Ai Vola Vakaibalebale 12
12
1O KOYA sa vinakata ni vakavulici sa vinakata na vuku: ia ko koya sa cata ni vunauci sa druma.
2A tamata vinaka e daukune loloma maivei Jiova: ia na tamatai lawaki ca ena vakacala ko koya.
3Ena sega ni vakataudeitaki na tamata e nai valavala ca: ia na wakadra na yalododonu ena sega ni yavalati.
4Na alewa yalovakamarama nai sala talei vua na watina: ia ko koya sa ia na veivakamaduataki sa vaka nai vakavuca ni suina.
5A nodra vakanananu na yalododonu na ka dodonu: ia na ka era bosea nai valavala ca na vere.
6A nodra vosa nai valavala ca me bati-kadi: ia na gusudra na yalododonu ena vakabulai ira.
7Era sa vukici nai valavala ca, ka yali: ia na nodra vale na yalododonu ena tiko dei.
8Ena vakavinavinakataki na tamata me vaka na nona vosa vuku: ia ko koya sa yalovakatani ena beci.
9Sa vinaka ko koya sa beci, ka sa qaravi koya vakai koya, ka ca ko koya sa daudokai koya, ka sa lailai na kena.
10Sa nanuma ko na yalododonu na kena bula na nona manumanu: ia na nodra yalololoma nai valavala ca na lomaqa.
11O koya sa daucakava na nona were ena mamau e na kakana: ia ko koya sa muri ira na ka wale sa tawa vakayalo.
12O ira nai valavala ca era sa daudomona na nodra lawa na tamata ca: ia na wakadra na yalododonu sa vua.
13Ni sa cala na tebenigusuna na tamata ca, sa tacori kina: ia ena bula mai na ka rarawa na yalododonu.
14E na vuku ni vua ni gusuna ena mamau kina na tamata e na vinaka: ia nai sau ni ligana na tamata ena soli vua.
15A nona sala na tamata lialia sa ka dodonu e matana: ia ko koya sa rogoca na ka e vakavulici sa vuku.
16Sa kilai sara ga na nona cudru na tamata lialia: ia ka sa vunia na madua ko koya sa yalomatua.
17O koya sa dauvosa dina sa tukuna na ka dodonu: ia na dautukutuku lasu, sa tukuna na veivakaisini.
18Sa dua e sa vosa me vaka sa suaka e nai seleiwau: ia na yamedra na vuku sa ia na veivakabulai.
19A tebenigusu dina ena vakataudeitaki ka tawa mudu: ia ka sa dede vakalailai ga na yame daulasu.
20A ka lasu sa tiko e lomadra era dau-vakanananu ca: ia ka sa nodra era bosea na sautu na marau.
21Ena sega ni yacovi ira na yalododonu e dua na ka ca: ia ko ira nai valavala ca era na sinai e na ca.
22A ka vakasisila vei Jiova na tebenigusu lasu: ia ko ira era caka dina sa rekitaka ko koya.
23A tamata yalomatua sa vunia na vuku: ia na lomadra na lialia sa tukuna na ka lialia.
24A liga dautara ka ena ia na lewa: ia ko koya na lawaki ena kaui vakacavacava.
25Ni sa bibi na loma ni tamata sa vakacuva: ia na vosa vinaka sa vakamarautaka.
26Sa vinaka cake na yalododonu vei rau na tai nona: ia na nodrai valavala na tamata ca sa vakacalai ira.
27Sa sega ni tavuna ko na lawaki na ka e sa rawata ni sa vakasava ko koya: ia na nonai yau na tamata daucakacaka na ka talei.
28E na sala ni valavala dodonu sa tiko na bula; ia e na salatu ko ya sa sega kina na mate.
Currently Selected:
Ai Vola Vakaibalebale 12: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
