2 Korinito 6
6
1Noro ane noro Eloi kiripai iaki limakina, enei nanuku‐nakana Eloi inu la’aruku pa miai uku eria eiai.
2(Uku U erau voa kuruna, Umu unu pani ai nomo voa Nai viriane euna, iawka anu pani ai Nai painaka’ane euna: Akoi’i, eai umu unu pani; Akoi’i, eai iawka anu lare.)
3Auawia eria enei aina, ene omoro iaki enei makiri?-?li’‐inavaia:
4I opara uriria enei Eloi inu aivara a’a ipakiakeia’?-?ane‐iai, i lai kekepa, i maia ane, i oea ane, i kukupuna ane,
5I vaki‐awmia ane, i kipura piria ane, i a’a aruru unu iara, i iaki mu’u, i awaw eria, i pei oea;
6I lai urupu, i lai evera, i lai iviri, i umu, I Avaea Iaa, i umu miki avu’avu eria keina,
7I Iva voa miki, i Eloi inu iva, i opara anana anu aiau‐awre eve miki mekai, eve keau mekai ane,
8I avioia, i makiri ane, i onailia uru, i uru ima ane: ewaea a’a orau enei a’a miki keina;
9Rurupu a’a orau enei ima ipaliakeina; a’a orau imumakina, akoi’i, enei rokona; Eloi inu vaki‐awmia a’a orau, a enei avakeiape;
10Lai kukunu a’a orau, enei panipani ai kopai‐lima?-?kina; aru eria rurupu a’a orau a’a aila enei pai’ekana; awku eria mia a’a orau, awku uriria enei mi’ina.
11Korinito a’a e, ene ane‐epo auakeina noro eiai, ene umu ane peava‐eakeina.
12Ene umu akiki eria mi’ina noro eiai: akiki nomo umu laru ai keina.
13(Na ukua mere orau nai kurunaina) Uku kavani eiai nomo umu noro peava?-?eine.
14Inaka‐lia a’a kiripai keava‐keava painakiakeiai noro pa evere’eai; opara anana, opara namea ane, orere oiama‐mi’i mikiriakeina? Pamea, muru ane, orere oiama‐mi’i mikiriakeina?
15Lai ipi’ipia oiana Keriso, Beliala ane, mi’ina? Lai ipi’ipia oiana pirimaroakoa a’a, lai inaka‐lia a’a ane, mi’ina?
16Oi kuruei voa ana Eloi inu ravi, ravi imunu ane, mi’ina? Uku noro Eloi rokoa anu ravi keina; orau Eloi erau voa kuruane euna, Oro laru ai Nai pokoiakana, oro awkono avao ai Nai are rokoakana; omo Eloi Nai rokoakana, na a’a oro keiakana.
17Ou uku eiai oro awkono avao mere noro elemanene, lainakine ane, opara upu pa nekeai, Nai na?-?miakana. Amua anu voa ioure.
18Nai Mai keiakana noro eiai, Na ukua‐mere, Na paka?-?ukua ane, noro keiakana. A’a uriria anu Amua‐Mai inu voa ioure.
Currently Selected:
2 Korinito 6: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
