2 Korinito 5
5
1Enei ipali’ina ene pani va’au unu aki‐marea enaka?-?vakeia’ane, marea Eloi la‐oka’ane euna pani muku ai enei mi’ina, opai marea i a’a anu eve la‐okavakeiapea.
2Ei marea laru ai enei i’i‐li’ina kapoi, ene pani muku marea ei marea upa mere luki‐awmiai enei umuli’ina:
3Enei orau luki‐amia?-?keia’ane enei irikaiva auiaia?-?keiapea.
4Enei ane enei ei marea ai pokoina, enei i’i‐li’ina kapoi ene paua arau ai; marea auai enei eai luki?-?amiakeina enei umu‐a‐li’inakea, a marea mo luki‐awmiai enei umuli’ina, uku pomoa kape i rokoa enaka?-?vakeia’ane‐iai.
5U ane U aiane euna ei uku eiai U Eloi rokona, ei kopai inu veia eiai Una Avaea U akuane euna.
6Ei uku eiai lai kopai enei mi’ina. Enei ipali’ina enei kape laru ai pokoiane, Amua mere enei lai‐akavakeina.
7I pirimaroakoa enei rokona, i inamu unu emai peo.
8Enei lai kopai mi’ina, kopai re enei araea’araea li’ina kape mere lai‐akava?-?keiai Amua ai enei enava’ane‐iai.
9Enei marea ai naea, keke’e naea, ei uku eiai enei iaki li’ina, enei kopai‐aw?-?kava’ane‐iai.
10Uku Keriso onu voa vevea pakara paku ai enei uriria ereai limakina; uku a’a kavakava kavani miane‐iai una opara eiai ei rokoa pani ai, orau u liane euna, opara ima naea, opara namea naea.
11Uku Eloi inu iara enei ipali’ina a’a ailieai enei ipia‐mimakina, ene lai Eloi ipali’ina, nai araea’araea li’ina nomo umu laru ai noro awku ene lai ipali’ina.
12Ene nane enei moawku a‐kepoinakea nomo avioia eiai, a meramera voa anu uku enei nakuna enei eiai, uku noro kavani voa miane‐iai a’a eiai, oro meramera voa kuruna uku iki awku kavakava eiai, umu larua miki awku eiai oro voa eria mi’ina.
13Enei avu’avu keia’ane euane, Eloi inu evao’evao eiai enei avu’avu keia’ane euna; enei eai lai evera keia’ane, uku kamaia‐nakavai enei lai evera keina.
14Uku Keriso onu umu awkoni‐akana; ene lai inu voa vevea eire, Monou imuane euane a’a uriria eiai, Una imua omo imua kei’inave;
15A’a uriria eiai U imunave uku rokoa a’a omo nane eiai manipu rokonavaia, a uku U eiai oro rokoane‐iai oro eiai U imunave, imua mere moawku U la’anave.
16Ei uku eiai a’a kapeo enei ipaliakana uku u a’a rokona. Keriso a’a orau enei ipaliane euane, a eai a’a orau enei a‐ipa‐ulaunakea.
17A’a Keriso laru ai rokoa’ane, u a’a nawawrea keina: eni opara periakeina, awku uriria nawawrea evere’eiane euna.
18Ei awku uriria Eloi mere anena, U ane Una nane eiai i Iesu Keriso U airu?-?aiane euna, airu‐ea anu iaki U akuane euna ane.
19Enei a’a ipekiai limakina Eloi Keriso laru ai rokoamakei’inave, pani va’au airu‐eimakei’inave Una nane eiai, a’a anu namea U a‐akoamakei’inavea oro eiai; airu‐ea anu Iva voa U akuane euna ane.
20Ei uku eiai Keriso onu Iva a’a orau enei anena; ene ane‐epo mere orau Eloi nawki‐awkamakina; Keriso eiai enei nawki‐nakana, Eloi kiripai noro airu‐naiakeiai.
21Uku U ane U namea eria ipali’inave, Eloi namea?-?eanave enei eiai; uku U laru ai Eloi inu opara anana enei evere’aiakeia’ane‐iai.
Currently Selected:
2 Korinito 5: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
