रोमापा 16
16
थामे छाम्डी
1ङा खेक्या दोङदु केन्कीरीया ढोङखेरदु हो़गीन, क्षो़छोकगी श्याप्ची पुगीन, होरी नुमो फेबेगी तो़टा ताङाहीन। 2को़न्क्षोकगी मीक्याला थी़न्गीन च्योक्रे, मोला चोवोगी नाङ खेलेन झ्यी धेनी मोला घो़गीन घी हो़ना होदेला रोक्राम झ्यी ॱनेरी, ङा खेक्याला श्योवा पुलाहीन घीझ्येरी ॱनाना मी़ मी माङा धाङ ङालाः रोक्राम झ्येवालाक।
3धेनी मास्यीका येशुगी नाङ, ङी लेरोक पीरीस्का धाङ आकुलाला छाम्डी श्यी़। 4खुङक्याई ङी क्षीदु राङगी मीछेराङ, ङेन्का क्षेला च्युक्पालाक। धेनी खुङक्याला ङा च्यीगा मेन्दा हीना याहुदापा मेन्गीन, क्षो़छोक हो़लेगीयाः काटीन क्षे श्युलालाक। 5धेनी खुङक्याई नाङदु छुक्कीन क्षो़छोकला छाम्डी श्यी़।
एशीया नाङने मास्यीकाला धेपा झ्यीगीन मी धाङस्योक हीन्गीन, ङी चेवे रोवा एपेनेतोला छाम्डी श्यी़। 6धेनी खीकी क्षीदु ॱमीच्यीकी काल्ले ग्यापक्या, मीरीयामला छाम्डी श्यी़। 7ङी पी़न्दा धाङ ङी चो़न्रोक हीन्गीन, एन्डोनीकु धाङ युनीयाला छाम्डी श्यी़। खुङक्या कुछापक्याई नाङ केटाक्क्षे हो़तालाक धेनी ङाने एन्ला मास्यीकावा झ्युवालाक।
8चोवोगी नाङ ङी चेवे रोवा, आम्पीलीयातुला छाम्डी श्यी़। 9धेनी मास्यीकागी नाङ ङी लेरोक, उरबानु धाङ ङी चेवे रोवा स्ताकुसला छाम्डी श्यी़। 10धेनी मास्यीकागी नाङ शाङपो चीचा, आपेलेला छाम्डी श्यी़। धेनी आरीस्तोबुलोगी नाङमीक्याला छाम्डी श्यी़। 11ङी पी़न्दा हेरोदीयो़नला छाम्डी श्यी़। धेनी चोवोगी नाङ हो़गीन, नारकीसोगी नाङमीक्याला छाम्डी श्यी़।
12चोवोगी नाङ काल्ले ग्याप्कीन भोमो, तीरुफेना धाङ तीरुफोसाला छाम्डी श्यी़। चोवोगी नाङ ॱमीच्यीकी काल्ले ग्याप्कीन ङी चेवे रोवा, पेरसीला छाम्डी श्यी़। 13चोवोगी नाङ दाम्दा रुफुसु धाङ ङी आमाः झ्युङ ङ्युङगीन, खी़ आमाला छाम्डी श्यी़। 14आसीनकेरेतु धाङ फेलेगो़न धाङ हेरमे धाङ पातोरोबा धाङ हेरमा धाङ खुङक्यामुला हो़गीन, पी़न श्येम्माक्याला छाम्डी श्यी़। 15धेनी फीलोलोगो धाङ युलीया धाङ नेरेयु धाङ खी़ नुमो धाङ ओलीम्पा धाङ खुङक्यामुला हो़गीन को़न्क्षोकगी मी हो़लेला छाम्डी श्यी़।
16धेनी च्यीकगी च्यीकला धाम्पे ओगी छाम्डी श्यी़। मास्यीकागी क्षो़छोक हो़लेगी खेक्याला छाम्डी श्यी़क।
थामे ॱलापच्या धाङ छाम्डी
17पी़नक्याओ, खेक्याला ॱलाप्ला क्षो़गी तावाने श्येम्मा ॱलाप्ती, खेक्या घुङदु टुक्कीन धाङ काल्ले घाक्वा शोगीन, मीक्याने शाप-शाप झ्यी धेनी खुङक्याने डारी धो़क ॱनेरी, ङा खेक्याला श्योवा पुलाहीन। 18घीझ्येरी ॱनाना देरे मीक्याई होरी चोवो मास्यीकागी क्षीदु श्याप्ची पुला मेन्दा, हीना राङगी फोवा क्षीदु झ्यीदालाक। धेनी देरेक्याई खा जेवा धाङ पेले स्येदी, मी क्युमाक्याई सेमक्या ॱली़लालाक। 19खेक्या खाला ङेन्पो हो़गीनगो, मी घीरीला स्येये हो़तालाक धेनी खेक्याई झ्येरी ङा घाटो झ्यीदाहीन। हीना खेक्या शाङा हीन्गीनगोला चाङजे झ्यीये धाङ ङेन्पा हीन्गीनगोला क्यो़न मेगीन झ्युङगीनगो ङा दो़दीहो़क। 20श्यीदेगी को़न्क्षोकगी धी़ सातानला ग्योक्जेराङ, खेक्याई काङबी होकला ॱनेम्गीलाक।
होरी चोवो येशु मास्यीकागी थुक्जे खेक्यामुला हुङास्योक।
21ङी लेरोक तीमोथेउ धाङ ङी पी़न्दा लुकीया धाङ यासोन धाङ सोसीपातोगी खेक्याला छाम्डी श्यी़क।
22धेनी पाउलुगी क्षीदु दे यीक ढीक्कीन ङा तेरतीउगीयाः, खेक्याला चोवोगी नाङ छाम्डी हो़क। 23धेनी ङा धाङ क्षो़छोक घीरीला ॱनेचाङ ॱयारकीन गायुगी, खेक्याला छाम्डी श्यी़क। धेनी ग्याजागी ॱङेरपा ईरासीतु धाङ नो कोआरतोसगी, खेक्याला छाम्डी श्यी़क। 24[होरी चोवो येशु मास्यीकागी थुक्जे, खेक्यामुला हुङास्योक। आमेन।]#१६:२४ धाम्पे सुङराप रीङगाक्याला दे लेउ २४ दे माढीक हो़तालाक।
पाउलुगी थामे ॱमो़लाम
25धा को़न्क्षोकला शीजे हुङास्योक। धेनी येशु मास्यीकागी कोरला, ङी स्येगीन ताम्शाङगी थोक्ने धाङ धी़ थोक्माने सारी श्याकश्या, साङवा ॱङो़न्गीनगी थोक्ने, खोङबागी खेक्याला स्युक्क्षे जे थुक्वालाक। 26हीना ॱङो़नस्येखेनक्याई एम्मा ॱङोई सुरी, ढीक्टा धाङ थामेपे को़न्क्षोकगी कागी थोक्ने, साङवा दे याहुदापा मेन्गीन घीरीला ॱङो़न हो़तालाक। दे नी घीरीगी धेपा झ्येरी, खोङबागी काला चीलास्योक ॱनेरी लाक। 27कुन खेन्गीन को़न्क्षोक च्यीक्पोला, येशु मास्यीकागी थोक्ने ग्युने ग्युन्दु शीजे हुङवास्योक। आमेन।
Currently Selected:
रोमापा 16: LOY
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society
रोमापा 16
16
थामे छाम्डी
1ङा खेक्या दोङदु केन्कीरीया ढोङखेरदु हो़गीन, क्षो़छोकगी श्याप्ची पुगीन, होरी नुमो फेबेगी तो़टा ताङाहीन। 2को़न्क्षोकगी मीक्याला थी़न्गीन च्योक्रे, मोला चोवोगी नाङ खेलेन झ्यी धेनी मोला घो़गीन घी हो़ना होदेला रोक्राम झ्यी ॱनेरी, ङा खेक्याला श्योवा पुलाहीन घीझ्येरी ॱनाना मी़ मी माङा धाङ ङालाः रोक्राम झ्येवालाक।
3धेनी मास्यीका येशुगी नाङ, ङी लेरोक पीरीस्का धाङ आकुलाला छाम्डी श्यी़। 4खुङक्याई ङी क्षीदु राङगी मीछेराङ, ङेन्का क्षेला च्युक्पालाक। धेनी खुङक्याला ङा च्यीगा मेन्दा हीना याहुदापा मेन्गीन, क्षो़छोक हो़लेगीयाः काटीन क्षे श्युलालाक। 5धेनी खुङक्याई नाङदु छुक्कीन क्षो़छोकला छाम्डी श्यी़।
एशीया नाङने मास्यीकाला धेपा झ्यीगीन मी धाङस्योक हीन्गीन, ङी चेवे रोवा एपेनेतोला छाम्डी श्यी़। 6धेनी खीकी क्षीदु ॱमीच्यीकी काल्ले ग्यापक्या, मीरीयामला छाम्डी श्यी़। 7ङी पी़न्दा धाङ ङी चो़न्रोक हीन्गीन, एन्डोनीकु धाङ युनीयाला छाम्डी श्यी़। खुङक्या कुछापक्याई नाङ केटाक्क्षे हो़तालाक धेनी ङाने एन्ला मास्यीकावा झ्युवालाक।
8चोवोगी नाङ ङी चेवे रोवा, आम्पीलीयातुला छाम्डी श्यी़। 9धेनी मास्यीकागी नाङ ङी लेरोक, उरबानु धाङ ङी चेवे रोवा स्ताकुसला छाम्डी श्यी़। 10धेनी मास्यीकागी नाङ शाङपो चीचा, आपेलेला छाम्डी श्यी़। धेनी आरीस्तोबुलोगी नाङमीक्याला छाम्डी श्यी़। 11ङी पी़न्दा हेरोदीयो़नला छाम्डी श्यी़। धेनी चोवोगी नाङ हो़गीन, नारकीसोगी नाङमीक्याला छाम्डी श्यी़।
12चोवोगी नाङ काल्ले ग्याप्कीन भोमो, तीरुफेना धाङ तीरुफोसाला छाम्डी श्यी़। चोवोगी नाङ ॱमीच्यीकी काल्ले ग्याप्कीन ङी चेवे रोवा, पेरसीला छाम्डी श्यी़। 13चोवोगी नाङ दाम्दा रुफुसु धाङ ङी आमाः झ्युङ ङ्युङगीन, खी़ आमाला छाम्डी श्यी़। 14आसीनकेरेतु धाङ फेलेगो़न धाङ हेरमे धाङ पातोरोबा धाङ हेरमा धाङ खुङक्यामुला हो़गीन, पी़न श्येम्माक्याला छाम्डी श्यी़। 15धेनी फीलोलोगो धाङ युलीया धाङ नेरेयु धाङ खी़ नुमो धाङ ओलीम्पा धाङ खुङक्यामुला हो़गीन को़न्क्षोकगी मी हो़लेला छाम्डी श्यी़।
16धेनी च्यीकगी च्यीकला धाम्पे ओगी छाम्डी श्यी़। मास्यीकागी क्षो़छोक हो़लेगी खेक्याला छाम्डी श्यी़क।
थामे ॱलापच्या धाङ छाम्डी
17पी़नक्याओ, खेक्याला ॱलाप्ला क्षो़गी तावाने श्येम्मा ॱलाप्ती, खेक्या घुङदु टुक्कीन धाङ काल्ले घाक्वा शोगीन, मीक्याने शाप-शाप झ्यी धेनी खुङक्याने डारी धो़क ॱनेरी, ङा खेक्याला श्योवा पुलाहीन। 18घीझ्येरी ॱनाना देरे मीक्याई होरी चोवो मास्यीकागी क्षीदु श्याप्ची पुला मेन्दा, हीना राङगी फोवा क्षीदु झ्यीदालाक। धेनी देरेक्याई खा जेवा धाङ पेले स्येदी, मी क्युमाक्याई सेमक्या ॱली़लालाक। 19खेक्या खाला ङेन्पो हो़गीनगो, मी घीरीला स्येये हो़तालाक धेनी खेक्याई झ्येरी ङा घाटो झ्यीदाहीन। हीना खेक्या शाङा हीन्गीनगोला चाङजे झ्यीये धाङ ङेन्पा हीन्गीनगोला क्यो़न मेगीन झ्युङगीनगो ङा दो़दीहो़क। 20श्यीदेगी को़न्क्षोकगी धी़ सातानला ग्योक्जेराङ, खेक्याई काङबी होकला ॱनेम्गीलाक।
होरी चोवो येशु मास्यीकागी थुक्जे खेक्यामुला हुङास्योक।
21ङी लेरोक तीमोथेउ धाङ ङी पी़न्दा लुकीया धाङ यासोन धाङ सोसीपातोगी खेक्याला छाम्डी श्यी़क।
22धेनी पाउलुगी क्षीदु दे यीक ढीक्कीन ङा तेरतीउगीयाः, खेक्याला चोवोगी नाङ छाम्डी हो़क। 23धेनी ङा धाङ क्षो़छोक घीरीला ॱनेचाङ ॱयारकीन गायुगी, खेक्याला छाम्डी श्यी़क। धेनी ग्याजागी ॱङेरपा ईरासीतु धाङ नो कोआरतोसगी, खेक्याला छाम्डी श्यी़क। 24[होरी चोवो येशु मास्यीकागी थुक्जे, खेक्यामुला हुङास्योक। आमेन।]#१६:२४ धाम्पे सुङराप रीङगाक्याला दे लेउ २४ दे माढीक हो़तालाक।
पाउलुगी थामे ॱमो़लाम
25धा को़न्क्षोकला शीजे हुङास्योक। धेनी येशु मास्यीकागी कोरला, ङी स्येगीन ताम्शाङगी थोक्ने धाङ धी़ थोक्माने सारी श्याकश्या, साङवा ॱङो़न्गीनगी थोक्ने, खोङबागी खेक्याला स्युक्क्षे जे थुक्वालाक। 26हीना ॱङो़नस्येखेनक्याई एम्मा ॱङोई सुरी, ढीक्टा धाङ थामेपे को़न्क्षोकगी कागी थोक्ने, साङवा दे याहुदापा मेन्गीन घीरीला ॱङो़न हो़तालाक। दे नी घीरीगी धेपा झ्येरी, खोङबागी काला चीलास्योक ॱनेरी लाक। 27कुन खेन्गीन को़न्क्षोक च्यीक्पोला, येशु मास्यीकागी थोक्ने ग्युने ग्युन्दु शीजे हुङवास्योक। आमेन।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society