2 Timoteo 2 TIMOTEO
2 TIMOTEO
Li'i ja' xcha'pocal carta itacbat batel li Timoteoe. Ja' sventa laj yich' bijubtasel yan velta jech chac c'u cha'al chal li sba cartae, xchi'uc oy c'usi ach' laj yich' albel batel. Laj yich' albel batel ti mu me xq'uexov ta xcholel li Lequil A'yeje, xchi'uc ti ac'o ts'icuc yu'un li vocol jech chac c'u cha'al jun lequil soldadoe. I'albat noxtoc ti ac'o sq'uel sba ta sventa li chopol chanubtaseletic te ta stojolique.
¿Boch'o la sts'iba li vun li'i? Ja' la sts'iba li Pabloe. Ja'o la sts'iba ti c'alal tiq'uil xa'ox ta chuquel ta Romae (1.8,16,17; 2.9). La sna' ti mu xa xcol loq'uel ta chuquele, ti te xa ta xcham oe (4.6-8). Ja' yu'un lec xvinaj c'u x'elan ic'opoj, abul sba laj ya'ay ti stuque, ti ictabil yu'un xchi'iltaque (4.10-11). Ja' yu'un tsc'an tsq'uel, tsc'an to tsc'opan li xnich'on ta sventa Cajvaltique, xchi'uc laj yalbe lec comel c'usi ac'o spas. Ta 1.12 chvinaj ti ja' spatoj o yo'nton ti mu alticuc li c'usi xch'unoje.
¿C'usi ora laj yich' ts'ibael? Li c'usi ora laj yich' ts'ibaele ja' ta vaquib xchanvinic, o ta vucub xchanvinic (66-67 d.C.) jabil svoq'uel li Cajvaltic Jesucristoe.
Li vun li'i voc'bil ta vucvoc':
I.
Ta cap. 1.1-5: Sliqueb carta, xchi'uc stojbel ta vocol Dios
II.
Ta ver. 6-18: Tsc'an mu xijq'uexovutic ta sventa li Lequil A'yeje
III.
Ta cap. 2: I'albat ti ac'o sts'ic vocol li Timoteoe, xchi'uc tsc'an chac' ta ilel c'usi lec
IV.
Ta cap. 3.1-9: Sc'oplal c'usi chc'ot ta pasel ta slajebtic batel c'ac'al
V.
Ta cap 3.10-17: I'albat lec mantal li Timoteoe
VI.
Ta cap. 4.1-8: Laj yal Pablo ti chapal xa sventa chac' sba ta milele
VII.
Ta ver. 9-22: Patub o'ntonal
Currently Selected:
2 Timoteo 2 TIMOTEO: TZE97
Highlight
Share
Copy
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.