Ai Vola Vakaibalebale 14
14
1O IRA na alewa vuku era sa dui tara cake na nodra vale: ia ko koya sa lialia sa busuka sobu ga e na ligana.
2O koya sa muria lako na nona yalododonu sa rerevaki Jiova: ia ko koya sai valavala veve sa beci koya.
3Sa kei gusuna na lialia nai wau ni viavialelevu: ia na tebenigusudra na vuku ena maroroi ira.
4Ni sa sega kina na karavau, sa savasava na lomanibai: ia ka sa levu na vuata e na kaukauwa ni karavau.
5A dautukutuku lomadina ena sega ni lasu: ia ena cavuta na ka lasu ga na dautukutuku vakailasu.
6A tamata be sa gu me vuku, ka sega ga: ia na vuku sa rawarawa ga vua sa yalomatua.
7Mo lako tani vua na tamata lialia, ni ko sa sega ni kunea vua na tebenigusu vuku.
8Sa nona vuku na yalomatua me kila rawa na nona sala: ia na nodra lialia na yalolialia nai lawaki.
9O ira na lialia era dredrevaka nai valavala ca: ia ka sa tu vei ira na yalododonu na loloma.
10A loma ni tamata sa kila na nona rarawa; ia ni sa marau ko koya, sa sega na tani me veikilaki kaya.
11A nodra vale nai valavala ca ena bokoci laivi: ia na nodra vale malo na yalododonu ena bulabula ga.
12Sa dua na sala sa vaka sa dodonu vua na tamata, ia na kenai otioti sa sala ga ni mate.
13Io ni sa ia tiko na dredre sa rarawa ga na loma ni tamata; ia nai tinitini ni marau ko ya na lomabibi.
14E na nonai valavala ga e sa vuki tani na lomana ena vakamamautaki kina ko koya: ia maivei koya ga vakai koya na tamata vinaka sa na tubu kina na nona vakacegu.
15O koya sa tawa vuku sa vakabauta na vosa kecega: ia na yalomatua sa daulewa na nonai lakolako.
16O koya sa vuku sa rere, ka lesu tani mai na ca: ia na lialia sa cudru, a sa via-qaqa.
17O koya sa daucudru sa caka vakalialia: kei na tamata sa daunanuma ca sa na cati.
18O koya sa tawa vuku sa taukena na ka sesewa: ia ko ira na yalomatua era na vakaisalataki e na vuku.
19Sa cuva na tamata ca vei ira na vinaka; kei ira nai valavala ca, e na mata ni nodra katuba na yalododonu.
20Vua talega na kai nona ka sa cati kina ko koya sa dravudravua: ia ka ra lomani ira na vutuniyau ko ira na lewe vuqa.
21O koya sa beca na kai nona sa caka cala: ia ko koya sa yalololoma vei ira na dravudravua, sa kalougata ko koya.
22Era cala se segai ko ira era vakananuma ca? ia na loloma ga kei na ka dina ena nodra era vakananuma vinaka.
23E na cakacaka kecega sa tubu kina na ka e so: ia na vosa ni tebenigusu sa yaco ga kina na dravudravua.
24A nodrai sala na vuku na nodrai yau: ia na nodra lialia na lialia na ka vakalialia ga.
25Sa ia na veivakabulai ko koya na dautukutuku dina: ia ka sa cavuta na lasu ko koya na dauveivakaisini.
26Sa tu vata kei na rerevaki Jiova na vakararavi kaukauwa: ia na luvena ena dua na nodrai drodro.
27A rerevaki Jiova nai vurevure ni bula, me lako tani mai nai cori ni mate.
28Ni ra lewe vuqa na tamata, sa rogo kina na tui: ia ni ra lewe lailai mai na tamata, sa rusa kina na turaga.
29O koya sa berabera ni cudru sa vuku sara: ia ko koya sa daucudru sa vakarewa-taka na lialia.
30Ni sa vakabulai na yalo, sa ka e bula kina na yago: ia sai vakavuca ga ni sui na vuvu.
31O koya sa vakasaurarataka na malumalumu sa vunauci Koya ka Buli koya: ia ko koya sa vakarokorokotaki koya sa yalololoma talega vua na dravudravua.
32Ni sa ca tiko ko koya, sa vakasavi tani na tamata ca: ia ka sa vakararavi tiko ni sa mate ko koya sa yalododonu.
33E lomana na yalomatua sa tiko dei kina na vuku: ia na ka e tu e lomadra na lialia sa dautukuni.
34Ai valavala dodonu sa vueta na matanitu: ia na kenai rogo ca na mataqali nai valavala ca.
35A nona loloma na tui sa vaka vua nai talatala vuku: ia na nona cudru sa vaka vua sa ia na veivakamaduataki.
Currently Selected:
Ai Vola Vakaibalebale 14: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
