1 Crónicas 25
25
Sc'oplal jtijsonetic xchi'uc jq'uejimoletic
1Li David xchi'uc li banquilal j'abteletic yu'un Diose la svoq'uic ta sventa jchop abtel li xnich'nab Asaf, Hemán, xchi'uc Jedutune. Ja' yabtel chq'uejinic ta arpa, ta muc'ta arpa, xchi'uc ta sepsep taq'uin. Ja' tsq'uejintaic c'usi chc'ot ta pasel. Li viniquetic ti ja' yabtelic oe ja' li'i:
2Li xnich'nab Asaf ja' li Zacur, José, Netanías, xchi'uc Asarelae; ja' chnitatic yu'un li Asafe, ja' li stotique. Ja' li boch'o chal c'usi chc'ot ta pasel c'alal ch-albat mantal yu'un ajvalile.
3Li vaquib xnich'nab Jedutune ja' Gedalías, Zeri, Jesaías, Hasabías, Matatías, xchi'uc Simei. Ja' ventainbilic noxtoc yu'un li stotic Jedutune. Ja' tsq'uejintaic c'usi chc'ot ta pasel. Oy lec yarpaic sventa chich'ic ta muc', sventa chalbeic slequilal li Muc'ul Diose.
4Li xnich'nab Hemane ja' Buquías, Matanías, Uziel, Sebuel, Jeremot, Hananías, Hanani, Eliata, Gidalti, Romanti-ezer, Josbecasa, Maloti, Hotir, xchi'uc Mahaziot. 5Scotol le'e ja' xnich'nab li Hemane, ja' li jun j'alc'op ti chjac'bat yu'un ajvalil c'usi tsc'an Dios tspase. Albil ono'ox yu'un Dios ti ch-ac'at ta ich'el ta muq'ue, jech i'ac'bat chanlajuneb (14) squerem xchi'uc oxib stseb yu'un li Diose. 6Scotolic le'e ja' chnitatic yu'un stotic ti c'alal chq'uejinic ta sepsep taq'uinetic, ta arpaetic, xchi'uc ta muc'tiquil arpa ta stojol Dios te ta ch'ulnae.
Li Asaf, Jedutún, xchi'uc Hemane ja' pasbilic ta mantal yu'un li ajvalile. 7Ti c'u yepal ta scotolic li jtijsonetic ti lec chapalique ja' chib ciento xchi'uc vaxquib yo'vinic (288); te xa capal o li yantic xchi'ilic ti lec xchanojic q'ueoje.
8Jech lic spasic canal tajimol, yu'un tsq'uelic c'u x'elan tsjelilan sbaic ta jujutsob. I'ochic c'alal ta muc' ta biq'uit, c'alal ta jchanubtasvanejetic, xchi'uc li boch'otic ja' to chchanique.
9-31Ti c'u x'elan iloc' yu'unic li canal tajimole ja' jech xcholet xyal chac li'i; xlic ta sba c'alal ta chanib xcha'vinic (24):
José,
Gedalías,
Zacur,
Izri,
Netanías,
Buquías,
Jesarela,
Jesahías,
Matanías,
Simei,
Azareel,
Hasabías,
Subael,
Matatías,
Jeremot,
Hananías,
Josbecasa,
Hanani,
Maloti,
Eliata,
Hotir,
Gidalti,
Mahaziot,
Romanti-ezer.
Li jujunic le'e oy lajchabic c'alal ta xchi'iltaquic ta voq'uel xchi'uc c'alal ta xnich'nabic.
Currently Selected:
1 Crónicas 25: TZE97
Highlight
Share
Copy
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.