vuqa; Ni sa liu mai nai ukuuku sa qai talai au emuri ko koya ki na veimatanitu sa vakacacani kemudou: ia ko koya sa tarai kemudou sa tara na loa ni matana, 9Io, raica, au na laveta na ligaqu vei ira, a ra na yaco mei toki ni valu vei ira na nodra bobula: ia dou na kila ni sa talai au mai ko Jiova.
10Mo meke ka marau, na gonealewa ni Saioni: ni sai au, raica, ena lako mai, ia kaʼu na tiko e na kemudou maliwa, sa kaya ko Jiova. 11Ia na lewe ni matanitu e vuqa ena veivau kei Jiova e na siga ko ya, ka yaco me noqu tamata: au na tiko talega e na kemudou maliwa, ia dou na kila ni sai Jiova sa talai au mai vei kemudou. 12Ia ko Jiova ena taukeni Juta na nonai votavota e na vanua tabu, ka digitaki Jerusalemi tale. 13Dou tiko lo na tamata kecega e na mata i Jiova: ni sa tu cake ko koya mai na nonai tikotiko tabu.
Currently Selected:
Ai Vola I Sikariya Na Parofita 2: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
