2 Korinito 1
1
1Paulo i Eloi inu lai Keriso Iesu unu Iva a’a evere’eakeina, Timoteo ane ene aroa a’a, ei voa uku Eloi inu ekalesia a’a eiai Korinito ai, Una a’a uriria ane eiai Akaia eiei iki ai.
2I Eloi ene Mai mere, Amua Iesu Keriso mere ane, la’aruku, airu ane, nakuakeinameki.
3Eloi ene Amua Iesu Keriso onu Mai kopai awkuakeinamoki, Mai ane U umu evopoakeina, paioka uriria anu Eloi U ua?-?rokona.
4Ene kukupuna uriria U paiakana, enei lai kukupuna a’a pai ekava’ane‐iai i kurua paioka mere i Eloi mere enei paiakavakeina.
5Uku orau Keriso onu kukunu enei laru ai evereverena, orau i Keriso mere ene paioka evereverena.
6Enei kukupuna‐akava?-?keia’ane naea, enei orau keina nomo paioka eiai, nomo iawka ane; enei paioka mimakeia’ane naea, enei mi’ina nomo paioka eiai, kurua paioka noro laru ai eakeina i nomo iviri kekepa mere uku kukupuna orau enei awku mi’ina.
7Ene araea’araea noro eiai iviri rokona; uku enei ipali’ina orau noro ene kukupuna anu aua‐mia a’a keina, orau awku paioka aua‐mia noro keiakana.
8Uku ene kukupuna Asia ai noro ipaliai enei umu‐li’ina, ovaki airavaki e, i lai kukupuna mu’u enei aunia?-?kei’inave, awkoni‐awkava?-?kei’inave ane, rokoa anu araea’araea uriria enei inaka?-?li’inave.
9Imua anu mua ene lai laru ai enei miaka, uku ene nane enei pirimaroakonavaia, a Eloi ai, U ane U imua a’a imua mere la‐ekana, enei pirimaroakoa’ane‐iai.
10U ane kurua imua ovara mere U iakanave, orau U moawku liakana ane; enei araea’araea‐awkana U moawku iakavakana.
11Noro awku paiakana uku noro nawki‐awkana enei eiai, uku a’a aila kopai‐aw?-?kava’ane‐iai enei eiai, paioka eiai ane akuakeina uku a’a aila anu nawki eiai.
12Ene kopai inu uku eire, ene lai ioneli’ina uku lai kekepa, iaa lai miki ane, a’a anu lai evera peo, a i Eloi inu la’aruku pani va’au ai enei rokoane euna, a ene opara noro eiai ei voa miki kapoi.
13Ei voa enei kikirimakina noro eiai enei kikiriane euna, noro ipaliane euna ei voa miki keina; nai araea’araea li’ina noro laikora’ane?-?iai ei voa miki keina anea’?-?anea pani periakeia’ane.
14Orau nomo a’a varomo ipaliane euna nomo kopai inu uku enei rokona, orau noro awku ene kopai keiakana Amua Iesu unu lare ai.
15Uku ei lai eiai noro ai pinai aki‐aneai nai umuli’inave, uku Eloi inu la’aruku mo noro miane‐iai.
16Uku noro mere Makedonia ai enavai, Makedonia mere noro ai vairuai, noro pai’ikava’ane‐iai Judea ai enavai.
17Nai orau kuruaka’ane, nai lai e e ama‐ipawki’e? Nai awku liai laikora’ane, pani va’au a’a anu opara nai amali’i? Pani varomo erau voa kuruna, Lia, Lia, pani mo, Peo, Peo?
18Orau Eloi miki ua?-?rokona, ene voa noro eiai Lia, Lia, Peo, Peo, a‐kei’inavea.
19Uku Eloi inu Mere Iesu Keriso, U ane i enei U upurukiakei’inave noro awkono avao ai, i nai, Silavano ane, Timoteo ane, U kurua voa Lia, Peo ane, a‐kei’inavea. Panipani Una voa Lia kei’inave.
20Uku Eloi inu maura‐voa uriria U laru ai lia keina, ei uku eiai i U mere ene Amene Una voa anu miki iki e’ena Eloi inu evao’evao eiai.
21Noro kiripai Keriso laru ai U iviri‐akamakina, U iaa areka’ane euna ane, U Eloi ua‐rokona.
22Una aipo enei upa mere U aiane euna, vupu iru pani inu paioka eiai Una Avaea ene umu laru ai U aiane euna.
23Eloi na ione keina uku nai kukunu nakanavaia Korinito ai nai a‐anenavea.
24Nomo pirimaroakoa amua‐awkavai enei umu‐a‐li’inakea, a noro kopailiai painakavai ene umuli’ina; i pirimaroakoa noro iviri oina.
Currently Selected:
2 Korinito 1: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
