2 Korinito 4
4
1Uku ei iaki enei li’ina, uku umu awku ipakiakeia’ane euna, enei oia eavuliapea.
2Vauavaua opara makiri ipawkina enei lariliane euna. Ewaea opara enei a‐li’inakea, Eloi inu Iva voa enei arauau?-?a‐li’inakea; voa miki iki enei omoro kuruna Eloi inu paku ai enei aviaiakeia’ane?-?iai a’a kavakava anu lai laru ai.
3Ene Iva voa vauakiakeia’ane euane, oro mere oro imua anu kapea ai enamakina kurua voa vauakiakeia’ane euna.
4Ei pani va’au unu eloi omo lai inamu‐apua eiane euna, oro ane oro pirimaroakoape, uku Keriso onu evao’evao Iva voa anu pamea oro laru ai akuru‐li’inavaia, Keriso ane U Eloi inu aipo ua?-?rokona.
5Ene uru enei a‐upuru?-?kinakea, a Keriso Iesu U Amua ua‐rokona enei omoro kuruna: enei nomo aivara keina uku Iesu eiai enei omoro kuruna ane.
6Uku Eloi, U ane U erau voa kurunave, Muru mere pamea akuru‐li’inamoki, ene umu laru ai U akuruliane euna, Eloi inu evao’evao onu lai evera anu pamea akuai, kurua evao’evao Keriso onu paku ai akuruli’ina.
7A ei pamea enei mi’ina avelaru ka’e vana laru ai uku ipawkiai ei iva re Eloi inu iva, ene iva peo.
8Enei kouakoua lai‐akavakeina, a enei awkoni‐aka?-?vakeiapea: enei lai kuku?-?puna‐akavakeina, a enei lai iakari‐akavakeiapea.
9Enei mani‐akavakeina, a paioka eria enei ave’aia?-?keiapea: ka’e ai enei kaiaia?-?keina, a enei a’avakeiapea.
10Panipani ai, mako?-?mako ai enei enana ene kape laru ai Iesu unu ava?-?keimakina enei vakarumakina, uku Iesu unu rokoa ene kape laru ai ipawkia?-?keia’ane‐iai.
11Uku enei ane, enei rokona, panipani ai ene nane enei ekumakina oro imuane‐iai uku Iesu eiai, uku Iesu unu rokoa ene imua kape laru ai ipawkiakeia’ane‐iai.
12Panipani ai enei imumakina, noro kopai rokoamakina.
13Kurua pirimaroakoa anu avaea enei mimakina u ane u miaka, u erau voa kikirinave, Nai pirimaroakoanave, ou uku eiai nai kuruane euna, enei awku pirimaroakona, ou uku eiai enei kuruna ane.
14Uku enei ipali’ina U ane U Amua Iesu imua mere la‐okanave, U la’akavakana ane Iesu kiripai pokoiai, enei, noro awku, Una paku ai oiai U aiakana.
15Awku uriria rokona uku noro eiai, uku la’aruku evereverea i a’a aila anu kopai mere Eloi avioiane‐iai.
16Ei uku eiai enei oia eavuliapea; ene iki kape a’a imumakeia’ane, ene larua a’a lare kavakava nawawrea?-?eakeina.
17Uku ene paraka kukupuna pani mau’u e eiai, kurua kukupuna evao’evao re eamakina enei eiai, lia, opai evao’evao re u eamakina;
18Awku oro inamu‐eiakeina enei inamu‐ekiekava?-?keiapea, a vauki‐rokoa awku enei inamu‐eki‐ekana: uku awku inamu‐eiakeina oro pomoa keina, vauki‐rokoa awku oro opai keina.
Currently Selected:
2 Korinito 4: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
