2 Korinito 3
3
1Ene nane enei amakepoi’i? A’a varomo orau enei awku kepoia revareva voa umu‐amali’i noro eiai naea, noro mere naea?
2Noro ene paioka voa revareva keina, revareva ene umu upa mere kikiriakeina, i a’a uriria ipaliakeina, oraia?-?keina ane.
3Uku a’a uriria inamu‐oiai li’ina noro Keriso onu revareva akuakeina enei oiviriai, revareva i inika kikiriakeiapea, a i Eloi rokoa anu Avaea kikiriakeina, rawre upa mere kikiriakeiapea, a a’a anu umu upa mere kikiriakeina.
4Pirimaroakoa orau Eloi inu paku ai i Keriso mere enei mi’ina:
5Enei verukua awku evere’eai liapea ene lai e mere; a ene lai evera Eloi mere anena.
6U ane U lai evera akuane euna kuruei voa nawawrea anu iaki kamaia‐liai, kurua kuruei voa revareva kikiriakeiapea, kurua voa Avaea keina; kikiria kuruei voa imua awkuna, a Avaea rokoa awkuna.
7Imua anu kikiria vupu rawre upa mere kikiriakeina evao’evao keia’ane, Isaraela a’a Mose enu paku inamu‐ekiai a‐li’inavea uku una paku unu evao’evao eiai; kurua evao’evao oa’amakei’inave:
8Avaea anu kamaia iaki evao’evao‐mai peana?
9Mua‐awkava kamaia iaki evao’evao miaka’ane, kamaia iaki opara anana ipawkina evao’evao‐mai mi’ina kapoi.
10Uku kurua awku evao’evao eakei’inave, kurua awku eai evao’evao eria mi’ina, eni evao’evao eai evao’evao paku ai paueakeina.
11Kurua pauea awku evao’evao kei’inave’ane, opai awku ane u uakeina u evao’evao‐mai kapoi.
12Uku araea’araea orau enei mi’ina, enei iviri kuruna:
13Enei Mose ipi‐awmia?-?pea, una paku lalavia kapua u ruawkinave Isaraela a’a inamu‐oinavaia kurua evao’evao oa’amakei’inave.
14A omo lai inamu‐apua eiakei’inave: uku anea’anea eai Iaa Revareva voa omo paku ai oraiakeia’ane lalavia kapua omo lai upa mere uakeina; kurua lalavia kapua Keriso e laru ai oavakeina.
15A anea’anea ei lare ai Mose enu vupu voa oraiakeia’ane, lalavia kapua omo umu upa mere uakeina.
16A kaki a’a anu umu Amua ai vairuane, lalavia kapua iou‐miakeiakana.
17Amua, Avaea ane, orere monou ua‐rokona: iou ai Amua anu Avaea i‐pokoina, iou ai ururua awku uakeina.
18Enei uriria, lalavia kapua eria paku akuru varivari orau Amua anu evao’evao ipawkimakina, Una aipo orau enei ae’aiakeima?-?kina, evao’evao monou mere evao’evao e i, i Amua anu Avaea.
Currently Selected:
2 Korinito 3: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
