2 Korinito 2
2
1A uku nai eiai nai evere’eane euna nai moawku anea’ane noro ai, lai kukunu nai miapea.
2Nai kukunu‐nakava’ane, koama‐rokoa’i kopai?-?ikavai? Oro e nai kukunu?-?ekana, a’a e peo.
3Ei uku eiai nai ei revareva kikirinaina, nai anea’ane nai kukunu mi’inavaia oro mere, oro ane mere kopai miai nai umuli’ina; uku nai ipali’ina noro uriria anu kopai na kopai ane.
4Lai kukupuna ovara, umu kukunu ane, inamu‐ere aila ane, nai kikirinaina; nai kikiriape kukunu‐nakavai, a uku na umu ovara noro eiai noro ipaliane‐iai.
5A’a kukunu eane euane, nai e kukunu‐ikavakeiapea, a noro uriria u kukunu‐na?-?ka’ane euna.
6Uku kurua a’a kavani noro a’a aila awkunave kavani miki keina.
7Uku una kavani oailiakeina, eai noro paue’awmiai limakina, paiokavai limakina ane, i lai kukunu ovara u enakavakeinavaia.
8Ou uku eiai nai nawki‐nakana nomo umu noro moawku ipawkiai.
9Ei uku eiai nai ei revareva kikirinainave uku ipia‐namiai, nai ipaliane‐iai noro kamaia a’a keia’ane.
10Noro a’a paue‐awmiane, nai awku paue‐awmi’?-?ina; nai paue‐awmiane euane, nai paue‐awmiane euna panipani ai uku noro eiai Keriso onu paku ai;
11Uku Satani mani‐aka?-?navaia: uku enei pauapaua keiapea una opara eiai.
12Ei voa ane, Toroa ai nai aneaka’ane Keriso onu Iva voa omoro kuruai, i Amua anu umu kikau auakei’inave na paku ai,
13Airu eria na avaea laru ai nai miaka uku Tito na aroa a’a nai auiai a‐li’inavea; nai kepeinave, Makedonia ai anenave ane.
14A Eloi kopai‐awkane, U ane Keriso laru ai ene paku ai panipani ai U enana, Una lai evera anu mera muri i ene U ipawkina mako‐mako ai.
15Uku Eloi eiai Keriso onu mera muri enei rokona, oro laru ai U i’ekamakina, oro awku laru ai oro oa’ama?-?kina.
16Kaupu monou eiai enei imua anu muri keina imua ipawkiai; kaupu e eiai enei rokoa anu muri keina rokoa ipawkiai. Ei iaki eiai koana ima keina?
17Enei ima keina, uku a’a aila orau Eloi inu Iva voa enei inaea‐a‐li’inakea: i parea opara, a’a orau i Eloi ekiakeina, Eloi inu paku ai Keriso kiripai, orau enei kuruna.
Currently Selected:
2 Korinito 2: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
