Ai Vola Vakaibalebale 15
15
1A VOSA malumalumu sa saumaka tani na cudru: ia na vosa vakararawa sa vakatubura na cudru.
2A yame ni vuku sa vosayagataka na ka era kila: ia mai na gusudra na lialia sa tavure tu na ka lialia.
3E na yasana kece ka sa tiko ga na mata i Jiova, ka sa raici ira tiko na ca kei na vinaka.
4Sa kau ni bula na yame dauveivaka-bulai: ia ni sa tu kina na ka vakatani, sa mavoa kina na yalo.
5O koya sa lialia sa beca nai vakavuvuli i tamana: ia ko koya sa vakabauta na vunau sa yalomatua.
6E nona vale na yalododonu sa tu kina nai yau levu: ia na nodra vuata nai valavala ca sa tu vata kei na rarawa.
7A tebenigusudra na vuku sa kaburaka na vuku: ia na lomadra na lialia sa sega ni vakakina.
8A ka vakasisila vei Jiova na nodrai soro nai valavala ca: ia na nodra masu na yalododonu sa vinakata ko koya.
9A ka vakasisila vei Jiova na sala ni tamata ca: ia ka sa lomani koya sa muria na ka dodonu.
10Ai vakavuvuli sa ka ca vua sa biuta na sala: o koya sa cata ni vunauci ena mate.
11Ko etesi kei na rusa sa tu ga e na mata i Jiova: me tawa vaka dina talega kina evei na lomadra na luve ni tamata?
12Sa tawa lomani koya sa vunauci koya na dauveivakalialiai: ena sega ni via lako ko koya vei ira na vuku.
13Ni sa marau na loma ni tamata, sa vinaka kina na matana: ia ni sa rarawa na lomana, sa ramusu kina na yalona.
14A lomana na yalomatua sa gu me vuku: ia na gusudra na lialia sa kana ki na ka lialia.
15A nodra siga kecega era rarawa tiko sa ca: ia ko koya sa vinaka na lomana, sa nona na solevu sa ia tikoga.
16Sa vinaka na ka lailai sa tu vata kei na rerevaki Jiova, ka ca nai yau levu sa tu vata kei na rarawa.
17Sa vinaka me keda kakana na rourou kei na loloma me kenai coi, ka ca na karavau uro kei na veicati me kenai coi.
18A tamata daucudru sa dauvakatu-bura na veileti: ia ko koya sa cudru malua sa ia me cegu na veileti.
19A nona sala na vucesa sa vaka na bai soni: ia na nodra sala na yalododonu sa caramaki tu.
20A gone vuku sa marau kina ko tamana: ia na tamata lialia sa beci tinana.
21Sa ka ni marau na lialia vei koya sa tawa vakayalo: ia na tamata lomavuku sa vakadodonutaka na nonai lakolako.
22Ni sa sega na bose, sa tawa yaco na ka e nanumi: ia ni ra sa lewe vuqa na daubose, sa vakataudeitaki.
23Sa na marau na tamata e na vuku ni vosa ni gusuna: ia na vosa e na gauna e yaga kina, na kena vinaka!
24A nodra sala ni bula na vuku sa vaka kicake, me lako tani mai eli sa koto vaka kira.
25A nona vale na viavialevu ena vakarusa ga ko Jiova: ia ena vakataudeitaka nai yalayala ni nona vanua na alewa dawai.
26A ka vakasisila vei Jiova na ka era nanuma nai valavala ca: ia sa vosa kamikamica na nodra vosa na yalosavasava.
27E dauvakararawataka na nona vale ko koya na daukocokoco; ia ko koya sa cata nai solisoli ena bula.
28A lomana na yalododonu sa daunanuma na ka me kaya: ia mai na gusudra na tamata ca sa tavure tu na ka ca.
29Sa yawa tiko ko Jiova vei ira nai valavala ca: ia na nodra masu na yalododonu ena rogoca ko koya.
30A rarama ni mata sa marau kina na loma ni tamata: ia nai rogo vinaka sa uro kina na suina.
31A daliga sa daurogoca na vunau ni bula sa na dautiko kei ira na vuku.
32O koya sa bese ni vunauci sa cata na yalona: ia ko koya sa vakarorogo ki na vunau ena lomavuku mai.
33A rerevaki Jiova na vuli vuku; a sa muri na vakarokorokotaki ka liu na yalomalumalumu.
Currently Selected:
Ai Vola Vakaibalebale 15: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
